მნიშვნელოვანი ინფორმაცია
29
მარტიდღის ზოგადი ასტროლოგიური პროგნოზი
შაბათი, მთვარის ოცდამეათე დღე დაიწყება 07:05-ზე მთვარის პირველი დღე დადგება 14:57-ზე, მთვარე ვერძშია
შუადღემდე დაასრულეთ ძველი საქმეები. გათავისუფლდით უსარგებლო ნივთებისაგან. კარგია შემოქმედებითი საქმიანობა, სწავლა. აკონტროლეთ ემოციები. კარგი დღეა დასვენებისთვის. ბუნებაში, ქალაქგარეთ სასეირნოდ.
საღამოს დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. მოერიდეთ ფიზიკურ გადაღლას, მოსალოდნელია ტრავმები. არ გადატვირთოთ კუჭი. მოერიდეთ ცხელ და ცხარე საკვებს. არ მიიღოთ ალკოჰოლი. თავის ტკივილი რომ აირიდოთ, არ გადაიღალოთ გონებრივი სამუშაოთი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ილჰამ ალიევი - აზერბაიჯანი და საქართველო მხარს უჭერენ ერთმანეთს ტერიტორიული მთლიანობის საკითხებში
09:26 / 12-02-2014
აზერბაიჯანის პრეზიდენტის, ილჰამ ალიევის განცხადებით, ევროპასა და სხვა საერთაშორისო ორგანიზაციებში საქართველო და აზერბაიჯანი ყოველთვის ერთმანეთის მხარდამჭერები არიან.
ამის შესახებ ილჰამ ალიევმა ბაქოში, ზაგულბას სასახლეში საქართველოს პრეზიდენტ, გიორგი მარგველაშვილთან გამართულ ერთობლივ ბრიფინგზე განაცხადა.
"ერთმანეთს მხარს ვუჭერთ ჩვენი ქვეყნების ტერიტორიული მთლიანობის საკითხებში. საქართველოსა და აზერბაიჯანის ტერიტორიული მთლიანობა დარღვეულია; უხეშად ირღვევა საერთაშორისო სამართლის ნორმები",-განაცხადა ალიევმა.
მისივე თქმით, საქართველოს პრეზიდენტთან შეხვედრაზე განიხილეს ეკონომიკური თანამშრომლობის პერსპექტივები.
"ვფიქრობთ, ძალიან დიდი პოტენციალი გვაქვს ჩვენს ქვეყნებს შორის ეკონომიკური და სავაჭრო ურთიერთობების გაფართოებისათვის.
ასევე, შესანიშნავი შესაძლებელობა გვაქვს ორმხრივი ინვესტირების სფეროში და უფრო დეტალურად ვსწავლობთ საქართველოს საინვესტიციო პოტენციალს. თუმცა, აღსანიშნავია, რომ აზერბაიჯანულ კომპანიებს უკვე დაწყებული აქვთ ინვესტირება ინფრასტრუქტურის, ენერგეტიკის, ტრანსპორტირებისა და წარმოების სფეროებში.
რა თქმა უნდა, დღეს ასევე განვიხილეთ ის ორმხრივი პროექტები, რომლებიც დაკავშირებულია ენერგიის დივერსიფიცირებასა და ენერგოუსაფრთხოებასთან.
ენერგეტიკის სფეროში თანამშრომლობის ძალიან კარგი ისტორია გვაქვს და ნავთობისა და გაზის მთავარი საექსპორტო გაზსადენები აზერბაიჯანიდან სწორედ საქართველოს ტერიტორიაზე გადის.
წლების განმავლობაში ჩვენი თანამშრომლობა ძალიან წარმატებული იყო და, რა თქმა უნდა, განვიხილეთ სამომავლო გეგმები ენერგეტიკის დივერსიფიცირების თვალსაზრისით.
როგორც იცით, გასულ დეკემბერს ბაქოში ხელი მოეწერა 21-ე საუკუნის ხელშეკრულებას, რომელიც უდიდესი ინფრასტრუქტურული და ენერგოპროექტია ევროპის მასშტაბით. ამ პროექტში 45 მილიარდი დოლარის ინვესტიცია განხორციელდება და საქართველო და აზერბაიჯანი, ისევე როგორც სხვა პარტნიორები და მეგობრები, აქტიურად ჩაებმებიან ამ ისტორიული პროექტის განხორციელების საქმეში", - განაცხადა ალიევმა.
მისივე თქმით, ორმხრივ თანამშრომლობაში ასევე მნიშვნელოვანია ტრანსპორტის სფერო და ამ დარგშიც მნიშვნელოვანი პროექტები არსებობს, რომლებიც აერთიანებს და აკავშირებს როგორც რეგიონს, ისე კონტინენტებს.
"ამას გარდა, განვიხილეთ თანამშრომლობის საკითხები ჰუმანიტარულ სფეროში, ხალხთა შორის კონტაქტები.
ძალზე მოხარული ვარ, რომ საქართველოს პრეზიდენტი ხვალ აზერბაიჯანის რეგიონებს ეწვევა და აზერბაიჯანის ეთნიკურ ქართველებს შეხვდება.
რამდენიმე წლის წინათ მეც შევხვდი მარნეულში მცხოვრებ აზერბაიჯანელებს. ასეთი შეხვედრები უაღრესად მნიშვნელოვანია ჩვენი კავშირის განმტკიცებისთვის, რადგან აზერბაიჯანის ქართველობა და საქართველოში მცხოვრები აზერბაიჯანელები ჩვენი მნიშვნელოვანი ნაწილია და, რა თქმა უნდა, მათი ცხოვრება, მათი აქტივობები უმნიშვნელოვანესია ორმხრივ ურთიერთობაში.
მინდა აღვნიშნო, რომ წლების განმავლობაში ქართველები და აზერბაიჯანელები მუდმივად ცხოვრობდნენ მშვიდობიანად და მეგობრულად.
დღეს ჩვენი ურთიერთობა არის ურთიერთობა ძმებს შორის, მეგობრებსა და სტრატეგიულ პარტნიორებს შორის. საქართველოს პრეზიდენტის ვიზიტი ამას კიდევ ერთხელ ადასტურებს.
ბატონო პრეზიდენტო, კეთილი იყოს თქვენი მობრძანება აზერბაიჯანში. იმედი მაქვს, ჩვენს ქვეყანაში ყოფნა თქვენთვის სასიამოვნო იქნება",-დასძინა ალიევმა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
