მნიშვნელოვანი ინფორმაცია
30
მაისიდღის ზოგადი ასტროლოგიური პროგნოზი
30 მაისი, პარასკევი, მთვარის მეოთხე დღე დაიწყება 07:23-ზე, მთვარე ლომში გადაბრძანდება 23:58-ზე – ნუ აჰყვებით პროვოკაციებს, მოერიდეთ კამათსა და კონფლიქტს. კარგია ახალი ინფორმაციის შეგროვება და დამუშავება. წარმოების გაზრდა. არ არის შესაფერისი დღე მოგზაურობის დასაწყებად ან მივლინებაში წასასვლელად. დღის ენერგიამ შეიძლება გამოიწვიოს გაურკვევლობა, ადამიანებში იმატებს კომპრომისზე წასვლის უუნარობა. ასევე, არ არის მიზანშეწონილი რომანტიკული პაემანი. კარგია ოთახების მოლამაზება. ინტერიერის განახლება. აგრეთვე სადილის მომზადება და ცხობა. საუკეთესოა თმის შეჭრა და შეღებვა. გაიკეთეთ თმისა და სახის ნიღაბი. მოუფრთხილდით გულს, სისხლის მიმოქცევის სისტემას, არტერიებს, ზურგს, დიაფრაგმას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
საკრებულოს უმრავლესობამ დედაქალაქის 2014 წლის ბიუჯეტის ახალი პროექტი დაიწუნა
05:36 / 12-02-2014
თბილისის საკრებულოს უმრავლესობამ დედაქალაქის 2014 წლის ბიუჯეტის ახალი პროექტი დაიწუნა. თბილისის საფინანსო საქალაქო სამსახურის უფროსის ილია ათანასოვის მიერ წარდგენილი ბიუჯეტის პროექტი 65 მილიონი ლარით არის გაზრდილი და იგი 850 მილიონ ლარს შეადგენს. ათანასოვმა სხდომაზე აღნიშნა, რომ 65 მილიონი ლარის ბიუჯეტი, ძირითადად, არაფინანსური აქტივობის კლების ხარჯზე, ანუ პრივატიზაციიდან შესული თანხებით გაიზრდება. ამ განცხადებას სხდომაზე დავა და სიტყვიერი შეკამათება მოჰყვა.
მერიის მიერ წარდგენილ ბიუჯეტის პროექტს საკრებულოს საფინანსო საბიუჯეტო კომისიის სხდომაზე, "ნაციონალური მოძრაობა – განახლებული თბილისის" თავმჯდომარე თამაზ შოშიაშვილი იცავდა, რის გამოც უმრავლესობის წევრმა მიხეილ ქავთარაძემ მას უოლ სტრიტის ფინანსური მგელი, ჰარი გუდინი და ილუზიონისტი უწოდა.
საკრებულოს თავმჯდომარემ ირაკლი შიხიაშვილმა კი ბიუჯეტის პროექტს გაუპატიურებული უწოდა და აღნიშნა, რომ ეს ბიუჯეტი თუ დამტკიცდა, დაახლოებით 50 მილიონი ლარის გარღვევაა მოსალოდნელი.
სხდომის ბოლოს, ირაკლი შიხიაშვილმა განცხადება გააკეთა. მან მადლობა გადაუხადა ილია ათანასოვს ბიუჯეტის პროექტის წარდგენისთვის და დასძინა, რომ ამ ბიუჯეტმა "ნაციონალური მოძრაობა" ბოლომდე ამხილა. შიხიაშვილი მიიჩნევს, რომ თბილისის მერს სურს ბიუჯეტი მხოლოდ ფურცელზე არსებობდეს და პროგრამების შესრულება მხოლოდ დაპირებებად დარჩეს.
მან ბიუჯეტის პროექტს დაგეგმილი საბოტაჟი უწოდა იმ ხელისუფლების მიმართ, რომელიც თბილისის მერიის ამჟამინდელი ხელისუფლების მემკვიდრე იქნება. ირაკლი შიხიაშვილის თქმით, ამ ბიუჯეტის ავტორები გიგი უგულავა, სევდია უგრეხელიძე და ირაკლი აბესაძე არიან და მათ მოსახლეობის სახელით საუბრის უფლება არ აქვთ.
საკრებულოს თავმჯდომარის თქმით, ყველა საბიუჯეტო განხილვაზე ბიუჯეტის პროექტი სხდომის წინ მინიმუმ 50-60 მილიონი ლარით იზრდება, რაც მარაზმია.
"ამ მარაზმს წერტილი უნდა დაესვას. ან გადადგებიან, ან იმის ხარჯზე, რომ ეგენი წავიდნენ, ჩვენც გადავდგებით, მაგრამ ამ ბიუჯეტის პროექტს მხარს არ დავუჭერთ", - აღნიშნა ირაკლი შიხიაშვილმა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
