თბილისში წყალზე კვლავ შეზღუდვაა
900 მილიმეტრიან მაგისტრალურ წყალდენზე მომხდარი დაზიანებების სალიკვიდაციო, გადაუდებელი ტექნიკური სამუშაოების გამო დღეს ღამიდან თბილისის რამდენიმე უბანს ღამის 23:00 საათამდე წყალმომარაგება შეუწყდა. როგორც "ინტერპრესნიუსს" კომპანია "ჯორჯიან უოთერ ენდ ფაუერიდან აცნობეს", ავარიულად დაზიანდა მაგისტრალური მილის ჩარგლის ქუჩასა და ცოტნე დადიანის გამზირზე გამავალი მონაკვეთები.
მაგისტრალის დაზიანებულ მონაკვეთებზე გადაუდებელი სამუშაოების ჩატარების მიზნით წყალმომარაგება შეუწყდა: ცოტნე დადიანის გამზირს, თემქის XI მ/რაიონის I, II, IV, IX, X, Xა კვარტლებს და III მ/რაიონის I კვარტალს, გურამიშვილის, სარაჯიშვილის, ფეიქრების, ვარდევანის, ქვიშხეთის, ხევისუბნის, ზესტაფონის, ჭყონდიდელის, ბენდელიანის, მახინჯაურის, თორნიკე ერისთავის, წინუბნის, ცისარტყელასა და მიმდებარე ქუჩებს.
ასევე, 12 თებერვლის დილის 06:00 საათამდე წყალი დაბალი წნევით მიეწოდება:
წერეთლისა და დავით აღმაშენებლის გამზირებს, სამტრედიის, წყალტუბოს, მირცხულავას, სტანისლავსკის, ბაქრაძის, ვანის, ხოშარაულის, გუდაურის, კედიას, ევდოშვილის, ვ. ბაგრატიონის, ბათუმის, ფოთის, ფიფიას, ცაბაძის, ქურდიანის, იამანიძის, უზნაძის, კვინიტაძის, დგებუაძის, ხეთაგუროვისა და მიმდებარე ქუჩებს.
კომპანია "ჯორჯიან უოთერ ენდ ფაუერი" ბოდიშს იხდის დისკომფორტისთვის და შეეცდება ტექნიკური სამუშაოების ჩატარება რაც შეიძლება მოკლე დროში დაასრულოს.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
