გორის ცენტრში, ბარათაშვილის ძეგლის მიმდებარე ტერიტორიაზე, 1952 წელს დაბადებული ალექსანდრე ქ. გულის შეტევით გარდაიცვალა. ის პოლიციის პიკაპით სამხედრო ჰოსპიტალში გადაიყვანეს. 10-15 წუთის შემდეგ ჰოსპიტალში გარდაცვლილის ახლობლებიც მიიყვანეს.
როგორც გაირკვა, 62 წლის მამაკაცი გულის ოპერაციის გაკეთებას და, საამისოდ, სამედიცინო დაწესებულებიდან დასტურს ელოდებოდა. ამის შესახებ ჰოსპიტალში მისული ახლობლები საუბრობდნენ და აღნიშნავდნენ, რომ ოპერაციის გასაკეთებლად დასტური გვიანდებოდა.
