წუხელ გეგუთის ციხის სამი პატიმრის ჰოსპიტალიზაცია მოხდა
გეგუთის ციხეში მოთავსებული პატიმრების ახლობლებმა წუხანდელი ღამე კოლონიასთან გაათენეს. აღნიშნულის გამო ადგილზე მთელი ღამის განმავლობაში მობილიზებული იყო საპატრულო პოლიცია.
წუხელ კოლონიასთან მცირე ინციდენტიც მოხდა - პატიმართა ახლობლებმა ადგილზე სასწრაფო დახმარების ბრიგადის გამოჩენის შემდეგ ციხის ცენტრალური შესასვლელის გადაკეტვა სცადეს. ისინი საპატიმროში არსებული ვითარების შესახებ ინფორმაციას ითხოვდნენ.
თავად ექიმების განცხადებით, ღამის განმავლობაში შიმშილობის აქციის შედეგად დასუსტებული სამი მსჯავრდებულის ჰოსპიტალიზაცია გახდა საჭირო.
სასჯელაღსრულების #14 დაწესებულების პატიმრები უკვე მე-5 დღეა შიმშილობენ. მათმა ნაწილმა გუშინ თვითდაზიანებაც მიიყვანა.
გეგუთის ციხეში წუხელ განვითარებული მოვლენების შესახებ ინფორმაციას ტელეკომპანია "რუსთავი 2" ავრცელებს.
დაპირისპირება თბილისის ცენტრში - რამდენიმე მამაკაცი ფიზიკურად გაუსწორდა
"სათამაშო ბიზნესი "ქართულ ოცნებაში" ე.წ. შავ სალაროს ავსებს" - ვინ მფარველობს ონლაინკაზინოებს?
