დუშეთის საკრებულოს თავმჯდომარის მოადგილე ზურაბ ოტიაშვილი დააკავეს

ფინანსთა სამინისტროს საგამოძიებო სამსახურის თანამშრომლებმა დუშეთის საკრებულოს თავმჯდომარის მოადგილე, უშიშროების ყოფილი მაღალჩინოსანი ზურაბ ოტიაშვილი დააკავეს.

საგამოძიებო სამსახური მას სისხლის სამართლის კოდექსის 332 (თანამდებობის ბოროტად გამოყენება), 333 (სამსახურებრივი უფლებამოსილების გადამეტება), 180 (თაღლითობა) და 340 (კანონით აკრძალული საჩუქრის მიღება) მუხლებით გათვალისწინებული დანაშაულების ჩადენაში ადანაშაულებს.

ზურაბ ოტიაშვილი მცხეთა-მთიანეთის ყოფილ გუბერნატორთან, ცეზარ ჩოჩელთან დაახლოებული პირია. ის მასპინძლობდა რეგიონში ჩასულ მაღალი რანგის სტუმრებს, პრეზიდენტს, მინისტრებს. 2012 წლის საპარლამენტო არჩევნებში "ნაციონალური მოძრაობის", დუშეთში მაჟორიტარი დეპუტატობის კანდიდატად წარადგინეს, თუმცა მოგვიანებით ოტიაშვილმა კანდიდატურა მოხსნა. ამ ფაქტს წინ უძღოდა მის მიერ ამომრჩევლის მოსყიდვა. მაჟორიტარობის კანდიდატმა ჩარგალში, ვაჟაობაზე ერთ-ერთ ამომრჩეველს 500 ლარი გადასცა და როგორც თავად განაცხადა, უსინათლო მომღერალს საკუთარი თანხით დაეხმარა.

იხილეთ ვრცლად

მცხეთა-მთიანეთის საინფორმაციო ცენტრი