22
ივნისიდღის ზოგადი ასტროლოგიური პროგნოზი
სახალხო დამცველის რწმუნებული გიორგი ლაბაძე გეგუთის კოლონიაში იმ პატიმრებს შეხვდა, რომლებმაც თვითდაზიანება მიიყენეს. როგორც "ინტერპრესნიუსს" კოლონიიდან გამოსვლის შემდეგ გიორგი ლაბაძემ განუცხადა, სამინისტრო აცხადებდა, რომ 17 პატიმარს ჰქონდა თვითდაზიანება მიყენებული, მისი განცხადებით კი, სულ 46 პატიმარს აქვს მიყენებული თვითდაზიანება.
ამასთან, გიორგი ლაბაძის განცხადებით, დღეს კიდევ ორი პატიმარი გადაიყვანეს საავადმყოფოში, თუმცა, ეს თვითდაზიანებას არ უკავშირდება. მისივე ინფორმაციით, ამ ორ პატიმარს წნევა დაუვარდა, რადგან საკვებს არ იღებენ.
სასჯელაღსრულებისა და პრობაციის სამინისტრომ დღეს განცხადება გაავრცელა, რომელშიც აღნიშნულია, რომ გეგუთის ციხის პატიმრებს შესაბამისი სამედიცინო დახმარება გაეწიათ.
"2014 წლის 10 თებერვლის ღამით, სასჯელაღსრულების #14 დაწესებულებიდან გადაიყვანეს სამოქალაქო საავადმყოფოებში 17 მსჯავრდებული. ყველა მათგანს აღმოუჩინეს სათანადო სამედიცინო დახმარება. ამ მომენტისთვის 17 მსჯავრდებული დაბრუნებულია დაწესებულებაში. პატიმრების ჯანმრთელობის მდგომარეობა დამაკმაყოფილებელია და მათ სიცოცხლეს საფრთხე არ ემუქრება", - ნათქვამია სამინისტროს განცხადებაში.
