თენგიზ გაჩეჩილაძე - სოჭის ოლიმპიური თამაშები პირველია, სადაც ვერ ვხედავ ვერანაირ სიხალისეს
გაზეთ "ლელოს" მთავარი რედაქტორი თენგიზ გაჩეჩილაძე სოჭში, ჟურნალისტთა ოლიმპიურ სოფელში არსებულ პრობლემებზე საუბრობს. როგორც გაჩეჩილაძე სოჭიდან იუწყება, ჟურნალისტთა დასახლება იზოლირებულ ზონაშია და მედიას არანაირი კონტაქტი არ აქვს არც ქალაქთან და არც მოსახლეობასთან.
"ამ ადგილს ჟურნალისტთა ოლიმპიური სოფელი ჰქვია, მაგრამ სოჭში არ არის. სოჭიდან ვართ მოშორებით და ვართ იზოლირებულ ზონაში. არანაირი კონტაქტი არ გვაქვს არც ქალაქთან და არც მოსახლეობასთან. სხვათაშორის, ეს პირველი თამაშებია, სადაც ვერ ვხედავ ვერანაირ სიხალისეს. შეიძლება ამას უხალისო ოლიმპიადაც ეწოდოს. არანაირი კონტაქტი ჩვენ არ გვაქვს. თუ მოსახლეობასთან კონტაქტი არ გაქვს, თუ ქალაქთან კონტაქტი არ გვაქვს, ძნელია შთაბეჭდილების შექმნა. ოლიმპიურ სოფელში სასადილო მხოლოდ გუშინ გაგვიხსნეს ჟურნალისტებს. მეხუთე დღეა რაც აქ ვართ და ჯერ დამლაგებელი ჩვენს ნომერში არ შემოსულა. არ გამოსწორებულა ინტერნეტის მუშაობაც", - აღნიშნა "ლელოს" მთავარმა რედაქტორმა.
რაც შეეხება სპორტულ შეჯიბრებებს, მისი თქმით, არანაირი შეფერხებები ამ კუთხით არ არის. გარდა ამისა, როგორც გაჩეჩილაძემ განაცხადა, მან შექმნა ცხელი ხაზიც, რომელიც "ლელოს" ერთ-ერთ ნომერში გამოქვეყნდა. მისი თქმით, მოქალაქეები საქართველოდან ურეკავენ და კითხულობენ თუ რა მდგომარეობაა სხვადასხვა მიმართულებებით სოჭში.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
