მას შემ­დეგ, რაც "ვერ­სი­ა­ში" გა­მოქ­ვეყ­ნდა სტა­ტია, თუ რო­გორ აპი­რებ­და კომ­პა­ნია "ყა­ზტრანსგაზთ­ბი­ლი­სი", მომ­ხმა­რებ­ლის­თვის იან­ვარ­ში გა­ზის გა­და­სა­ხა­დი ორ­ჯერ გა­და­ეხ­დე­ვი­ნე­ბი­ნა, რე­დაქ­ცი­ა­ში აღ­შფო­თე­ბუ­ლი მო­ქა­ლა­ქე­ე­ბის ზა­რე­ბი არ წყდე­ბა. პრობ­ლე­მა, რო­მე­ლიც "ყა­ზტრანსგაზთ­ბი­ლი­სის" ერთი კონ­კრე­ტუ­ლი აბო­ნენ­ტის - გა­ზეთ "ქარ­თუ­ლი სი­ტყვის" რე­დაქ­ტო­რის მო­ად­გი­ლის, ვანო პავ­ლი­აშ­ვი­ლის მა­გა­ლით­ზე გან­ვა­ზო­გა­დეთ, ყვე­ლა თბი­ლი­სელს აწუ­ხებს. შე­სა­ბა­მი­სად, ზა­რე­ბი არც სა­ქარ­თვე­ლოს ენერ­გე­ტი­კის მა­რე­გუ­ლი­რე­ბელ ეროვ­ნულ კო­მი­სი­ას­თან (სე­მეკ-ი) არ­სე­ბულ მომ­ხმა­რე­ბელ­თა ინ­ტე­რე­სე­ბის სა­ზო­გა­დო­ებ­რი­ვი დამ­ცვე­ლის მო­ვა­ლე­ო­ბის შემ­სრუ­ლე­ბელ ნინო გუ­ლე­იშ­ვილ­თან წყდე­ბა. პრობ­ლე­მის აქ­ტუ­ა­ლო­ბი­დან გა­მომ­დი­ნა­რე, ხუთ­შა­ბათს, 6 თე­ბერ­ვალს, სე­მეკ-ში, სა­ზო­გა­დო­ებ­რი­ვი დამ­ცვე­ლის მო­ვა­ლე­ო­ბის შემ­სრუ­ლებ­ლის ინი­ცი­ა­ტი­ვით, სხდო­მა გა­ი­მარ­თა, რო­მელ­საც "ყა­ზტრანსგაზთ­ბი­ლი­სის" წარ­მო­მად­გენ­ლე­ბიც

და­ეს­წრნენ. რა პრობ­ლე­მე­ბი შე­ექ­მნათ თბი­ლი­სე­ლებს, რო­გორ იმარ­თლებს თავს "ყა­ზტრანსგაზთ­ბი­ლი­სის" წარ­მო­მად­გენ­ლე­ბი და რა ტი­პის სა­ჩივ­რე­ბით მი­მარ­თა­ვენ მომ­ხმა­რებ­ლე­ბი ენერ­გო­ომ­ბუდსმენს? - "ვერ­სია" ნინო გუ­ლე­იშ­ვილს ესა­უბ­რა.

- ქალ­ბა­ტო­ნო ნინო, თბი­ლი­სის მო­სახ­ლე­ო­ბა­ში პა­ნი­კაა... რა ტი­პის პრობ­ლე­მე­ბი გა­მო­იკ­ვე­თა, რის გა­მოც, მომ­ხმა­რე­ბე­ლი "ყა­ზტრანსგაზთ­ბი­ლისს" უჩი­ვის?

- პრობ­ლე­მე­ბი ორი მი­მარ­თუ­ლე­ბით გა­მო­იკ­ვე­თა - ერთი, მომ­ხმა­რებ­ლებს 2014 წლის იან­ვარ­ში ბუ­ნებ­რი­ვი აი­რის გაზ­რდი­ლი გა­და­სა­ხა­დი მი­უ­ვი­დათ, რა­ზეც "ყა­ზტრანსგაზთ­ბი­ლი­სის" წარ­მო­მად­გენ­ლებ­მა გა­ნა­ცხა­დეს, რომ 2013 წლის დე­კემ­ბერ­ში, ახა­ლი წლის წინა დღე­ებ­ში გა­ხარ­ჯუ­ლი გა­ზის ჩვე­ნე­ბა იმი­ტომ ვერ აი­ღეს, რომ მრი­ცხვე­ლე­ბი სახ­ლებ­შია და ამის გამო, მომ­ხმა­რებ­ლებს, 2014 წლის იან­ვარ­ში ორი თვის გა­და­სა­ხა­დი და­ე­რი­ცხათ. მე­ო­რე შემ­თხვე­ვა კი უფრო უც­ნა­უ­რია, რად­გან ჩვენ­თან წარ­მოდ­გე­ნი­ლი ქვით­რე­ბით, იან­ვარ­ში, კომ­პა­ნი­ის წარ­მო­მად­გენ­ლებ­მა ჩვე­ნე­ბა ორ­ჯერ - 3 და 24 იან­ვარს აი­ღეს. ჯამ­ში, ისე გა­მო­ვი­და, თუ მომ­ხმა­რე­ბელ­მა 2013 წლის დე­კემ­ბრის გა­და­სა­ხა­დი 2014 წლის 20 იან­ვრამ­დე გა­და­ი­ხა­და, იან­ვრის გა­და­სა­ხა­დი 10 თე­ბერ­ვლამ­დე უნდა და­ფა­როს, პრაქ­ტი­კუ­ლად, 20 დღე­ში. ამის გამო, მოხ­მა­რე­ბუ­ლი ბუ­ნებ­რი­ვი არის გა­და­სა­ხა­დის ციკ­ლი თა­ვი­დან ბო­ლომ­დე აი­რია, რა­მაც მო­სახ­ლე­ო­ბა­ში აღ­შფო­თე­ბა გა­მო­იწ­ვია. სა­კუ­თა­რი ხარ­ჯი ყვე­ლას გათ­ვლი­ლი აქვს, შე­საძ­ლოა, პლუს-მი­ნუს, ორი-სამი დღით გა­დაც­დეს, მაგ­რამ, რო­დე­საც ეს ციკ­ლი შემ­ცირ­და და რე­ა­ლუ­რად, 10 დღით გად­მო­ი­წია, მო­სახ­ლე­ო­ბა სა­მარ­თლი­ა­ნად აღ­შფოთ­და. არა­და, კა­ნო­ნით გან­სა­ზღვრუ­ლია, რომ "ყა­ზტრანსგაზთ­ბი­ლი­სის" წარ­მო­მად­გენ­ლებ­მა მრი­ცხვე­ლის ჩვე­ნე­ბა თვე­ში ერთხელ უნდა აი­ღონ და ანათ­ვა­ლის ასა­ღე­ბად მე-10 დღეს არ უნდა მო­ვიდ­ნენ. გარ­და ამი­სა, პრე­ტენ­ზი­ე­ბი იყო ქვით­რის ფორ­მას­თა­ნაც და ამას, კონ­კრე­ტუ­ლად, ჟურ­ნა­ლისტ ვანო პავ­ლი­აშ­ვი­ლის ქვით­რის მა­გა­ლით­ზე აგიხ­სნით, სა­დაც მი­თი­თე­ბუ­ლია მიმ­დი­ნა­რე და­რი­ცხვა, რო­მელ­საც ძვე­ლი და­ვა­ლი­ა­ნე­ბა და გა­დახ­დი­ლი თან­ხის ოდე­ნო­ბაც მოს­დევს. მარ­თა­ლია, მო­ქა­ლა­ქემ ბო­ლო­ში მი­თი­თე­ბუ­ლი თან­ხა უნდა გა­და­ი­ხა­დოს, მაგ­რამ ზე­მოთ მი­თი­თე­ბუ­ლი თან­ხის გა­მოც სვა­მენ კი­თხვას, მა­ინ­ცდა­მა­ინც, იან­ვარ­ში რა­ტომ მი­უ­ვი­დათ ასე­თი და­ჯა­მე­ბა? "ყა­ზტრანსგაზთ­ბი­ლი­სის" წარ­მო­მად­გენ­ლებ­მა გვი­პა­სუ­ხეს, რომ ახა­ლი წლის წინა დღე­ებ­ში მო­სახ­ლე­ო­ბა არ შე­ა­წუ­ხეს და თან­ხა ორ­თვი­ან პე­რი­ოდ­ზე და­რი­ცხეს. რო­გორც ხე­დავთ, რე­ა­ლუ­რი გან­მარ­ტე­ბა მა­ინც ვერ მი­ვი­ღეთ.

- რა კონ­კრე­ტუ­ლი მი­თი­თე­ბე­ბი მი­ე­ცათ სხდო­მა­ზე "ყა­ზტრანსგაზთ­ბი­ლი­სის" წარ­მო­მად­გენ­ლებს?

- მი­ვუ­თი­თეთ, თუ რა და­არ­ღვია და ახ­სნა-გან­მარ­ტე­ბაც მო­ვის­მი­ნეთ. შე­დე­გი ისაა, რომ მომ­ხმა­რებ­ლებს გა­ზის მი­წო­დე­ბა არ შე­უ­წყდე­ბათ, მიმ­დი­ნა­რე გა­და­სა­ხა­დი კი აუ­ცი­ლებ­ლად ყვე­ლამ უნდა გა­და­ი­ხა­დოს და ამა­ზე დავა არც არის. უფრო კონ­კრე­ტუ­ლად რომ გი­თხრათ, გა­და­სა­ხა­დი უნდა და­ფა­რონ, მაგ­რამ არა 10 თე­ბერ­ვლამ­დე, რა­საც "ყა­ზტრანსგაზთ­ბი­ლი­სი" ითხოვს, არა­მედ, თვის ბო­ლომ­დე. სა­ბო­ლოო შე­დე­გი კი მომ­დევ­ნო სხდო­მა­ზე დად­გე­ბა, რო­მე­ლიც 13 თე­ბერ­ვალს გა­ი­მარ­თე­ბა და კო­მი­სია უკვე "ყა­ზტრანსგაზთ­ბი­ლი­სის" პა­სუ­ხის­მგებ­ლო­ბის სა­კი­თხზე იმ­სჯე­ლებს.

- "ყა­ზტრანსგაზთ­ბი­ლი­სის" სა­ზო­გა­დო­ე­ბას­თან ურ­თი­ერ­თო­ბის დე­პარ­ტა­მენ­ტის გან­მარ­ტე­ბით, იან­ვარ­ში ანათ­ვალს ორ­ჯერ იმი­ტომ იღე­ბენ, რომ წლის ბო­ლოს ზუს­ტი მო­ნა­ცე­მე­ბი სჭირ­დე­ბათ, რათა მიმ­დი­ნა­რე წელი და­ხუ­რონ და გა­და­სა­ხადს სა­შუ­ა­ლო არით­მე­ტი­კუ­ლით ვერ გა­მო­ით­ვლი­ან, მაგ­რამ რა პრობ­ლე­მაა, მო­სახ­ლე­ო­ბამ გა­ზის ტა­რი­ფი დე­კემ­ბრის ბო­ლოს გა­და­ი­ხა­დოს და იან­ვრის ბო­ლო­საც?

- თუ კომ­პა­ნია სტა­ტის­ტი­კას ვერ აკე­თებს და სა­გა­და­სა­ხა­დო­ში დო­კუ­მენტს ვერ წა­რად­გენს, მისი პრობ­ლე­მაა და არა მომ­ხმა­რებ­ლის - კომ­პა­ნი­ამ, წელს თუ ვერ ხუ­რავს ან სა­გა­და­სა­ხა­დო­ში ან­გა­რიშფაქ­ტუ­რის წარ­დგე­ნის პრობ­ლე­მა აქვს, ამის გამო მომ­ხმა­რე­ბე­ლი არ უნდა და­ა­ზა­რა­ლოს. მომ­ხმა­რებ­ლებ­მა გა­ზის გა­და­სა­ხა­დი "ყა­ზტრანსგაზთ­ბი­ლი­სის" წარ­მო­მად­გენ­ლე­ბის მიერ თვე­ში ერთხელ აღე­ბუ­ლი ჩვე­ნე­ბის მი­ხედ­ვით უნდა გა­და­ი­ხა­დონ!

- კომ­პა­ნი­ის ახ­სნა-გან­მარ­ტე­ბა აბ­სურ­დუ­ლია, ეს გა­უ­გებ­რო­ბა თქვენ რო­გორ აგიხ­სნეს?

- თქვენს კო­ლე­გას, ვანო პავ­ლი­აშ­ვილს უთხრეს, თქვენ­თან ჩვე­ნე­ბის აღე­ბა იმი­ტომ ვერ მო­ვა­ხერ­ხეთ, რომ მრი­ცხვე­ლი სახ­ლში გაქ­ვთო. აღ­მოჩ­ნდა, რომ ვა­ნოს და, სხვა­თა შო­რის, ბევ­რი მომ­ხმა­რებ­ლის მრი­ცხვე­ლიც გა­რე­თაა და შე­სა­ბა­მი­სად, "ყა­ზტრანსგაზთ­ბი­ლი­სის" წარ­მო­მად­გენ­ლებს ჩვე­ნე­ბის აღე­ბი­სას პრობ­ლე­მა არ უნდა შექ­მნო­დათ. მოკ­ლედ, სწო­რედ ამ პრობ­ლე­მას­თან და­კავ­ში­რე­ბით "ყა­ზტრანსგაზთ­ბი­ლი­სის" წარ­მო­მად­გენ­ლე­ბის­გან გან­მარ­ტე­ბა ვერ მო­ვის­მი­ნე.

მომ­ხმა­რებ­ლე­ბის სა­სარ­გებ­ლოდ უნდა ვთქვა: ვი­ნა­ი­დან კომ­პა­ნი­ამ ჩვე­ნე­ბა წე­სის დარ­ღვე­ვით აიღო, თან­ხის გა­დახ­დის ვადა თვის ბო­ლომ­დე უნდა გა­ნი­სა­ზღვროს, რაც ნიშ­ნავს, რომ გა­ზის გა­და­სა­ხა­დი 8, 9 ან 10 თე­ბერ­ვლამ­დე კი არა, ზუს­ტად ერ­თთვი­ან ვა­და­ში უნდა გა­და­ი­ხა­დონ.

- ეს ერ­თთვი­ა­ნი ვადა "ყა­ზტრანსგაზთ­ბი­ლისს" 6 თე­ბერ­ვლის სხდო­მა­ზე გა­ნუ­სა­ზღვრეთ?

- დიახ, დად­გე­ნი­ლე­ბა­ში წე­რია, რომ სა­კი­თხის სა­ბო­ლოო გა­და­წყვე­ტი­ლე­ბის მი­ღე­ბამ­დე, მომ­ხმა­რებ­ლებს ბუ­ნებ­რი­ვი აი­რის მი­წო­დე­ბა არ შე­უ­წყდე­ბათ, სა­ბო­ლოო გა­და­წყვე­ტი­ლე­ბას კი, სა­ვა­რა­უ­დოდ, მიმ­დევ­ნო სხდო­მა­ზე, 13 თე­ბერ­ვალს მი­ვი­ღებთ.

- გა­ნი­ხი­ლავთ თუ არა შე­საძ­ლებ­ლო­ბას, რომ მო­ქა­ლა­ქე­ებ­მა, რომ­ლებ­მაც იან­ვარ­ში გა­ზის ორ­მა­გი გა­და­სა­ხა­დი გა­და­ი­ხა­დეს, "ყა­ზტრანსგაზთ­ბი­ლის­მა" თან­ხა უკან და­უბ­რუ­ნოს, ან შემ­დე­გი თვის გა­და­სა­ხა­დი­დან გა­მო­იქ­ვი­თოს?

- არა, ამ სა­კი­თხზე არ გვიმ­სჯე­ლია, რად­გან ამ შე­კი­თხვით ჩემ­თვის არა­ვის მო­უ­მარ­თავს და არც სა­ჩი­ვა­რი შე­მო­სუ­ლა. ზო­გა­დად, გა­დახ­დი­ლი თან­ხა სა­დაო არ არის, რად­გან მო­სახ­ლე­ო­ბამ გაზ­რდი­ლი გა­და­სა­ხა­დი იმ მი­ზე­ზით გა­და­ი­ხა­და, რომ კომ­პა­ნი­ის წარ­მო­მად­გენ­ლებ­მა ანათ­ვა­ლი არას­წო­რად აი­ღეს და შე­სა­ბა­მი­სად, გა­ზის გა­და­სა­ხა­დის გა­დახ­დის ვადა, ქვი­თარ­ზე არას­წო­რად იყო მი­თი­თე­ბუ­ლი.

- ბოლო დროს შექ­მნი­ლი პრობ­ლე­მე­ბის გამო, კონ­კრე­ტუ­ლად, რა სუ­რა­თი მი­ი­ღეთ, რა შთა­ბეჭ­დი­ლე­ბა შე­გექ­მნათ?

- "ყა­ზტრანსგაზთ­ბი­ლისს" მომ­ხმა­რე­ბელ­თან სხვა პრობ­ლე­მე­ბიც აქვს. ბოლო დროს ად­მი­ნის­ტრა­ცი­უ­ლი სა­მარ­თალ­დარ­ღვე­ვის საქ­მის წარ­მო­ე­ბა გახ­შირ­და, ძა­ლი­ან ბევ­რი ოქმი იწე­რე­ბა ბუ­ნებ­რი­ვი აი­რის უკა­ნო­ნო მოხ­მა­რე­ბას­თან და­კავ­ში­რე­ბით...

- ქალ­ბა­ტო­ნო ნინო, მრი­ცხვე­ლებ­თან და­კავ­ში­რე­ბი­თაც გკი­თხავთ, არის თუ არა "ყა­ზტრანსგაზთ­ბი­ლი­სი" ვალ­დე­ბუ­ლი, სახ­ლე­ბი­დან მრი­ცხვე­ლე­ბი სა­კუ­თა­რი სახ­სრე­ბით გა­ი­ტა­ნოს, რა­შიც მო­სახ­ლე­ო­ბას თან­ხას ახ­დე­ვი­ნე­ბენ?

- რო­დე­საც მრი­ცხვე­ლე­ბის გა­რეთ გა­ტა­ნა­ზე ვსა­უბ­რობთ, ეს კომ­პა­ნი­ამ თა­ვის ხარ­ჯით უნდა გა­ა­კე­თოს!

- ის მომ­ხმა­რებ­ლე­ბი რო­გორ უნდა მო­იქ­ცნენ, რომ­ლებ­საც მრი­ცხვე­ლე­ბის გა­რეთ გა­ტა­ნა­ში თან­ხა უკვე გა­და­ახ­დე­ვი­ნეს?

- თუ მომ­ხმა­რე­ბელ­მა თან­ხა გა­და­ი­ხა­და და ჩვენ­თან გან­ცხა­დე­ბით მო­მარ­თვის შემ­დეგ, გა­ირ­კვა, რომ ეს უკა­ნო­ნო იყო, აუ­ცი­ლებ­ლად და­ვეხ­მა­რე­ბით, რათა თან­ხა და­იბ­რუ­ნოს. და­ზი­ა­ნე­ბულ მრი­ცხვე­ლებ­თან და­კავ­ში­რე­ბით ისე­თი შემ­თხვე­ვე­ბიც გვქო­ნია, რო­დე­საც და­დას­ტურ­და, რომ მრი­ცხვე­ლი მომ­ხმა­რებ­ლის მი­ზე­ზით არ და­ზი­ა­ნე­ბუ­ლა და ამ სა­კი­თხის სხდო­მა­ზე გან­ხილ­ვის შემ­დეგ, გა­დახ­ლი­ლი თან­ხა მომ­ხმა­რე­ბელს და­უბ­რუნ­და. ზო­გა­დად, მრი­ცხვე­ლებ­თან და­კავ­ში­რე­ბუ­ლი პრობ­ლე­მე­ბი, მით უმე­ტეს, კა­ნონ­თან ურ­თი­ერ­თო­ბა ისე­თი თე­მაა, ყვე­ლა კონ­კრე­ტუ­ლი შემ­თხვე­ვა მხო­ლოდ ინ­დი­ვი­დუ­ა­ლუ­რად უნდა გან­ვი­ხი­ლოთ. მთა­ვა­რია, მომ­ხმა­რე­ბელ­მა ზუს­ტად იცო­დეს, სად მი­ვი­დეს და ვის­გან მი­ი­ღოს კონ­სულ­ტა­ცია. რა თქმა უნდა, ჩვენ უნდა მოგ­ვმარ­თოს და სა­კუ­თა­რი პრობ­ლე­მა ან გან­ცხა­დე­ბით, ან ტე­ლე­ფო­ნით, ან ელექტრო­ნუ­ლი ფოს­ტის სა­შუ­ა­ლე­ბით აგ­ვიხ­სნას. მომ­ხმა­რე­ბელს მხო­ლოდ "ყა­ზტრანსგაზ­თან" კი არა, ელექტრო­ე­ნერ­გი­ა­სა და სას­მელ წყალ­თან და­კავ­ში­რე­ბულ ნე­ბის­მი­ერ პრობ­ლე­მურ სა­კი­თხზეც, შე­უძ­ლია, მოგ­ვმარ­თოს და და­ვეხ­მა­რე­ბით.

- ქალ­ბა­ტო­ნო ნინო, რო­გორც გა­ვი­გე, "ყა­ზტრანსგაზთ­ბი­ლისს" 200 000 ლარი მო­უ­გეთ, უფრო დე­ტა­ლუ­რად ამიხ­სე­ნით, ასე­თი რა შემ­თხვე­ვა იყო?

- ეს თან­ხა ერ­თდრო­უ­ლად არ მოგ­ვი­გია. წლის ბო­ლოს ან­გა­რიშს ვაქ­ვეყ­ნებთ, რო­მე­ლიც ჩვენს მიერ შეს­რუ­ლე­ბუ­ლი სა­მუ­შა­ოა ასა­ხუ­ლი. პრო­ცე­დუ­რა ასე­თია: მომ­ხმა­რებ­ლე­ბი მოგ­ვმარ­თა­ვენ გან­ცხა­დე­ბით, რო­მელ­საც გან­ვი­ხი­ლავთ, ზოგ შემ­თხვე­ვა­ში, ვაკ­მა­ყო­ფი­ლებთ სარ­ჩელს, ზოგ შემ­თხვე­ვა­ში არა. "ყა­ზტრანსგაზთ­ბი­ლისს" მხო­ლოდ წელს 100 000 ლა­რამ­დე ჩა­მო­ვა­წე­რი­ნეთ სხვა­დას­ხვა ტი­პის გა­დას­ხა­ა­დი, რაც მომ­ხმა­რებ­ლებს უკა­ნო­ნოდ და­ა­რი­ცხეს. მა­გა­ლი­თად, ბუ­ნებ­რი­ვი აი­რის უკა­ნო­ნო მოხ­მა­რე­ბის გამო, ცალ­კე­ულ შემ­თხვე­ვა­ში, ხან­დაზ­მუ­ლი და­ვა­ლი­ა­ნე­ბა არას­წო­რად იყო მი­თი­თე­ბუ­ლი, თან­ხის ნა­წი­ლი კი არას­წო­რად აღე­ბუ­ლი ჩვე­ნე­ბის გამო ჩა­მო­ვა­წე­რეთ. ცალ­კე­უ­ლი კომ­პა­ნი­ე­ბის მა­გა­ლით­ზე კი გვქონ­და შემ­თხვე­ვა, რო­დე­საც 40 000, ზოგ­ჯერ 50 000 ლა­რიც კი ჩა­მო­ვა­წე­რი­ნეთ "ყა­ზტრანსგაზთ­ბი­ლისს". ახლა დავა გვაქვს 250 000 ლარ­ზე და, სა­ვა­რა­უ­დოდ, ამ საქ­მე­საც მო­ვი­გებთ.

- ანუ, "ყა­ზტრანსგაზთ­ბი­ლის­მა" კონ­კრე­ტულ კომ­პა­ნი­ას 250000 ლარი არას­წო­რად და­ა­რი­ცხა?

- დიახ, პრობ­ლე­მე­ბი მხო­ლოდ ფი­ზი­კურ კი არა, იუ­რი­დი­ულ პი­რებ­საც ექ­მნე­ბათ, ჩვენ კი კონ­სულ­ტა­ცი­ა­სა და მომ­სა­ხუ­რე­ბას ვუ­წევთ რო­გორც ფი­ზი­კურ, ისე იუ­რი­დი­ულ პირს.

მაია მი­შე­ლა­ძე

გა­ზე­თი "ვერ­სია"