სოჭის ოლიმპიადის ოფიციალურ ვებგვერდზე მარიკა პერტახიას დაბადების ადგილის შესახებ მონაცემები წაიშალა
სოჭის ოლიმპიადის ოფიციალურ ვებგვერდზე მოთხილამურე მარიკა პერტახიას დაბადების ადგილის შესახებ მონაცემები წაიშალა. ამ დროისთვის არც რუსულ და არც ინგლისურ გვერდზე არ არის მითითებული, თუ სად დაიბადა და სად ცხოვრობს მარიკა პერტახია.
როგორც "ინტერპრესნიუსს" საქართველოს საგარეო საქმეთა სამინისტროში განუცხადეს, ოლიმპიადის საიტის შიდა გვერდზე, სადაც წვდომა მხოლოდ პაროლით არის შესაძლებელი, აფხაზეთი საქართველოდ არის მოხსენიებული.
ოლიმპიადის ოფიციალურ ინგლისურენოვან ვებგვერდზე რუსეთის სახელით მოასპარაზე მარიკა პერტახიას პირად მონაცემებში დაბადების ადგილად ეწერა გალი, რომელიც რუსეთის ტერიტორიად იყო მოხსენიებული. აღნიშნულთან დაკავშირებით "ინტერპრესნიუსს" საქართველოს საგარეო საქმეთა სამინისტროში განუცხადეს, რომ საქართველოს ოლიმპიური კომიტეტი პრობლემის აღმოსაფხვრელად საერთაშორისო ოლიმპიურ კომიტეტს საქმის კურსში ჩააყენებდა.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
