სარფში ტრაილერების მძღოლებს თურქმა მებაჟეებმა პრობლემები შეუქმნეს
სარფის საბაჟოზე, საქართველოდან მიმავალ ტრაილერების მძღოლებს თურქმა მებაჟეებმა პრობლემები შეუქმნეს.
"ინტერპრესნიუსის" ინფორმაციით, თურქი მებაჟეები ტრაილერების საწვავის ავზს ამოწმებდნენ და 300 ლიტრზე მეტი საწვავის მქონე მძიმე სატრანსპორტო საშუალებების გადაადგილებას აფერხებდნენ. ერთ-ერთი ვერსიით, გუშინ სარფის საბაჟოზე მძღოლსა და თურქ მებაჟეს შორის დაპირისპირება მოხდა.
ვითარების გასარკვევად "ინტერპრესნიუსი" შემოსავლების სამსახურს დაუკავშირდა. უწყების საზოგადოებასთან ურთიერთობის სამსახურის უფროსის, ხატია მოისწრაფიშვილის ინფორმაციით, გუშინ, სარფის საბაჟოზე თურქმა მებაჟეებმა საქართველოდან მიმავალი ტრაილერების საწვავის ავზის გაკონტროლება და შემოწმება დაიწყეს.
მისივე ცნობით, აღნიშნული პროცედურიდან გამომდინარე, გუშინ 300-მდე ტრაილერი საცობში მოყვა. როგორც ხატია მოისწრაფიშვილმა აღნიშნა, საკითხთან დაკავშირებით, სარფის საბაჟოს უფროსი თურქ კოლეგას დაუკავშირდა. უწყების ცნობით, დღეს დილიდან პრობლემა ამოწურულია.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
