29
მარტიდღის ზოგადი ასტროლოგიური პროგნოზი
რუსეთი უარყოფს ამერიკელი დიპლომატების სატელეფონო საუბრების მოსმენასა და ქვეყნის ხელისუფლების რაიმე კავშირს ინტერნეტში გავრცელებულ ამერიკელი დიპლომატების სატელეფონო საუბრის ჩანაწერთან. ამის შესახებ რუსეთის ვიცე-პრემიერ დიმიტრი როგოზინის თანაშემწემ დიმიტრი ლოსკუტოვმა განაცხადა.
ამასთან, liga.net-ის ინფორმაციით, დიმიტრი ლოსკუტოვი, რომელმაც აშშ-ის სახელმწიფო მდივან ვიქტორია ნულანდისა და უკრაინაში აშშ-ის ელჩის ჯეფრი პაიეტის სატელეფონო საუბარი გაავრცელა, აღნიშნავს, რომ შემთხვევით წააწყდა ვიდეორგოლს სოციალურ ქსელში.
5 თებერვალს დიმიტრი ლოსკუტოვმა "ტვიტერზე" გაავრცელა ამერიკელი დიპლომატების სატელეფონო საუბარი, რომელიც მანამდე Youtube-ზე იყო ატვირთული. გავრცელებული ინფორმაციით, ჩანაწერში ვიქტორია ნულანდი და ჯეფრი პაიეტი უკრაინაში შექმნილ კრიზისზე საუბრობენ, რა დროსაც ნულანდმა ევროკავშირი უცენზურო სიტყვებით მოიხსენია.
ამასთან, მოგვიანებით აშშ-მა არც უარყო და არც დაადასტურა გავრცელებული ხმები იმის თაობაზე, რომ სატალეფონო ჩანაწერში ქალის ხმა ვიქტორია ნულანდს ეკუთვნოდა, რომელმაც მისთვის მიწერილი სიტყვებისთვის მოიბოდიშა.
აშშ-ის სახელმწიფო დეპარტამენტის წარმომადგენელის ჯეინ ფსაკის განცხადებით, ამერიკელი დიპლომატების სატელეფონო საუბარი რუსეთის მიერ იქნა გავრცელებული.
მომზადებულია liga.net-ის მიხედვით.
