მნიშვნელოვანი ინფორმაცია
25
მაისიდღის ზოგადი ასტროლოგიური პროგნოზი
ორშაბათი, მთვარის ოცდამეცხრე დღე დაიწყება 03:56-ზე, მთვარე 21:22-დან ტყუპში იქნება – საკმაოდ რთული დღეა. არ დაიწყოთ ახალი საქმეები. მოერიდეთ ფინანსურ ოპერაციებს, ყოველგვარ ვაჭრობასა და სასამართლო საქმეს. სხვა დღისთვის გადადეთ უფროსთან შეხვედრა და საქმეებზე საუბარს. არ გირჩევთ მგზავრობას, საქმეების გარჩევას. მეტად დაისვენეთ. კარგია მსუბუქი ვარჯიში. ამ დღეს ქორწინება დაუშვებელია. განქორწინების მიზეზი ერთ-ერთი მეუღლის ღალატი ან ტყუილი გახდება. სასურველია ამ დღეს დაიცვათ მარხვა. ნებადართულია რძის პროდუქტები. ხორცი არა. ძილის წინ მიიღეთ გამწმენდი შხაპი. ნაკლები დრო გაატარეთ უჰაერო ოთახში, მოერიდეთ ე.წ. მოწევის ადგილებს. გაანიავეთ ოთახი. შეამცირეთ დატვირთვა ხელებსა და მხრებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რა პროვოკაციებს უნდა ელოდოს ქართული დელეგაცია სოჭში
00:12 / 06-02-2014
საზოგადოების რიგი წარმომადგენლების მოლოდინი, რომ შეიძლება საქართველოს ოლიმპიადაში მონაწილეობაზე უარი ოლიმპიადის წინ ეთქვა, არ გამართლდა. ამასთან, 4 თებერვალს დადასტურებულად გავრცელდა ინფორმაცია, რომ ე.წ. სამხრეთ ოსეთის დე ფაქტო პრეზიდენტი ლეონიდ თიბილოვი ოლიმპიადის გახსნაზე მიიწვიეს და მანაც ეს მიწვევა მიიღო. როგორც მისი პრესსამსახური აცხადებს, თიბილოვი ასევე მიწვეულია რუსეთის პრეზიდენტ ვლადიმირ პუტინის სახელით დაგეგმილ ოფიციალურ მიღებაზე, რომელიც გაიმართება ოლიმპიადის გახსნაზე მიწვეული 40-ზე მეტი სახელმწიფოს მეთაურებისა და ლიდერებისთვის. ის ასევე დაესწრება რუსეთის ოლიმპიური კომიტეტის ეგიდით მოწყობილ სხვადასხვა ღონისძიებასაც.
აქამდეც ვარაუდობდნენ, რომ მას და აფხაზეთის დე ფაქტო პრეზიდენტს რუსეთი ოლიმპიადის საზეიმო გახსნაზე დაპატიჟებდა. ამის თაობაზე საპარლამენტო ფრაქცია "ქართული ოცნების" თავმჯდომარე გია ვოლსკიმ ჩვენთან საუბრისას ჯერ კიდევ ორი კვირის წინ განაცხადა. აშკარაა, რომ რუსეთი საქართველოს წინააღმდეგ პროვოკაციულ მოქმედებებს არ იშლის, სავარაუდოდ, ჩვენს ოლიმპიურ ნაკრებს სოჭში არაღიარებული აფხაზეთისა და ე.წ. სამხრეთ ოსეთის ე.წ. სახელმწიფო ატრიბუტიკაც მრავლად დახვდება. ჩვენი ოლიმპიური დელეგაცია ამას გააპროტესტებს თუ არა, ან რა ფორმით გააპროტესტებს - უცნობია.
რუსეთი ოლიმპიადის საქართველოს წინააღმდეგ გამოყენებას რომ ეცდებოდა, ჯერ კიდევ მაშინ გამოჩნდა, როდესაც სოჭის ოლიმპიადის ერთ-ერთ მეჩირაღდნედ 2008 წლის აგვისტოს ომის "გმირი", რუსი სამხედრო მფრინავი ივან ნიჩაევი წარმოგვიდგინეს. მანამდე კი სოჭში ოლიმპიური მოედნებისა თუ სოფლების მშენებლობებისთვის რუსეთმა აფხაზეთის ქვიშა და საშენი მასალები გამოიყენა; შარშან დეკემბერში კი ცნობილი გახდა, რომ სატვირთო გადაზიდვების დეპარტამენტმა, რომელიც სოჭის ოლიმპიური თამაშების მომსახურებას უზრუნველყოფს, დაიწყო აკრედიტაციების გაცემა იმ ავტოტრანსპორტისთვის, რომელიც ქალაქს ღონისძიების განმავლობაში პროდუქტით მოამარაგებს. მათთვის შესაბამისი საშვები დამზადდა, რომელიც აფხაზური სიმბოლიკის ფერებში გააფორმეს, ხოლო მანქანებზე, სავარაუდოდ, იქნება წარწერა: "აფხაზეთი". ასევე, უკვე ცნობილია, რომ აფხაზმა და ოსმა ჟურნალისტებმა აკრედიტაცია როგორც დამოუკიდებელი ქვეყნების წარმომადგენლებმა, ისე გაიარეს.
სოჭის ოლიმპიადის გახსნა 7 თებერვალს არის დაგეგმილი, კიდევ რა პროვოკაციას შემოგვთავაზებს მანამდე რუსეთი - ძნელი სათქმელია, თუმცა, თავის მხრივ, არასასიამოვნო სიურპრიზებს რუსეთიც ელის: ოლიმპიადაზე უსაფრთხოების თემა კვლავაც უპირველეს პრობლემად რჩება, მის გადაჭრაში ლამის მსოფლიოს ყველა წამყვანი ქვეყანაა ჩართული. ფაქტია, რომ მაშინ, როდესაც მსოფლიოს მთელი ყურადღება მიმართული იქნება სოჭისკენ, ამის გამოყენებას ის ძალებიც შეეცდებიან, ვინც პუტინის რუსეთს უპირისპირდება, ჩრდილოკავკასიაშიც და მის ფარგლებს გარეთაც ამგვარი დაჯგუფება არაერთია. 2013 წელს ინტერნეტსივრცეში ჩეჩენი საველე მეთაურის დოკუ უმაროვის მოწოდება გავრცელდა, რომელშიც ის თანამებრძოლებს ოლიმპიადის ჩაშლისკენ მოუწოდებს.
სოჭის ოლიმპიადაზე ტერორისტული აქტების მოწყობის მოწოდებით გამოვიდა ერაყული რადიკალური დაჯგუფება "ანსარ ალ სუნაც". ასევე ცნობილი გახდა, რომ მუქარის წერილები ტერორისტებისგან გერმანიის, იტალიის, უნგრეთის, გერმანიისა და სლოვენიის ოლიმპიურმა კომიტეტებმაც მიიღეს. რუსეთის პრეზიდენტ ვლადიმირ პუტინს კიდევ ერთი პრობლემაც აქვს: მაშინ, როდესაც ამ ოლიმპიადის ჩატარებით ცდილობდა დასავლეთის ქვეყნებისა და მათი ლიდერების გულის მოგებას, გამოვიდა ისე, რომ არც ერთი წამყვანი ქვეყნის პირველი პირი არ აპირებს ოლიმპიადის გახსნაზე ჩასვლას, მეტიც - აშშ-ის პრეზიდენტმა ობამამ ოლიმპიადის გახსნაზე არც ერთი მაღალი რანგის დიპლომატი არ მიავლინა. დასავლელი ლიდერების ასეთ გადაწყვეტილებას განსაკუთრებით უკრაინაში მიმდინარე მოვლენებმა და ამ მოვლენებში რუსეთის მონაწილეობამ შეუწყო ხელი. საქართველოს დასავლელი პარტნიორები ოლიმპიადაში ჩვენს მონაწილეობას დადებითად აფასებენ, თუმცა გაზეთ "კვირის პალიტრისთვის" მიცემულ ინტერვიუში მეთიუ ბრაიზა აცხადებს: "უნდა წახვიდეთ სოჭის ოლიმპიადაზე, მაგრამ ამაყად თავაწეულნი. პროვოკაციებს უნდა ერიდოთ, მაგრამ შეგიძლიათ, კონკრეტულ ჟესტებს მიმართოთ: შეგეძლოთ, მაგალითად, სანაკრებო ფორმებზე ორი ნაჭერი მიგეკერებინათ: ერთი, სადაც საქართველოს კანონიერი საზღვრებია დატანილი, აფხაზეთითა და სამხრეთ ოსეთით, მეორე კი იმის ამსახველი, თუ რა დატოვა ამ საზღვრებიდან რუსეთმა".
ვფიქრობთ, ეს გასათვალისწინებელი რჩევაა. ეს იქნება რუსეთის პროვოკაციულ ქცევებზე მშვიდობიანი პასუხი.
ნათია დოლიძე
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
