თბილისში დღისით ტემპერატურა მოიმატებს, თუმცა ყინვები 10 თებერვლის ჩათვლით შენარჩუნდება

თბილისში დღეიდან დღისით ტემპერატურა +2;+3 გრადუსამდე მოიმატებს, თუმცა ყინვები 10 თებერვლის ჩათვლით შენარჩუნდება, - ამის შესახებ "ინტერპრესნიუსს" გარემოს ეროვნული სააგენტოს მონიტორინგისა და პროგნოზირების ცენტრის ხელმძღვანელმა სვეტლანა ნიორაძემ განუცხადა.

10 თებერვლის ჩათვლით, ღამით ძლიერი ყინვებია მოსალოდნელი აღმოსავლეთ საქართველოში, მათ შორის ბარში -20-15 გრადუსამდე.

6 თებერვლის შემდეგ აღმოსავლეთ საქართველოში ყინვები შესუსტდება. თბილისში ღამით -7-8; ბარში -15 გრადუსამდე ყინვას ვარაუდობენ.

დასავლეთ საქართველოში შედარებით დაბალი ყინვები იქნება, სანაპირო ზოლში კი ტემპერატურა ღამითაც ნულ გრადუსზე მეტი იქნება. ბათუმში ღამით +2;+3 გრადუსი.

დასავლეთ საქართველოს დაბლობში -2;-8 გრადუსი იქნება. დღეს +2;+7გრადუსი დაფიქსირდება. მთაში საშუალოდ ღამით -13 ხოლო მაღალ მთაში -18 გრადუსი დაფიქსირდება. ამასთან, მთაში დღისით -5;0, ხოლო მაღალმთაში -7;-2 გრადუსი იქნება.

"ინტერპრესნიუსი"