მნიშვნელოვანი ინფორმაცია
23
მაისიდღის ზოგადი ასტროლოგიური პროგნოზი
პარასკევი, მთვარის ოცდამეექვსე დღე დაიწყება 03:27-ზე, მთვარე ვერძშია – საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. მოერიდეთ ხორციან კერძებს. სასურველია თევზისა და ბოსტნეულის. თავი შეიკავეთ მოწევისა და ალკოჰოლისგან. თავის ტკივილი რომ აირიდოთ, არ გადაიღალოთ გონებრივი სამუშაოთი. მოერიდეთ დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
აბანოთუბნის მოჩვენება - "ქალის აჩრდილმა ჩემი და განკურნა"
05:15 / 05-02-2015
"მეზობლებიც ხედავენ ქალების აჩრდილს და ამას 60-იან წლებში მომხდარ ტრაგედიას უკავშირებენ. ადიდებულმა მტკვარმა ჯებირები გადმოლახა და გოგირდის აბანო დატბორა, რასაც დიდი მსხვერპლი მოჰყვა"
მჯერად აბანოთუბნის უცნაური მოვლენების შესახებ უნდა გიამბოთ. აქ მცხოვრები ადამიანები წლებია, მოჩვენებებს ხედავენ. ჩვენი რესპონდენტი, რომლის ვინაობასაც მისივე თხოვნით ვერ დავასახელებთ, ამტკიცებს, რომ სულები, რომლებიც ღამით აბანოთუბანში დადიან, მას ოჯახშიც სტუმრობენ, მოჩვენებები აქაურ რესტორნებსა და ქუჩებშიც კი შეუნიშნავთ...
- დაახლოებით ღამის 4 საათი იქნებოდა, როცა მიწისძვრის შეგრძნებით გამეღვიძა, ძალიან შევშინდი, სახლში ყველა ნივთი მოძრაობდა, ჩემი დაც კი ჰორიზონტალურ მდგომარეობაში ხტოდა საწოლზე დაახლოებით 3 წუთის განმავლობაში. ავდექი, სახეში გავარტყი და რა არ ვიღონე, აზრზე მომეყვანა, მაგრამ ვერ გამოვაფხიზლე. ბოლოს, რომ ვეღარაფერი გავაწყვე, წყალი შევასხი და მაშინ კი წამოხტა საწოლიდან. ვიფიქრე, მაღალი სიცხე ჰქონდა, მაგრამ ამიხსნა, რომ სულებს ხედავს, რომლებიც ქუჩაშიც კი დაჰყვებიან. ამბობს, რომ ერთი გარდაცვლილი ადამიანის სულს მუდმივად ხედავს, მნიშვნელობა არა აქვს, სად იქნება - სასაფლაოზე, სახლში თუ სტუმრად, წინასწარ აფრთხილებს ჩემს დას, რა საშიშროება ემუქრება. ერთხელ ძალიან ცუდად იყო ნათია, ვერაფერს ვშველოდით, მოულოდნელად გამოკეთდა, გაგვიკვირდა, როგორ მოახერხა ასე უცებ გამოჯანმრთელება, მითხრა, იმ ქალის მოჩვენება, რომელსაც სისტემატურად ვხედავ, მოვიდა, ხელები მომიჭირა ზურგზე და იმწამსვე კარგად გავხდიო. ჩემს დას უთხრეს, როცა სულებს ხედავ, უნდა გამოელაპარაკო და შეგეშვებიანო, სცადა კიდეც, მაგრამ ძალიან ცუდად გახდა, მას შემდეგ თავს არიდებს მათთან დაკონტაქტებას.
- თქვენ ვერაფერს ხედავთ?
- მე უბრალოდ ვგრძნობ, რომ სახლში ვიღაცაა, ნეტავ იცოდეთ, ამ დროს როგორ მცივა. ვის აღარ მივმართეთ - მამაოებს, ექსტრასენსებს, მაგრამ ჩემს დას მოჩვენება თავს არ ანებებს. ერთხელ აბანოთუბანში, ერთ-ერთ პრესტიჟულ რესტორანში ვიყავით. ნათიამ მითხრა, რომ რესტორნის ერთ-ერთ კუთხეში მიყუჟული იყო ქალის უამრავი ფანტომი, რომლებიც რესტორნიდან თავის დაღწევას ცდილობდნენ და ვერ გადიოდნენ...
- რამეს უკავშირებთ ამ მოვლენებს?
- მეზობლებისგანაც მსმენია მსგავსი ამბები. ისინიც ხედავენ ქალების აჩრდილებს და ამას 60-იან წლებში მომხდარ ტრაგედიას უკავშირებენ. ზუსტად არ მახსოვს, რომელი წელი იყო, ადიდებულმა მტკვარმა ჯებირები გადმოლახა და გოგირდის აბანო მთლად დაიტბორა, რასაც დიდი მსხვერპლი მოჰყვა. ათეულობით ქალი იმიტომ ვერ გამოვიდა აბანოდან, რომ სიშიშვლის შერცხვა, სირცხვილს დახრჩობა არჩიეს... სულები, რომლებიც აბანოთუბანში ბინადრობენ, შესაძლოა სწორედ მაშინ გარდაცვლილი ქალების სულებია.
თამარ ბოჭორიშვილი
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
