მნიშვნელოვანი ინფორმაცია
31
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
თემურ ქეცბაიას სპორტისა და ახალგაზრდულ საქმეთა სამინისტრო ხელფასს აღარ გადაუხდის
03:16 / 04-02-2014
საქართველოს საფეხბურთო ეროვნული ნაკრების მთავარი მწვრთნელის, თემურ ქეცბაიასა და მისი შტაბის ხელფასს სახელმწიფო აღარ გადაიხდის. ამის შესახებ გაზეთი "ლელო" წერს.
არსებული ინფორმაციით, ეს თანხა წლიურად 2,52 მილიონ ლარს შეადგენს. აღსანიშნავია, რომ ამ თანხას აქამდე სპორტისა და ახალგაზრდულ საქმეთა სამინისტრო იხდიდა.
სპორტისა და ახალგაზრდობის საქმეთა სამინისტროსა და ფეხბურთის ფედერაციის გადაწყვეტილებით, მწვრთნელს ანაზღაურებას ფეხბურთის ფედერაცია გადაუხდის.
სახელმწიფოს მიერ ეროვნული ნაკრების სამწვრთნელო შტაბისთვის მოსახმარი თანხა საქართველოს ჩემპიონატში მონაწილე კლუბებს დაურიგდებათ.
როგორც ფეხბურთის ფედერაციის პრესატაშე, ოთარ გიორგაძე აცხადებს, ფეხბურთის ფედერაცია თემურ ქეცბაიას ხელფასს 2015 წლის ბოლომდე გადაუხდის.
"რაც შეეხება იმას, შეუმცირდება თუ არა მთავარ მწვრთნელს ანაზღაურება, ამაზე განცხადება მოგვიანებით გაკეთდება", - აღნიშნა გიორგაძემ.
სპორტისა და ახალგაზრდობის საქმეთა სამინისტროს საზოგადოებასთან ურთიერთობის სამმართველოს უფროსის, ეკა კვიტაშვილის განცხადებით, სამინისტროს ფეხბურთის ფედერაციამ რამდენჯერმე მისწერა წერილი, რომ სამინისტროს გადაეხადა ნაკრების მთავარი მწვრთნელის ხელფასი.
"ამასთან დაკავშირებით, ფედერაციას მივწერეთ ოფიციალური პასუხი, რომ სამინისტროს მიუღებლად მიაჩნია მწვრთნელისთვის მაღალი ანაზღაურების გადახდა, მით უფრო - ეროვნული ნაკრების ასეთი შედეგების ფონზე.
რეკომენდაცია იყო, ხომ არ აჯობებდა, ეს თანხა მოხმარებოდა ასაკობრივი ნაკრებების მომზადებას, ბავშვთა ფეხბურთს, რეგიონებს, ანუ ფეხბურთის საფუძვლების გამყარებას. ცხადია, საჭირო იყო დაფინანსების დეტალური გაწერა, მაგრამ ისე არა, როგორც ადრე ხდებოდა.
ფედერაცია რომ ითხოვს მწვრთნელის ხელფასს, ეს სახელმწიფოს კუთვნილი სახსრებია, სამინისტრო კი ვალდებულია, ის აზრიანად და მიზანმიმართულად განკარგოს.
ამ მიმოწერის შემდეგ, 4 თებერვალს გავრცელდა ინფორმაცია, თითქოს ფეხბურთის ფედერაციამ თავად გადაწყვიტა, ნაკრების მწვრთნელს ხელფასი აუნაზღაუროს, ხოლო მისთვის განკუთვნილი სახსრები ეროვნულ ჩემპიონატს მოახმაროს", - განაცხადა ეკა კვიტაშვილმა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
