მნიშვნელოვანი ინფორმაცია
3
ივლისიდღის ზოგადი ასტროლოგიური პროგნოზი
ხუთშაბათი, მთვარის მეცხრე დღე დაიწყება 14:46-ზე, მთვარე სასწორშია – დღის ენერგია უარყოფითად მოქმედებს ადამიანებზე. პროვოკაციების დღეა, უფრთხილდით მოტყუებას და ცდუნებებს, იყავით მოკრძალებული. კარგი დღეა მარხვისთვის. საკვები უნდა იყოს მარტივი და მსუბუქი. არ მიირთვათ ხელოვნური პროდუქტები, ნამცხვრები, სოკო და ხორცი. ცოტა დაისვენეთ, აღიდგინეთ ძალა. მოუფრთხილდით პირად ნივთებს. იყავით თავშეკავებული და ტოლერანტული სამსახურში, კომუნიკაციაში, ეცადეთ არავის ანაწყენოთ. არ მიიღოთ მონაწილეობა სარისკო საქმიანობაში. არ არის რეკომენდებული ბიზნესის დაწყება. პრეზენტაციებსა და გასართობ ღონისძიებებზე დასწრება. ხელშეკრულებების გაფორმება. საბუთების შედგენა. ეს დღე ყველაზე არახელსაყრელია ქორწინებისა და საქორწილო ღონისძიებებისთვის.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ნაციონალებს" კომპრომატი ახალ მთავარ პროკურორზეც აქვთ?
00:40 / 04-02-2014
საქართველოს ხელისუფლების წარმომადგენლებმა განაცხადეს, რომ ახალი მთავარი პროკურორი სამართლიანობის დამკვიდრების პროცესს ბოლომდე მიიყვანს. თუმცა პროკურატურიდან ცოტა ხნის წინ დათხოვნილი განსაკუთრებით მნიშვნელოვან საქმეთა ყოფილი გამომძიებელი გიორგი ნოზაძე სკეპტიკურადაა განწყობილი:
- როგორც კი მოვიდა ოთარ ფარცხალაძე, ბადაშვილი საგამოძიებო სამსახურის უფროსად დანიშნა, ანუ ის ჩემი უშუალო ხელმძღვანელი იყო. სწორედ მან მაიძულა დამეწერა განცხადება სამსახურიდან წასვლის შესახებ, თანაც დამემუქრა. საქმეები, რომლებსაც ვაწარმოებდი, იმ მნიშვნელობისაა, რომ თუ უფროსი ჩასაფრებული მეყოლებოდა, შეიძლებოდა მთლად დავეღუპე, აქედან გამომდინარე, წასვლა ვარჩიე. რაც შეეხება ფარცხალაძეს და მის გუნდს, ისინი პროკურატურაში იმისთვის მოვიდნენ, რომ თავიანთი საქმეები გადაფარონ. ისინი ყველანი სააკაშვილის დროს მუშაობდნენ ფინანსურ პოლიციაში. ეს ის პერიოდია, მოქალაქეებს შუაღამისას რომ ეღვიძებოდათ და სურვილი უჩნდებოდათ, საკუთარი ქონება სახელმწიფოსთვის ეჩუქებინათ. ხალხი მათთან ერთად წერდა ასეთ განცხადებებს. არსებობს 9 200 ჩუქების განცხადება, ანუ 9 200 მოქალაქეს გაუჩნდა სურვილი, რომ საკუთარი სახლ-კარი ან სხვა ქონება სახელმწიფოსთვის ეჩუქებინა. ამ განცხადებების 70% ფინანსურ პოლიციაზე მოდიოდა. დაზარალებულებმა შემდეგ საშველად მიმართეს პროკურატურას და მათ განცხადებებზე რომ ობიექტური გამოძიება წარმართულიყო, ბევრ თანამშრომელს კარგი დღე არ დაადგებოდა. აქედან გამომდინარე, ესენი მოვიდნენ იმისათვის, რომ ამ საქმეებს "უპატრონონ". ბადაშვილს საერთოდ არ მოუკითხავს ის მნიშვნელოვანი საქმეები, რომლებიც მე მქონდა. თუ სამართლიანობის აღდგენაზეა ლაპარაკი, 10 თვის განმავლობაში რომ კაცი ამ საქმეებს არ მოიკითხავს, უკვე გასაგებია მისი მიზნები.Kკარტს ბოლომდე გავხსნი: ამ ხალხმა პროკურატურიდან გაყარა 2012 წლის ოქტომბრის შემდეგ მოსული ადამიანების უმრავლესობა, რათა ჩვენ არ გამოგვეძიებინა მათი დანაშაულობები. ხოლო, ვინც მანამდე იყვნენ პროკურატურაში და მათ ზედამხედველობდნენ თუ მფარველობდნენ, ის ხალხი ისევ დარჩა და აგრძელებს მუშაობას. პროკურატურიდან გაგვყარეს არჩილ კბილაშვილის მიყვანილი კადრები (2002 წლამდე ვმუშაობდი პროკურატურაში, შემდეგ წავედი ადვოკატურაში, 2012 წელს კი კბილაშვილმა დამაბრუნა). ერთ წელიწადში მოვასწარი და გამოვიძიე საქმეები - ბაჩო ახალაიას (ციხის ბუნტის საქმე), მეგის ქარდავას, დავით ჭაკუას, აჭარის კუდ-ის უფროს თეიმურაზ პატარიძის მიმართ. ასეთი შედეგი არ ჰქონდა არც ერთ გამომძიებელს. მათ ჩვენ უნდა გავეყარეთ, რათა გაგრძელებულიყო "ნაციონალური მოძრაობის" ხაზი - გადაფარულიყო მათი დანაშაული და ჩვენ არ გამოგვეძიებინა ისინი.
- კონკრეტულად ვინ და როგორ გიშლიდათ ხელს საქმიანობაში?
- როდესაც ლაშა ნაცვლიშვილი მოვიდა, კბილაშვილი შეზღუდეს უფლებებში, ისე გამოვიდა, რომ პროკურატურაში, ფაქტობრივად, ლაშა ნაცვლიშვილი იყო გადამწყვეტი ძალა. მან მოიყვანა ახალი ხელმძღვანელი მირანდა მელქაძე, რომელმაც საერთოდ დამბლოკა, გამიჩერა საქმეები და ისინი სეიფში დამაწყობინა. მითხრეს, რომ ასე იყო საჭირო რაღაც დიდი მიზნებისთვის, რომლებიც ჩვენ არ ვიცოდით. სამართლიანობის აღდგენა და იმ საქმეების გახსნა, რასაც ხალხი ელოდება, ჩათვალეთ, ამ პროკურატურის პირობებში შეუძლებელია. იმ საქმეებში უამრავი ისეთი თანამდებობის პირი იმხილება, რომელთაც დღესაც გავლენა აქვთ და ზოგი მათგანი დღესაც თანამდებობაზეა. მეორეც, უამრავი ქონებაა წართმეული, რომელიც შემდეგ დასაბრუნებელი იქნება. ამიტომ ხელს არ აძლევთ ამ საქმეებზე ჭეშმარიტების დადგენა.
- მთავარმა პროკურატურამ მოგიწოდათ, რომ გათავისუფლებულმა პროკურორებმა თავი შეიკავოთ მასმედიის საშუალებით საზოგადოების შეცდომაში შეყვანისგან, უწყება აქტიურად გააგრძელებს ყველა და განსაკუთრებით რეზონანსული საქმეების გამოძიებასო.
- თუკი მიაჩნიათ, რომ მე შეცდომაში შემყავს საზოგადოება, კი ბატონო, შეამოწმონ, რასაც ვლაპარაკობ. მარტო ის მითხრეს, კოლეგას ფოტოშოპით გაეხუმრე და ამიტომ უნდა გაგაგდოთ პროკურატურიდანო, სხვა ვერაფერში მომედავენ. მერწმუნეთ, არანაირი საქმის გამოძიება არ მიმდინარეობს. რაც მე იქ საქმეები დავტოვე, თითოში 20-25 ტომია. დღემდე ისევ ისე ყრია ის საქმეები და მისთვის ხელი არავის უხლია... ბადაშვილი "ნაციონალების" კადრი იყო, ფინანსურში მუშაობდა. იმხანად ადვოკატი ვიყავი და მახსოვს, მაგ განყოფილებაში მიმდინარეობდა ხალხის დატერორება, მას სერიოზული თანამდებობა ჰქონდა, თბილისის ერთ-ერთი სამმართველოს უფროსის მოადგილე იყო. ექნებათ კომპრომატები, აბა, არ ექნებათ?
ნანა ფიცხელაური
ყოველკვირეული გაზეთი "ყველა სიახლე"
(გამოდის ოთხშაბათობით)
ნანა ფიცხელაური
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
საქართველოში ყოველთვიურ ხელფასს დაახლოებით მილიონი ადამიანი იღებს, აქედან უმეტესობას ხელფასი თვეში 1200 დან 2400 ლარამდე აქვს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
