მანდატურები საპროტესტო გამოსვლებს წყვეტენ

მანდატურები ხვალ ჩვეულ რეჟიმში გავაგრძელებთ სკოლებში მუშაობას, - ამის შესახებ მანდატურებმა ჟურნალისტებს განათლების მინისტრთან შეხვედრის შემდეგ განუცხადეს. ნინო ქოჩორაშვილის თქმით, ყველა კითხვაზე მინისტრისგან ამომწურავი პასუხი მიიღეს.

"გუშინ იყო ძალიან ამაღელვებელი დღე, არ ვიცოდით, ვრჩებოდით თუ არა სამსახურში და საერთოდ რა ბედი ეწეოდა მანდატურის სამსახურს. მინისტრმა დადებითი პასუხები გაგვცა და გადაწყვეტილებები გვამცნო ყველა ჩვენს შეკითხვასა და მოთხოვნაზე; შესაბამისად, მანდატურის სამსახური ჩვეულად გააგრძელებს მუშაობას. მინისტრმა ასევე გვითხრა, რომ დირექტორი იქნება უბრალოდ შუამავალი სამინისტროსა და მანდატურებს შორის და არც ხელფასის მხრივ იქნება პრობლემები", - განაცხადა ქოჩორაშვილმა. მანდატურები საპროტესტო გამოსვლებს წყვეტენ.

"ინტერპრესნიუსი"