მნიშვნელოვანი ინფორმაცია
24
მაისიდღის ზოგადი ასტროლოგიური პროგნოზი
შაბათი, მთვარის ოცდამეშვიდე დღე დაიწყება 03:34-ზე, მთვარე კუროში გადაბრძანდება 21:35-ზე – კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის. მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად, ყვავილების დასარგავად; ქორწინებისა და ნიშნობისათვის. ამ დღეს ადამიანი მეტად მგრძნობიარეა საკვების მიმართ. ნუ გადატვირთავ კუჭს, მაგრამ ნურც იშიმშილებთ. მიიღეთ ჯანსაღი საკვები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
მიშას ”პირადი პაროდისტი” ექსპრეზიდენტსა და ნუკი კოშკელიშვილზე
00:08 / 28-01-2014
ქართლოს ნატროშვილი მაყურებელმა დაახლოებით ერთი წლის წინ გაიცნო აწ უკვე ყოფილი პრეზიდენტის, მიხეილ სააკაშვილის პაროდიის შესრულებით. სააკაშვილის ხელისუფლებიდან წასვლის შემდეგ ქართლოს ნატროშვილი ეკრანზე ნაკლებად ჩანს, თუმცა კვლავ "კომედი შოუს" შემადგენლობაში რჩება.
- ქართლოს, ამბობენ, რომ ამერიკაში აპირებ წასვლას, მართალია?
- არ მესმის, საიდან იგონებენ ასეთ ჭორებს, შეიძლება ხვალ ისიც თქვან, ქართლოსი ლექტორი უნდა გახდესო, ყველაფერი კი არ უნდა დაიჯეროთ (იცინის). მიშა ბოლოს იცით, როდის ვნახე, რეზიდენციაში ღია კარის დღე რომ გამოაცხადეს, მაშინ. საკუთარი ინიციატივით ავედი, ჩავეხუტე, ჯანმრთელობა და დიდხანს სიცოცხლე ვუსურვე.
- ანუ აქ აპირებ დარჩენას?
- (სააკაშვილის ხმით) ვინმეს თუ ჰგონია, არ ვივლი ჩემს ქვეყანაში და ჩემს ხალხთან, ძალიან ცდება. აკონტროლეთ ჩემი გადაადგილება - მე დავდივარ "მარშრუტკით", მეტროთი, ველოსიპედით და ფეხით. აუცილებლად ვივლი ჩემს საყვარელ ბათუმში. თითოეული შეჩერებული მშენებლობა და ჩამქრალი შენობა ნიშნავს საქართველოს შეერთებას აპარატთან.
- როგორც ვიცი, სხვა პოლიტიკოსების პაროდიის გაკეთება კატეგორიულად იუარე, რატომ?
- ყველას უდიდეს პატივს ვცემ, მაგრამ სხვის პაროდიას მაინც არ გავაკეთებ. გარდა იმისა, რომ ამის სურვილი არ მაქვს, სააკაშვილის პაროდიისნაირი შეიძლება არც გამომივიდეს...
- ბოლომდე მიშას პაროდისტად რჩები?
- დავით ბაქრაძესაც რომ გაემარჯვა არჩევნებში, მის პაროდიასაც კი არ გავაკეთებდი.
- ცნობილია, რომ მეგობრობდი სააკაშვილთან, მასთან ყვარლის რეზიდენციაშიც იყავი მიწვეული უკრაინის ყოფილ პრეზიდენტთან ერთად.
- ვოცნებობდი, მიშას ვენახებში მოვხვედრილიყავი. იუშჩენკო რომ ჩამოვიდა, მეზობელ სოფელში ვიყავი სტუმრად, დამირეკეს და მივედი. სულ რაღაც 40 წუთი ვიყავი პრეზიდენტის ყვარლის რეზიდენციაში, დავკრიფეთ ყურძენი, დავწურეთ და წამოვედი. სამეგრელოშიც რომ ვყოფილიყავი, მაინც მივიდოდი რეზიდენციაში. თავად მიშამ მიმიწვია სტუმრად.
- ბოლო დროს "ფეისბუქზე" ათავსებ "ნაციონალური მოძრაობის" მხარდამჭერებთან გადაღებულ ფოტოებს, ამით სააკაშვილის გუნდის მიმართ მხარდაჭერას გამოხატავ?
- კარგად ვიცნობ ამ ხალხს, არაერთხელ შევხვედრივარ სხვადასხვა სიტუაციაში, ამ ყველაფერს პოლიტიკური დატვირთვა არა აქვს. ღარიბაშვილთან გადაღებული ფოტოებიც ხომ გამოვაქვეყნე აგვისტოში?
- პირად ცხოვრებაში რა ხდება, ისევ მარტო ხარ?
- შეყვარებული რომ მყავდეს, არ დავმალავდი. არ მყავს და რა ვქნა?
- ცოტა ხნის წინ ინტერნეტში გაავრცელეს შენი და ნუკი კოშკელიშვილის ფოტოები, წერდნენ, შეყვარებულები არიანო...
- რა სიყვარულზე მელაპარაკებით? სურათებს რომ იღებ და ჭორს ავრცელებ, არაა კარგი საქციელი. არც უნდა შეიმჩნიო, ასეთ ამბავზე თუ გაბრაზდები.
- გაბრაზდი?
- როცა მტკნარ სიცრუეს გაბრალებენ, როგორ უნდა გესიამოვნოს?
- ნუკი კოშკელიშვილთან მეგობრობ?
- თავგადაკლული და დიდი ხნის მეგობრები არ ვართ, ვიცნობ კარგი მისალმებით. ალბათ გაეცინა, ეს ჭორი რომ გაიგო.
- მოგწონს კოშკელიშვილისნაირი გოგონები?
- (მიშას ხმით) მე უამრავი გოგო მომწონს. ქართველი, ფრანგი, აზერბაიჯანელი. ნებისმიერი გოგო მომწონს, ქერა იქნება, შავგრემანი თუ წაბლისფერი, მნიშვნელობა არ აქვს. მთავარია, სასიამოვნო იყოს მასთან ურთიერთობა.
ესაუბრა თამარ ბოჭორიშვილი
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
