მნიშვნელოვანი ინფორმაცია
2
ივნისიდღის ზოგადი ასტროლოგიური პროგნოზი
ორშაბათი, მთვარის მეშვიდე დღე დაიწყება 11:53-ზე, მთვარე ქალწულს ესტუმრება 07:02-ზე – კარგია მოლაპარაკებების წარმოება. ახალი კავშირების დამყარება. სარეკლამო კამპანიების, კონფერენციების და მსგავსი ღონისძიებების ჩატარება. გამოიყენეთ სიტყვები პარტნიორების, ინვესტორების და სპონსორების დასარწმუნებლად. ბიზნესმენებმა ხელი უნდა შეუწყონ და დააფინანსონ შემოქმედებითი ადამიანები. ბევრმა მუშაობამ შეიძლება გამოიწვიოს გადაღლილობა. უმჯობესია თავი შეიკავოთ დიდი რაოდენობით ქონის, ლორის, ქაშაყის, დამუშავებული ყველის და მსგავსი პროდუქტების მიღებაზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
მკვლელობა ნუცუბიძეზე: გოგოსთან დაკავშირებით მომხდარ შელაპარაკებას 17 წლის ბიჭი შეეწირა
03:25 / 27-01-2014
თბილისში, ნუცუბიძეზე მომხდარი ჩხუბის შედეგად 17 წლის მიშო ტყემალაძე დანით მიყენებული მრავალი დაზიანებებით გარდაიცვალა, სამი ახალგაზრდა კი დაიჭრა. ჩხუბისას ახალგაზრდებმა ხელკეტები, დანები და ე.წ. შტირები გამოიყენეს. მკვლელობა ნუცუბიძის პლატოს მე-3 მიკრორაიონში, მეორე კვარტალის მე-8კორპუსთან მდებარე 171-ე სკოლის ეზოსთან 24 იანვარს მოხდა.
ჯგუფური "გარჩევა" დაახლოებით 16-17 წლის მოზარდებს შორის მოხდა.
სკოლის ვიდეოკამერებში ჩანს, რომ ჯგუფურ "გარჩევაში" ოცამდე 16-17 წლის მოზარდი მონაწილეობდა. მათი დაპირისპირების მიზეზი ჯერჯერობით უცნობია, თუმცა ვარაუდობენ, რომ ეს ინციდენტი გოგოსთან დაკავშირებით შელაპარაკების დროს მოხდა. დაჭრილები რესპუბლიკურ საავადმყოფოში თავად მივიდნენ და მიშო ტყემალაძეც მიიყვანეს, თუმცა ის მალევე გარდაიცვალა.
თბილსის რესპუბლიკური საავადმყოფოს პრესსამსახურის უფროსი ნატალია ხურციძე "მთელ კვირასთან" ამბობს, რომ ბიჭებისგან ინფორმაციის გაცემაზე თანხმობა არ მიუღია და საუბრისგან თავს იკავებს. თუმცა, ცნობილია, რომ ამ დროისთვის დაჭრილების მდგომარეობა დამაკმაყოფილებელია, მათგან ერთ-ერთი ახალგაზრდა, რომელსაც ჭრილობა მუცლის არეში აქვს მიყენებული, სტაციონარში იმყოფება და მისი მდგომარეობა დამაკმაყოფილებელია. დანარჩენი ორი კი მსუბუქი დაზიანებებით იყვნენ და რესპუბლიკურიდან იმ დღესვე გაეწერნენ.
ერთ-ერთი დაზარალებულის დეიდა "ფეისბუკში" თავის გვერდზე წერს, რომ ოთხი 20-ის წინააღმდეგ იყო. ისინი დანებით იყვნენ შეიარაღებულნი. მის დისშვილს 2 ჭრილობა თავზე, ერთი კი მუცელში აქვს მიყენებული. მიუხედავად ამისა, მისი მდგომარეობა ამ დროისთვის დამაკმაყოფილებელია.
ნუცუბიძის პლატოზე მომხდარის შესახებ ადგილობრივებს ინფორმაცია არ აქვთ, თუმცა ამბობენ, რომ მათთვის უცნობ ახალგაზრდებს შორის დაპირისპირება საღამოხანს მოხდა.
"ჩემი ფანჯრიდან ყველაფერი ჩანს, მაგრამ ეს ამბავი არ დამინახავს, ხმაც არ გამიგია. თუმცა, შუადღისას დავინახე, რომ სკოლის ეზოში დაახლოებით რვა ბიჭი იდგა და ერთმანეთში აგრესიულად საუბრობდნენ.
"ეს ადგილი ბიჭებს "რაზბორკებისთვის" ძალიან მოსწონთ, აქ ყოველთვის იყო ხოლმე ბიჭების ჯგუფი და რაღაცას არჩევდნენ", - აღნიშნა ნუცუბიძეზე მცხოვრებმა ერთ-ერთმა ქალბატონმა.
მესამე მიკრორაიონში მცხოვრები მოსახლეობა ამბობს, რომ დაზარალებულები აქ არ ცხოვრობენ და ვაჟა-ფშაველას გამზირიდან იყვნენ ამოსულები. მათი თქმით, ამ ტერიტორიაზე ჯგუფური გარჩევა ხშირად ხდებოდა და ამის მიზეზი გაუნათებელი სკოლის ტერიტორია იყო.
"აქ ყოველთვის დადიან ბიჭები, რომლებიც გამუდმებით საქმეებს არჩევენ. ამის ერთ-ერთი მიზეზი ისაა, რომ სკოლასთან განათება არაა. რამდენჯერმე დავურეკე სკოლის დირექტორს, ვთხოვე, მოეგვარებინა ეს პრობლემა, მაგრამ ამაოდ. სკოლის ირგვლივ რამდენიმე ლამპიონია და ყველა ჩამქრალია. ღამე აქ გამოვლა შეგეშინდება. ალბათ სწორედ ამიტომ მოხდა ამ ადგილას ეს ამბავი".
"პოლიცია მანქანით რომ დადის, აუცილებელია, ფეხითაც იაროს, რადგან აქ ძალიან ხშირად არის მსგავსი შემთხვევები, თუმცა, მკვლელობა პირველად მოხდა. ჩემი სახლის წინაც ბევრჯერ იყო ჯგუფური დაპირისპირება, მოსახლეობა შეწუხებულია ამით", - განაცხადა ნუცუბიძის პლატოზე ერთ-ერთმა მცხოვრებმა მამაკაცმა.
როგორც შსს "მთელ კვირასთან ამბობს, 17 წლის მოზარდის მკვლელობაში ეჭვმიტანილი უკვე ცნობილია და მისი დაკავება ძალიან მალე მოხდება.
"მკვლელობა ურთიერთშელაპარაკების ნიადაგზე მოხდა. გარდაცვლილია 17 წლის ბიჭი. მომხდარზე გამოძიება სისხლის სამართლის კოდექსის 108-ე მუხლით, განზრახ მკვლელობაზე მიმდინარეობს. უკვე ცნობილია იმ პირის ვინაობა, ვინც მკვლელობაშია ეჭვმიტანილი და მიმდინარეობს შესაბამისი ღონისძიებები მის დასაკავებლად", - განაცხადეს შსს-ში.
სალომე აბულაძე
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რუსეთ-უკრაინის პირდაპირი სამშვიდობო მოლაპარაკებების მეორე რაუნდი დღეს, კვლავ სტამბოლში შედგება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
