მნიშვნელოვანი ინფორმაცია
4
ივნისიდღის ზოგადი ასტროლოგიური პროგნოზი
4 ივნისი, ოთხშაბათი, მთვარის მეცხრე დღე დაიწყება 14:30-ზე, მთვარე სასწორში გადავა 17:41-ზე – დღის ენერგია უარყოფითად მოქმედებს ადამიანებზე. პროვოკაციების დღეა, უფრთხილდით მოტყუებას და ცდუნებებს, იყავით მოკრძალებული. ცოტა დაისვენეთ, აღიდგინეთ ძალა. მოუფრთხილდით პირად ნივთებს. იყავით თავშეკავებული და ტოლერანტული სამსახურში, კომუნიკაციაში, ეცადეთ არავის ანაწყენოთ. არ მიიღოთ მონაწილეობა სარისკო საქმიანობაში. არ არის რეკომენდებული ბიზნესის დაწყება, პრეზენტაციებსა და გასართობ ღონისძიებებზე დასწრება, ხელშეკრულებების გაფორმება. საბუთების შედგენა. აქტიური ორგანოებია: თირკმელები, შარდის ბუშტი, გამომყოფი სისტემა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
თეა წულუკიანი - მაშინ დავუშვით შეცდომა, როდესაც ვანო მერაბიშვილი მატროსოვის ციხეში მოთავსდა
02:48 / 25-01-2014
ვანო მერაბიშვილი და ბაჩო ახალაია არ შეიძლება იყვნენ ციხეში, სადაც სათვალთვალო კამერის ჩანაწერი მუდმივად არ ინახება, - ამის შესახებ შესახებ იუსტიციის მინისტრმა თეა წულუკიანმა "რუსთავი 2"-ის გადაცემა "პოზიციაში" განაცხადა.
მინისტრი ამ ფაქტს ხელისუფლების შეცდომად მიიჩნევს და ფიქრობს, რომ აუცილებელია ისინი იმყოფებოდნენ ციხეში, სადაც ვიდეოფირები ხანგრძლივად ინახება და უსაფრთხოებაც მაღალია.
თეა წულუკიანის განცხადებით, როდესაც პატიმარი ასახელებს ფაქტებს, ის დაუყოვნებლივ უნდა გადამოწმდეს. "დაუყოვნებლივი სტანდარტი განსხვავებულია. ამ შემთხვევაში ის ვადა, რა ვადაშიც ამის გამორკვევა მოხდა, პრობლემა არ არის. რაც მაწუხებს და ობიექტური რეალობაა, ვანო მერაბიშვილი მოთავსებულია ისეთ ციხეში, სადაც არ შეიძლება არ იყოს კამერები, რომელიც მისი პატიმრობის დასრულებამდე არ ინახავს იმ ფირებს, რომელიც მას ეხება, რა თქმა უნდა იმ დათქმით, რომ მისი პირადი ინტიმური ცხოვრება ასახული არ იქნება. ეს არის იმ დონის საქმე და ისეთი პატიმარი, ისევე, როგორც ბაჩო ახალაია, არ შეიძლება ისინი იყვნენ ციხეში, სადაც არ არის მუდმივად შენახვადი კადრები. წინააღმდეგ შემთხვევაში ის აბსურდი, რაც მერაბიშვილმა განაცხადა, მარტივად შემოწმებადი იქნებოდა. მაშინ დავუშვით შეცდომა, როდესაც მატროსოვის ციხეში მოთავსდა და არა იმ ციხეში, სადაც უსაფრთხოების მაღალი დონეა და მათივე დატოვებული კამერებია", - განაცხადა წულუკიანმა.
იუსტიციის მინისტრი გამორიცხავს, ოთარ ფარცხალაძეს პრემიერისა და მთავრობისთვის "ეკადრებინა" ის, რაზეც ვანო მერაბიშვილი საუბრობს. "ობიექტური რეალობა ისეთია, რომ აქეთ დევს აბსურდული განცხადება, თუმცა იმის იქით საქმე ვერ მიდის, რადგან ამის ტექნიკური საშუალება არ აქვს სუბარის უწყებას. სოზარ სუბარმა ამ თემაზე ვრცლად ისაუბრა. მას და მის გენინსპექციას მხოლოდ ჩანაწერები არ შეუმოწმებიათ. დაიკითხნენ მოწმეები. ჩემი ინფორმაციით, ვანო მერაბიშვილმა თავიდან უარი განაცხადა ჩვენების მიცემაზე, შემდეგ დათანხმებულა. დაიკითხა არაერთი მოწმე, რომლებმაც აბსურდი უწოდეს იმას, რასაც ბატონი ვანო ამბობს", - აღნიშნა თეა წულუკიანმა.
იუსტიციის მინისტრის თქმით, ხელისუფლება მომავალში მსგავსი "აბსურდული და დესტრუქციული" განცხადებებისგან დაცული რომ იყოს, ვანო მერაბიშვილი და ბაჩო ახალაია უნდა მოთავსდნენ მაღალი უსაფრთხოების იმ ციხეში, სადაც ვიდეოჩანაწერები ხანგრძლივად ინახება.
"რაც შეეხება მათ სურვილს სტრასბურგში ჩივილის შესახებ, ეს ყველას უფლებაა. ხანდახან ეჭვი მეპარება მერაბიშვილის ადვოკატების კომპეტენტურობაში, მაგრამ 6 თვე აქვთ და იქნებ არ გაუშვან ეს ვადა, თუ ამ საქმის სტრასბურგში წაღება სურთ. ჩვენ არაფერი გვაქვს თავის სამართლებელი", - აღნიშნა წულუკიანმა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
აფეთქება, ამჯერად წყალქვეშ - თავდასხმა ყირიმის ხიდზე
კვირის კითხვადი სტატიები
მნიშვნელოვანი ინფორმაცია
მკითხველის რჩევით
