მნიშვნელოვანი ინფორმაცია
18
ივნისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
პირადობის მოწმობას უფასოდ 17-დან 22 წლამდე მოქალაქეები მიიღებენ
09:50 / 24-01-2014
იუსტიციის მინისტრის ინიციატივით, პირადობის მოწმობას უფასოდ 17-დან 22 წლამდე მოქალაქეები მიიღებენ. როგორც "ინტერპრესნიუსს" იუსტიციის სამინისტროდან აცნობეს, აქცია 24 იანვრიდან 24 თებერვლის ჩათვლით განხორციელდება და შესაბამის ასაკობრივ კატეგორიაში მოხვედრილი მოქალაქეები, რომლებსაც პირადობის ახალი მოწმობა ჯერ არ აუღიათ, დოკუმენტს სრულიად უფასოდ მიიღებენ.
ამავე პერიოდში, იუსტიციის მინისტრის გადაწყვეტილებით, პირადობის ახალი მოწმობის უფასოდ მიღების საშუალება პირობით მსჯავრდებულებს (პრობაციონერებსაც) ექნებათ. ყველა მათგანი გათავისუფლდება, როგორც დოკუმენტის, ისე ფოტოსურათის გადაღების ღირებულებისგან.
დღეისათვის საქართველოში 17-დან 22 წლამდე 59 089 მოქალაქეა რეგისტრირებული, ხოლო პირობითი მსჯავრდებულების რაოდენობა კი 12 000-ს შეადგენს.
პირადობის ახალი მოწმობისათვის განაცხადის გასაკეთებლად ორივე კატეგორიის წარმომადგენლებმა უნდა მიმართონ იუსტიციის სახლებს ან სერვისების განვითარების სააგენტოს ტერიტორიულ სამსახურებს.
თბილისში განაცხადების მიღება წარმოებს დროებით სერვის-ცენტრებში, მისამართებზე: დავით აღმაშენებლის ხეივანი მე-10 კილომეტრი, (აღსრულების ეროვნული ბიურო); ვაჟა-ფშველას #1, (ეროვნული არქივი).
გასული წლიდან დღემდე, იუსტიციის მინისტრის ინიციატივით, პირადობის ახალი მოწმობების უფასოდ გაცემის აქცია უკვე სამჯერ განხორციელდა, რომლის ფარგლებშიც უფასო პირადობის მოწმობები უკვე გადაეცათ სრულწლოვან დევნილებს, რეგისტრაციიდან მოხსნილ პირებს და პედაგოგებს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ევროკავშირმა რუსეთის წინააღმდეგ ყირიმის ანექსიისთვის დაწესებული სანქციები ერთი წლით გაახანგრძლივა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
