მნიშვნელოვანი ინფორმაცია
29
მაისიდღის ზოგადი ასტროლოგიური პროგნოზი
ხუთშაბათი, მთვარის მესამე დღე დაიწყება 05:58-ზე, მთვარე კირჩხიბშია – ენერგიული დღეა. მოქმედების დროა, ხელსაყრელია მძიმე ფიზიკური დატვირთვა. მოერიდეთ აგრესიის ნებისმიერ გამოვლინებას. გამოიჩინეთ მონდომება და გამძლეობა. არ არის რეკომენდებული ფინანსური საკითხების მოგვარება, შესაძლებელია ფულადი დანაკარგები. შეგიძლიათ წახვიდეთ სამოგზაუროდ ან მივლინებაში. რაც შორს წახვალთ, მით უფრო წარმატებული იქნება მოგზაურობა. გაზრდილია ემოციურობა, კარგია დიპლომატიის დემონსტრირება. გამოიძინეთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ფარული ჩანაწერების საკითხებზე მომუშავე კომისიის სხდომა 29 იანვარს გაიმართება
07:56 / 24-01-2014
უკანონო მიყურადებისა და ფარული ჩანაწერების საკითხებზე მომუშავე დროებითი კომისიის სხდომა 29 იანვრისთვის არის ჩანიშნული. როგორც "ინტერპრესნიუსს" დროებითი კომისიის ერთ-ერთმა წევრმა, "საერთაშორისო გამჭვირვალობა - საქართველოს" აღმასრულებელმა დირექტორმა ეკა გიგაურმა განუცხადა, კომისიის სხდომა შინაგან საქმეთა სამინისტროში შედგება.
ამ ეტაპზე უცნობია სხდომის დღის წესრიგი, თუმცა ეკა გიგაურის ინფორმაციით, უწყებაში დარჩენილია 24 000 ფარული ჩანაწერი, რომელთა შესახებაც ძირითად ტენდენციებზე მთავრობას ანგარიში უნდა მოემზადებინა.
კომისიის კიდევ ერთი წევრი, გაზეთ "რეზონანსის" მთავარი რედაქტორი ლაშა ტუღუში წუხს, რომ სხდომა კომისიის უფლებამოსილების ვადის ამოწურვამდე ერთი დღით ადრე იმართება. მისი ინფორმაციით, მთავრობის მიერ მიღებული გადაწყვეტილების საფუძველზე, კომისიას უფლებამოსილების ვადა იანვრის ბოლოს ეწურება, სხდომა კი 29 იანვრისთვის არის ჩანიშნული. მისივე ცნობით, კომისიის წევრები ბოლოს 5 სექტემბერს, პირადი ცხოვრების ამსახველი ფარული ვიდეოჩანაწერების განადგურებისას შეიკრიბნენ, მას შემდეგ კი სხდომა არ გამართულა.
ლაშა ტუღუშმა აღნიშნა, რომ რამდენიმე თვის განმავლობაში კომისიის შეკრება ვერ მოხერხდა. იგი ამის მიზეზებს ვერ აკონკრეტებს, თუმცა აცხადებს, რომ კომისიის წევრებს გარკვეული გადაწყვეტილებები უნდა მიეღო, არა მხოლოდ დარჩენილ მასალებთან დაკავშირებით, არამედ არსებული ვითარების ანალიზის კუთხითაც.
როგორც "რეზონანსის" მთავარი რედაქტორი განმარტავს, კომისიას უნდა მოემზადებინა დასკვნა და ანალიზი, "რა მოვლენასთან გვქონდა საქმე", რა მოვლენა იყო მიყურადება, მოსმენები, ფარული თვალთვალი, თუმცა კომისიამ დასკვნის დაწერა ვერ მოახერხა, რადგან არ შეიკრიბა.
"როგორ შეიძლება, დასკვნა როგორ დაიდება, თუ კომისია არ იკრიბება თვეების განმავლობაში. შეიცვალა მინისტრი, პროკურორი. მე ვერ ვხვდები აქამდე რატომ არ მოხერხდა მოგვესმინა მოსაზრებები და რაღაც დაგვედო. დაენიშნათ ადრე შეხვედრა და შემდეგ რაღაცნაირად ჩამოყალიბდებოდა კომისია", - აღნიშნა ლაშა ტუღუშმა.
მისივე თქმით, კომისიის თავმჯდომარე შინაგან საქმეთა მინისტრია, თუმცა ალექსანდრე ჭიკაიძის მინისტრობის პერიოდში შეხვედრა არ გამართულა.
ფარულ ჩანაწერებთან დაკავშირებით კომისია გასული წლის 14 ივნისს შეიქმნა, რომელსაც იმ დროინდელი შს მინისტრი ირაკლი ღარიბაშვილი ხელმძღვანელობდა. ჯგუფი ასეთი შემადგენლობით დაკომპლექტდა: არჩილ კბილაშვილი, სახალხო დამცველი უჩა ნანუაშვილი, არასამთავრობო ორგანიზაცია "საერთაშორისო გამჭვირვალობის" აღმასრულებელი დირექტორი ეკა გიგაური, საარჩევნო და პოლიტიკური ტექნოლოგიების კვლევითი ცენტრის დირექტორი კახი კახიშვილი, გაზეთ "რეზონანსის" მთავარი რედაქტორი ლაშა ტუღუში.
5 სექტემბერს კი უკანონო მიყურადებისა და ფარული ჩანაწერების საკითხებზე მომუშავე დროებითი კომისიის წევრებისა და მედიის წარმომადგენლების თანდასწრებით, "მოდულის" შენობაში აპარატ "შრედერის" მეშვეობით 110 დისკი გაანადგურეს, რომელიც პირადი ცხოვრების ამსახველ 144 ფაილს შეიცავდა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
