კიევის პატრიარქმა ფილარეტმა უკრაინის პრეზიდენტის ორდენზე უარი განაცხადა

კიევის პატრიარქმა ფილარეტმა უკრაინის პრეზიდენტის, ვიქტორ იანუკოვიჩის ორდენზე უარი განაცხადა. როგორც უკრაინული მედია წერს, ფილარეტმა უარი თქვა ქვეყნის წინაშე დამსახურებისთვის პირველი ხარისხის ორდენზე, რომელიც მას 85 წლის იუბილესთან დაკავშირებით უნდა გადასცემოდა.

"იმ პირობებში, რომელიც დღეს უკრაინაშია, როდესაც ხალხი დაიღუპა და კიევის ცენტრში გრძელდება დაპირისპირება, ჩემი თხოვნა იქნება არ გადმომცეთ ჯილდოები. ჩემს ამ გადაწყვეტილებას ასევე მხარი დაუჭირეს წმინდა სინოდის წევრებმა და არქიეპისკოპოსებმა, რომლებიც დღეს კიევში შეიკრიბნენ",-განაცხადა გუშინ პატრიარქმა ფილარეტმა.

ამასთან, კიევის პატრიარქმა აღნიშნა, რომ ისინი ლოცულობენ გარდაცვლილთა სულებისთვის.

"ინტერპრესნიუსი"