მნიშვნელოვანი ინფორმაცია
7
ივნისიდღის ზოგადი ასტროლოგიური პროგნოზი
შაბათი, მთვარის მეთორმეტე დღე დაიწყება 18:20-ზე, მთვარე მორიელში იქნება 06:22-დან –რეკომენდებულია მოლაპარაკებების წარმოება. დახმარების თხოვნა. გამოიჩინეთ ნებისყოფა, გამძლეობა, სიმტკიცე და პატიოსნება სამსახურში. გამოავლინეთ საკამათო საკითხების გადაჭრის, კონფლიქტების მოგვარების და კომპრომისებზე წასვლის უნარი. არ არის რეკომენდებული გადაჭარბებული ზრუნვა. ახალი წამოწყებები. აჩქარების და აურზაურის გამოვლინება. საუკეთესო დღეა ოჯახის შესაქმნელად. დღეს მაქსიმალური სიყვარული და მზრუნველობა გამოიჩინეთ პარტნიორის მიმართ და ეცადეთ, არ გაანაწყენოთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
გიორგი მარგველაშვილი - შეიძლება იყო ევროპული ორიენტაციის და კარგი ურთიერთობა გქონდეს რუსეთთან
06:06 / 22-01-2014
საქართველოს პრეზიდენტი მიიჩნევს, რომ ევროპული ორიენტაციის პარალელურად რუსეთთან კარგი ურთიერთობა შესაძლებელია, - ამის შესახებ გიორგი მარგველაშვილი თურქეთის საზოგადოებრივ მაუწყებელთან TRT-სთან ინტერვიუში აცხადებს.
ჟურნალისტის კითხვას, შესაძლებელია თუ არა, რომ ქვეყანას ერთდროულად ჰქონდეს ევროპული მიმართულება და კარგი ურთიერთობა რუსეთთან, გიორგი მარგველაშვილი პასუხობს – "მთელ ევროპას აქვს კარგი ურთიერთობა რუსეთთან, შესაბამისად, შეიძლება იყო ევროპული ორიენტაციისა და გქონდეს კარგი ურთიერთობა რუსეთთან".
პრეზიდენტის თქმით, საქართველოს ხელისუფლება ცდილობს, რუს პოლიტიკოსებს აჩვენოს, რომ სტაბილური, დემოკრატიული, ეკონომიკურად წელში გამართული, დაცული საქართველო უფრო საინტერესოა რუსეთისთვის და ხელს უწყობს მის საგარეო ინტერესებს, ვიდრე დანაწევრებული და არეული საქართველო.
"მინდა ხაზგასმით აღვნიშნო, რომ ჩვენ სრულიად რეალისტურ პოლიტიკას ვაწარმოებთ. გვესმის, რომ რუსეთს აქვს თავისი ინტერესები, მაგრამ ამ ინტერესების გააზრება და მოსმენა შეიძლება მხოლოდ ერთი დაშვებით - საქართველოს ტერიტორიული მთლიანობა იქნას აღიარებული და მას პატივი სცენ. შესაბამისად, ეს არანაირად არ არის გამორიცხული. რუსეთისთვის საინტერესო უნდა იყოს სტაბილური საქართველო და გვჯერა, რომ ჩვენი მეგობრების, რაციონალური დიალოგის მეშვეობით, რუსული მხარე დაინახავს, რომ ტერიტორიულად მთლიანი საქართველო, რომელიც არის ევროპის, ევროატლანტიკური პროცესის ნაწილი, მხოლოდ საინტერესოა მათთვის და არა პირიქით. ამ მიმართულებით ჩვენ არა მხოლოდ თეორიულად ვმუშაობთ, არამედ გადადგმულიც გვაქვს ქმედითი ნაბიჯები. ჩვენ გვაქვს ჟენევის ფორმატი, რომლის ფარგლებშიც მიმდინარეობს რუსეთთან უაღრესად მძიმე საკითხებზე საუბარი. ეს არის მძიმე საერთაშორისო ფორმატი და მასში მონაწილეობენ ჩვენი პარტნიორები და მეგობრები მთელი მსოფლიოდან. იმედი გვაქვს, ეს ფორმატი შედეგს გამოიღებს. ჩვენ გვაქვს ასევე ახალი ფორმატი - პრაღის ფორმატი, სადაც ჩვენი საგანგებო წარმომადგენელი ესაუბრება რუს დიპლომატებს სწორედ იმ თემებზე, რომლებზეც შეგვიძლია შევთანხმდეთ. ეს არის ეკონომიკური საკითხები, კულტურული ურთიერთობები. ეს ფორმატი, ბუნებრივია, ბევრად უფრო წარმატებულ რეჟიმში მიმდინარეობს, მეტიც, ამ ფორმატის ფარგლებში იმედი გვაქვს, რომ ის ემოციური ფონი, დაძაბულობა, რომელიც ბუნებრივად არსებობს, დეესკალაციას განიცდის. ამ დეესკალაციის ფონზე კი ნელ-ნელა დავიწყებთ საუბარს, როგორ შეიძლება გამოვიდეთ შექმნილი ვითარებიდან და მოვაგვაროთ წარმოშობილი პრობლემა, რომელიც, ჩვენი ღრმა რწმენით, არავის არ აწყობს", - აცხადებს პრეზიდენტი.
გიორგი მარგველაშვილი ხაზგასმით აღნიშნავს, რომ ტერიტორიულად გამთლიანებული, ეკონომიკურად ძლიერი და დაცული საქართველო რუსეთისთვის მხოლოდ საინტერესოა და არა პირიქით.
ჟურნალისტის კითხვას, რა დონეზე იქნება საქართველო წარმოდგენილი სოჭის ოლიმპიადაზე, პრეზიდენტი პასუხობს, რომ სოჭში მხოლოდ ქართველი სპორტსმენები გაემგზავრებიან.
"საქართველოს გუნდი წარმოდგენილი იქნება ოლიმპიადაზე. მე კიდევ ერთხელ მინდა ხაზგასმით ვთქვა, რომ ჩვენ ძალიან დიდ პატივს ვცემთ ოლიმპიურ მოძრაობას, ოლიმპიურ სულისკვეთებას და თუ რაიმენაირად მოვიაზრებთ ამ პროცესს, მხოლოდ პოზიტივის შემომტანად ერთა შორის ურთიერთობის თვალსაზრისით. შესაბამისად, ჩვენი გუნდი იქ წარმოდგენილი იქნება. დიდი იმედი მაქვს, რომ ჩვენი გუნდი წარმატებულად იასპარეზებს და ეს იქნება კიდევ ერთი ნაბიჯი მთელი მსოფლიოს მასშტაბით პოზიტიური, დადებითი და სიკეთეზე ორიენტირებული ემოციის შექმნისა. ჩვენ თვითონ პროცესს ვუჭერთ მხარს, პატივს ვცემთ მას და, შესაბამისად, ოლიმპიადაზე წარმოდგენილი იქნება ქართული გუნდი და არა საქართველოს დელეგაცია. ვფიქრობ, ესეც გარკვეულწილად ეხმარება პროცესების დეესკალაციას და ნელ-ნელა შექმნის ფონს იმისთვის, რომ საკითხები განხილული იქნას უფრო მშვიდ და რაციონალურ კონტექსტში", - აცხადებს გიორგი მარგველაშვილი.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
