ეკლესიიდან 68 ლარის ქურდობაში ბრალდებული პატიმრობიდან გაათავისუფლეს
21 წლის ახალგაზრდა, რომელსაც სოფელ სამრეკლოს ეკლესიიდან 68 ლარის ქურდობის გამო 10 წლით თავისუფლების აღკვეთა ემუქრებოდა, სიღნაღის რაიონული სასამართლოს დარბაზიდან საპროცესო შეთანხმების საფუძველზე გაათავისუფლეს. მას პირობითი მსჯავრის სახით 6 წელი მიესაჯა. ადვოკატ თამაზ გურაშვილის განცხადებით, ბრალდებულის ბედით პროკურატურა და სამღვდელოება კახეთის საინფორმაციო ცენტრის მიერ გამოქვეყნებული სტატიის შემდეგ დაინტერესდა.
"ატალახებული მქონდა პროკურატურა და სამღვდელოება, მაშინ ყურადღება არავინ მომაქცია, არავინ გაითვალისწინა თხოვნა. როგორც კი გამოქვეყნდა ინფორმაცია, მირეკავდნენ პროკურატურიდან, სამღვდელოებიდან 3 პიროვნებაც კი მოვიდა", - აცხადებს თამაზ გურაშვილი.
ახალგაზრდა, დედოფლისწყაროს რაიონის სოფელ სამრეკლოს ეკლესიის გაქურდვის ფაქტზე 2013 წლის 9 აგვისტოს დააკავეს. ბრალდებულმა დანაშაული აღიარა და განაცხადა, რომ მშიერი იყო და მოპარული ფულით პური და ძეხვი იყიდა, თანხის ნაწილი კი პოლიციელებმა ჯიბიდან ამოუღეს. ბრალდებულს, წაყენებული მუხლებით სასჯელის სახით 6-დან 10 წლამდე ვადით თავისუფლების აღკვეთა ემუქრებოდა.
დაპირისპირება თბილისის ცენტრში - რამდენიმე მამაკაცი ფიზიკურად გაუსწორდა
"სათამაშო ბიზნესი "ქართულ ოცნებაში" ე.წ. შავ სალაროს ავსებს" - ვინ მფარველობს ონლაინკაზინოებს?
