20 იან­ვარს სა­ქარ­თვე­ლოს პრე­ზი­დენ­ტის პრეს­სამ­სა­ხუ­რის თა­ნამ­შრო­მელს სოფო ჯა­ჯა­ნაშ­ვილს თურ­ქეთ­ში თავს და­ესხნენ. ინ­ცი­დენ­ტი სამ­თავ­რო­ბო უწყე­ბის მო­საც­დელ­ში მოხ­და. თურ­ქი წარ­მო­შო­ბის უც­ნობ­მა ქალ­ბა­ტონ­მა ჯა­ჯა­ნაშ­ვილს ფი­ზი­კუ­რი შე­უ­რა­ცხყო­ფა მი­ა­ყე­ნა, თმებ­ში სწვდა და რო­გორც თურ­ქუ­ლი პრე­სა იუ­წყე­ბა, ია­ტაკ­ზე ათ­რია. სი­ტუ­ა­ცია დაც­ვის სამ­სა­ხუ­რის თა­ნამ­შრომ­ლებ­მა გან­მუხ­ტეს. რო­გორც თურ­ქუ­ლი მე­დია იუ­წყე­ბა, უც­ნო­ბი ქალ­ბა­ტო­ნი პრე­ზი­დენტ აბ­დუ­ლა გი­უ­ლის­თვის თხოვ­ნის გა­და­სა­ცე­მად იყო მი­სუ­ლი, მას ფსი­ქი­კუ­რი პრობ­ლე­მე­ბი აქვს. ამ დროს რას აკე­თებ­დნენ თურ­ქე­თის სპეც­სამ­სა­ხუ­რე­ბი, ან რა­ტომ არ მომ­ზად­და სა­თა­ნა­დოდ ვი­ზი­ტი ისე, რომ მსგავ­სი ინ­ცი­დენ­ტე­ბი არი­დე­ბუ­ლი ყო­ფი­ლი­ყო და სა­ერ­თოდ, პრე­ზი­დენ­ტი პრე­ზი­დენტს ტრა­პთან დახ­ვედ­რო­და. კარ­გი იქ­ნე­ბა, თუ ამ კი­თხვებ­ზე პა­სუხს გაგ­ვცე­მენ შე­სა­ბა­მი­სი უწყე­ბის თა­ნამ­შრომ­ლე­ბი. ასე­ვე ჩნდე­ბა კი­თხვე­ბი, რა­ტომ არ­ჩია სა­ქარ­თვე­ლომ, რომ ახა­ლი პრე­ზი­დენ­ტის პირ­ვე­ლი ვი­ზი­ტი თურ­ქეთ­ში და­ე­გეგ­მა, ვილ­ნი­უ­სის სა­მი­ტის შემ­დეგ, როცა ჩვე­ნი უმ­თავ­რე­სი სტრა­ტე­გი­უ­ლი პარტნი­ო­რე­ბი აშშ და ევ­რო­პა არი­ან.

პრე­ზი­დენ­ტის პირ­ვე­ლი ოფი­ცი­ა­ლუ­რი ვი­ზი­ტი სკან­და­ლით და­ი­წყო, ეს კარ­გის მო­მას­წა­ვე­ბე­ლია თუ ცუ­დის, ამის გარ­კვე­ვას შე­ვეც­დე­ბით პო­ლი­ტო­ლოგ სოსო ცინ­ცა­ძეს­თან ერ­თად, რო­მე­ლიც მი­იჩ­ნევს, რომ პრე­ზი­დენ­ტის პრეს­სამ­სა­ხურ­ზე თავ­დას­ხმა არ არის პო­ლი­ტი­კის ნა­წი­ლი, ეს არის სპეც­სამ­სა­ხუ­რე­ბის ცუდი მუ­შა­ო­ბის შე­დე­გი. როცა სა­ა­კაშ­ვი­ლი დაფ­რი­ნავ­და უცხო­ეთ­ში ვი­ზი­ტე­ბით და დაც­ვის სამ­სა­ხუ­რი გა­ცი­ლე­ბით ძლი­ე­რი და მო­ბი­ლი­ზე­ბუ­ლი იყო. მსგავ­სი სკან­და­ლი მა­შინ არ მომ­ხდა­რა, მაგ­რამ თურ­ქე­თის მხა­რე მა­ში­ნაც თავ­ხე­დუ­რად იქ­ცე­ო­და. სოსო ცინ­ცა­ძე აქვე იხ­სე­ნებს ერთ კონ­კრე­ტულ მა­გა­ლითს, რომ­ლის თვითმხილ­ვე­ლიც თვი­თონ აღ­მოჩ­ნდა. ბა­თუმ­ში ვი­ზი­ტით ჩა­მო­სუ­ლი იყო თურ­ქე­თის პრე­მი­ერ-მი­ნის­ტრი ერ­დო­ღა­ნი, ის ახა­ლი სას­ტუმ­როს გახ­სნის პრე­ზენ­ტა­ცი­ა­ზე მო­ვი­და, ლიფ­ტში შე­ვი­და ერ­დო­ღა­ნი, მას შეჰ­ყვა სა­ა­კაშ­ვი­ლი და შე­ვი­და მხო­ლოდ ერ­დო­ღა­ნის დაც­ვა. ერ­დო­ღა­ნის დაც­ვამ ლიფ­ტში სა­ა­კაშ­ვი­ლის დაც­ვა არ შე­უშ­ვა, ლიფ­ტის კარი ცხვირ­წინ მი­უ­ხუ­რეს და სა­ა­კაშ­ვი­ლის დაც­ვის წევ­რე­ბი თავ­ქუდ­მოგ­ლე­ჯი­ლე­ბი გარ­ბოდ­ნენ კი­ბე­ე­ბით მე-14 სარ­თულ­ზე.

რო­გორც სო­ცი­ა­ლუ­რი ქსე­ლი­დან ირ­კვე­ვა, მარ­გვე­ლაშ­ვი­ლი თურ­ქეთ­ში ჩაფ­რინ­და მი­ხე­ილ სა­ა­კაშ­ვი­ლის ნა­ქო­ნი საპ­რე­ზი­დენ­ტო ბორ­ტით, სა­ხე­ლად "ლა­ზი­კა", რა­საც მოჰ­ყვა კო­მენ­ტა­რე­ბი, რომ მოქ­მე­დი პრე­ზი­დენ­ტი ექ­სპრე­ზი­დენ­ტის პომ­პე­ზურ თვითმფრი­ნავს იყე­ნებს. პომ­პე­ზუ­რი თვითმფრი­ნა­ვი­სა და ფრე­ნის მი­უ­ხე­და­ვად, რო­გორც გი­თხა­რით, მას ტრა­პთან არ დახ­ვდა თურ­ქე­თის პრე­ზი­დენ­ტი, რაც უკვე დიდი პო­ლი­ტი­კის ნა­წი­ლია. პო­ლი­ტო­ლო­გი სოსო ცინ­ცა­ძე ამ ფაქტს ასე ხსნის: "პრო­ტო­კო­ლით დე­ტა­ლე­ბი უნდა იყოს გა­წე­რი­ლი. პრო­ტო­კო­ლის მი­ხედ­ვით, როცა მა­ღა­ლი რან­გის სტუ­მა­რი იწყებს თვითმფრი­ნა­ვი­დან ჩა­მოს­ვლას, აე­რო­პორ­ტის შე­ნო­ბი­დან იწყებს სვლას დამ­ხვედ­რი მხა­რე. ახლო წარ­სუ­ლი­დან ერთ სა­ინ­ტე­რე­სო ფაქტს მო­გიყ­ვანთ: რუ­სეთ­ში ჩა­მო­ვი­და სი­რი­ის პრე­ზი­დენ­ტის ბა­შარ ალ ასა­დის მამა, აე­რო­პორ­ტი­დან დამ­ხვედრმა მხა­რემ სვლა არ და­ი­წყო, ერ­თმა­ნე­თი დიდი ხნის უნა­ხა­ვი ჰყავ­დათ და სა­უ­ბარ­ში შეყვნენ... ხა­ფეზ­მა და­ი­წყო ტრაპ­ზე ჩა­მოს­ვლა, რო­გორც კი ნახა, რომ დე­ლე­გა­ცია იქი­დან არ და­იძ­რა, მიბ­რუნ­და თვითმფრი­ნა­ვის ბორტზე. ზუს­ტად 2 სა­ა­თის მან­ძილ­ზე იჯდა და არ გა­მო­ვი­და, ბო­დი­შე­ბის მი­უ­ხე­და­ვად. ეს ამ­ბა­ვი მო­მიყ­ვა კრემ­ლის ნო­მერ პირ­ველ­მა თარ­ჯი­მან­მა ვიქ­ტორ სუ­ხად­როვ­მა. ხა­ფეზ­მაც კი ახ­დე­ვი­ნათ ბო­დი­შე­ბი, რო­მე­ლიც რუ­სეთ­ში ია­რა­ღის სა­მა­თხოვ­როდ ჩა­დი­ო­და, აქ სა­ხელ­მწი­ფოს ღირ­სე­ბის სა­კი­თხი დგას და არა პი­როვ­ნე­ბის. რა ფუნ­ქცი­ის მა­ტა­რე­ბე­ლიც არის თურ­ქე­თის პრე­ზი­დენ­ტი, იგი­ვე ფუნ­ქცი­ის მა­ტა­რე­ბე­ლია სა­ქარ­თვე­ლოს პრე­ზი­დენ­ტი, ორი­ვე უფ­ლე­ბა­შე­ზღუ­დუ­ლია. ის, რომ პრე­ზი­დენტს პრე­ზი­დენ­ტი არ დახ­ვდა, ეს არის ქვეყ­ნის უპა­ტივ­ცე­მუ­ლო­ბა"...

შე­გახ­სე­ნებთ, რომ სა­გა­რეო ურ­თი­ერ­თო­ბე­ბი პრე­ზი­დენ­ტის ად­მი­ნის­ტრა­ცი­ა­ში ჩა­ბა­რე­ბუ­ლი აქვს მი­ხე­ილ მა­ჭა­ვა­რი­ა­ნის ძმას, ესეც ერ­თგვა­რი კა­ზუ­სია, რო­გორ შე­იძ­ლე­ბა ერთი ძმა იყოს "ნა­ცი­ო­ნა­ლუ­რი მოძ­რა­ო­ბის" ლი­დე­რი და მე­ო­რე, სა­ქარ­თვე­ლოს პრე­ზი­დენ­ტის წამ­ყვა­ნი ფი­გუ­რა? ოპო­ზი­ცი­ის­თვის ყბა­და­ღე­ბუ­ლი თემა იყო და დღემ­დე რჩე­ბა ძმე­ბი კუბ­ლაშ­ვი­ლე­ბის სა­კი­თხი, თუმ­ცა ორი­ვე მათ­გა­ნი ერთ პარ­ტი­ას ემ­სა­ხუ­რე­ბო­და. გა­საკ­ვი­რი ისაა, რა­ტომ არ აპ­რო­ტეს­ტებს "ოც­ნე­ბის" ხე­ლი­სუფ­ლე­ბა "ნაც­მოძ­რა­ო­ბი­დან" დე­სან­ტად ჩას­მულ მა­ჭა­ვა­რი­ა­ნის ძმის სა­კითხს?! რო­გორც ჩანს, ვანო მა­ჭა­ვა­რი­ა­ნი არც ისე­თი პრო­ფე­სი­ო­ნა­ლია, ამას ასე გან­მარ­ტავს პო­ლი­ტო­ლო­გი სოსო ცინ­ცა­ძე: "ვანო მა­ჭა­ვა­რი­ა­ნი, ეს არის ქარ­თვე­ლი ტა­ლე­ი­რა­ნი (რა თქმა უნდა, იუ­მო­რით), მაგ­რამ მარ­გვე­ლაშ­ვილ­სა და ხე­ლი­სუფ­ლე­ბას იქ ბის­მარ­კე­ბიც ჰყავს, რა­საკ­ვირ­ვე­ლია, ისი­ნი მო­ძებ­ნი­ან ამ ფაქ­ტის ლა­მაზ ახ­სნას, პირს მოწ­მენ­დენ თურ­ქულ მხა­რეს, თუმ­ცა უფრო მნიშ­ვნე­ლო­ვა­ნი სა­კი­თხია, რა­ტომ აირ­ჩია პრე­ზი­დენ­ტმა ოფი­ცი­ა­ლურ ვი­ზი­ტად თურ­ქე­თი. ეს მარ­ტო ქარ­თვე­ლებს კი არა, სხვებ­საც აინ­ტე­რე­სებთ, ამ თე­მას აზერ­ბა­ი­ჯა­ნულ­მა პრე­სამ რამ­დე­ნი­მე დიდი სტა­ტია მი­უ­ძღვნა ასე­თი ში­ნა­არ­სით – რა­ტომ არ­ჩია მან თურ­ქე­თი და არა აზერ­ბა­ი­ჯა­ნი?! აზერ­ბა­ი­ჯა­ნე­ლი ექ­სპერ­ტე­ბი ამას ასე ხსნი­ან, რომ გა­და­სა­წყვე­ტია, მა­გა­ლი­თად, რკი­ნიგ­ზის თემა - ყარ­სი-ახალ­ქა­ლა­ქის მი­მარ­თუ­ლე­ბით და ამი­ტო­მაც ვერ მო­ხერ­ხდა პირ­ვე­ლი ვი­ზი­ტი აზერ­ბა­ი­ჯან­შიო. ის­მის ასე­ვე კი­თხვა, - რა­ტომ არ წა­ვი­და პრე­ზი­დენ­ტი პირ­ვე­ლი ოფი­ცი­ა­ლუ­რი ვი­ზი­ტით ევ­რო­პა­ში? რო­გორც ჩანს, ევ­რო­პე­ლებ­მა თვი­თონ არ და­პა­ტი­ჟეს. დღეს ევ­რო­პას ნაკ­ლე­ბად აინ­ტე­რე­სებს მარ­გვე­ლაშ­ვი­ლი. ევ­რო­პე­ლი ლი­დე­რე­ბი დროს არ და­კარ­გა­ვენ მარ­გვე­ლაშ­ვილ­თან ვი­ზი­ტის მომ­ზა­დე­ბა­ზე, რად­გან ზუს­ტად იცი­ან, რომ ის გა­და­წყვე­ტი­ლე­ბის მიმ­ღე­ბი არ არის, ბო­ლოს და ბო­ლოს, სა­დღაც ხომ უნდა წა­სუ­ლი­ყო? ამ­ხე­ლა ხელ­ფასს იღებს, პრე­ზი­დენ­ტი ჰქვია, მერე რა, რომ ერთი კა­ცის და­ნიშ­ნუ­ლია?.. მე მა­ინც მრჩე­ბა შთა­ბეჭ­დი­ლე­ბა, რომ ვი­ზი­ტი ცუ­დად იყო მომ­ზა­დე­ბუ­ლი. სა­ერ­თო­დაც მინ­და გი­თხრათ, რომ ჩვენ მო­ვახ­დი­ნეთ სტრა­ტე­გი­უ­ლი პარტნი­ო­რის, რო­გორც ცნე­ბის დე­ფოლ­ტი, ძვე­ლი რო­მი­დან მო­ყო­ლე­ბუ­ლი სტრა­ტე­გი­უ­ლი პარტნი­ო­რი არის სა­ხელ­მწი­ფო, რო­მე­ლიც შენი გუ­ლის­თვის იო­მებს. აფხა­ზე­თის ომის შემ­დეგ, აფხა­ზე­თის ომში გამ­ძაფ­რე­ბუ­ლი ინ­ტენ­სი­ვო­ბით შე­დი­ოდ­ნენ თურ­ქუ­ლი გე­მე­ბი, მა­ში­ნაც კი, როცა იყო მცდე­ლო­ბა, რომ აფხა­ზე­თი ეკო­ნო­მი­კურ იზო­ლა­ცი­ა­ში მო­ექ­ცი­ათ, მა­ში­ნაც კი თურ­ქეთ­მა ან­გა­რი­ში არ გა­უ­წია სა­ქარ­თვე­ლოს. ცხა­დია, თურ­ქე­თი ეკო­ნო­მი­კუ­რად ძლი­ე­რი ქვე­ყა­ნაა და სა­ქარ­თვე­ლო, რო­გორც პარტნი­ო­რი ამ კუ­თხით ესა­ჭი­რო­ე­ბა, თუმ­ცა ეს იმას არ ნიშ­ნავს, რომ თურ­ქე­თი, რო­მელ­მაც და­ი­პყრო ნა­ხე­ვა­რი აჭა­რა და ტო­ტა­ლუ­რი გა­თურ­ქე­ბა მი­დის, ის არ შე­იძ­ლე­ბა ჩა­ით­ვლა­ოს კე­თილ­სინ­დი­სი­ე­რად, პარტნი­ო­რად და უფრო გულ­სატ­კე­ნია, როცა მსგავ­სი ინ­ცი­დენ­ტე­ბით იწყე­ბა პრე­ზი­დენ­ტის პირ­ვე­ლი ოფი­ცი­ა­ლუ­რი ვი­ზი­ტი".

სოსო ცინ­ცა­ძე იხ­სე­ნებს, თუ რო­გორ შე­დი­ო­და მარ­თლაც აფხა­ზე­თის ომის შემ­დეგ თურ­ქუ­ლი გე­მე­ბი აფხა­ზეთ­ში,- "რო­მელ სტრა­ტე­გი­ულ პარტნი­ო­რო­ბა­ზეა ლა­პა­რა­კი?.. თურ­ქულ გე­მებს აფხა­ზე­თი­დან მი­აქვთ ქვა­ნახ­ში­რი, ამა­რა­გე­ბენ სურ­სა­თით. არის ინ­ფორ­მა­ცია რომ ომის დროს შეჰ­ქონ­დათ ია­რა­ღი. ოფი­ცი­ა­ლუ­რი მო­ნა­ცე­მე­ბით, 25 ათა­სი თურ­ქია ბა­თუმ­ში ჩა­მო­სუ­ლი, არა­ო­ფი­ცი­ა­ლუ­რად, აჭა­რა, ბა­თუ­მი უფრო ბორ­დე­ლად აქვთ გა­დაქ­ცე­უ­ლი. ბო­ლოს და ბო­ლოს, თავ­მოყ­ვა­რე­ო­ბის სა­კი­თხია. თა­ვის დრო­ზე კუბა იყო ამე­რი­კე­ლე­ბის ბორ­დე­ლი, ფი­დელ კას­ტრომ ამი­ტო­მაც მო­ახ­დი­ნა ად­ვი­ლად რე­ვო­ლუ­ცია, რად­გან კუ­ბე­ლებს ყელ­ში ამო­უ­ვი­დათ ამე­რი­კე­ლე­ბის "გრი­ა­ლი" და ჩვენ რო­დემ­დე უნდა ვუ­ყუ­როთ, თუ რო­გორ რყვნი­ან ქვე­ყა­ნას და რო­გორ გა­და­აქ­ცი­ეს ბორ­დე­ლად აჭა­რა. წა­დით და ნა­ხეთ, რო­გორ იქ­ცე­ვი­ან ბა­თუმ­ში თურ­ქე­ბი. თავ­მოყ­ვა­რე ქვეყ­ნის პრე­ზი­დენ­ტი პირ­ველ ვი­ზიტს თურ­ქეთ­ში არ გა­ნა­ხორ­ცი­ე­ლებ­და. მე, როცა კა­ტე­გო­რი­უ­ლი წი­ნა­აღ­მდე­გი ვი­ყა­ვი მარ­გვე­ლაშ­ვი­ლის, ჟურ­ნა­ლის­ტე­ბი ამ კან­დი­და­ტუ­რას­თან და­კავ­ში­რე­ბით, დიდ დის­კომ­ფორ­ტს არ გა­ნიც­დიდ­ნენ. მა­შინ ჩემი მთა­ვა­რი არ­გუ­მენ­ტი იყო ის, რომ მი­უ­ხე­და­ვად კარ­გი გა­ნათ­ლე­ბი­სა და კარ­გი ადა­მი­ა­ნუ­რი ფაქ­ტო­რე­ბი­სა, ის არის პი­როვ­ნუ­ლად სუს­ტი. წარ­მო­იდ­გი­ნეთ, რო­დე­საც თა­ნამ­დე­ბო­ბაც კონ­სტი­ტუ­ცი­უ­რად სუს­ტია და პი­როვ­ნე­ბაც სუს­ტი, ეს იწ­ვევს დის­ბა­ლანსს. ასე­თი საპ­რე­ზი­დენ­ტო მო­დე­ლის პი­რო­ბებ­ში ჩვენ პი­როვ­ნუ­ლად სუს­ტი პრე­ზი­დენ­ტი არ უნდა აგ­ვერ­ჩია, პირ­ველ საპ­რე­ზი­დენ­ტო ვა­და­ში მა­ინც. ამან გა­მო­იწ­ვია გავ­ლე­ნის კა­ტას­ტრო­ფუ­ლი ვარ­დნა, ადა­მი­ა­ნე­ბი პა­რა­ლელს ავ­ლე­ბენ სა­ა­კაშ­ვილ­თან, მო­სახ­ლე­ო­ბა ვერ ეგუ­ე­ბა პი­როვ­ნუ­ლად სუსტ პრე­ზი­დენტს. მი­უ­ხე­და­ვად იმი­სა, რომ პრე­მი­ე­რი ჯენტლმე­ნუ­რად იქ­ცე­ვა და მას აქვს სურ­ვი­ლი დრო­დად­რო გა­მოჩ­ნდეს პრე­ზი­დენ­ტი. საქ­მე ის არის, რომ პრე­ზი­დენ­ტის გა­მო­ჩე­ნას თა­ვი­სი პეწი უნდა ჰქონ­დეს. მე აქ ვხე­დავ პრო­ტო­კო­ლის სამ­სა­ხუ­რის მი­ნუსს, ვი­ზი­ტი არ იყო მომ­ზა­დე­ბუ­ლი, სა­ერ­თო­დაც, ჩვენ არ გვაქვს ტრა­დი­ცია ვი­ზი­ტე­ბის მა­ღალ დო­ნე­ზე მომ­ზა­დე­ბის. შე­გახ­სე­ნებთ, ბი­ძი­ნა ივა­ნიშ­ვი­ლის პირ­ველ ვი­ზიტს ევ­რო­პა­ში, როცა მას სა­ქარ­თვე­ლოს ელ­ჩიც კი არ დახ­ვდა, ეს იმი­ტომ, რომ ვი­ზი­ტი არ იყო სა­თა­ნა­დოდ მომ­ზა­დე­ბუ­ლი. როცა სა­ქარ­თვე­ლოს სა­გა­რეო მი­ნის­ტრი სა­ჯა­როდ აცხა­დებს, რომ აუ­ცი­ლე­ბე­ლი არ არის დიპ­ლო­მა­ტი­უ­რი გა­ნათ­ლე­ბა ელ­ჩის­თვის, ჩვენ ხომ ვი­ცით რა­ტო­მაც ამ­ბობს ამას, იმი­ტომ, რომ თვი­თონ მას არ აქვს დიპ­ლო­მა­ტი­უ­რი გა­ნათ­ლე­ბა. ამის შემ­დეგ, დიპ­ლო­მა­ტი­ის რა მა­ღალ კლას­ზეა სა­უ­ბა­რი?.. სა­გა­რეო საქ­მე­თა მი­ნის­ტრი პრო­ვინ­ცი­უ­ლი სკო­ლის მას­წავ­ლე­ბე­ლი იყო. ასე რომ, მოშ­ლი­ლია დიპ­ლო­მა­ტი­უ­რი სკო­ლა და ტრა­დი­ცია.

მსოფ­ლი­ო­ში ყვე­ლა დიდ მნიშ­ვნე­ლო­ბას აქ­ცევს პრე­ზი­დენ­ტის პირ­ველ ვი­ზიტს და ცდი­ლო­ბენ, ძა­ლი­ან მა­ღა­ლი რან­გის ვი­ზი­ტი გა­ნა­ხორ­ცი­ე­ლონ პრო­ფე­სი­ო­ნა­ლურ დო­ნე­ზე. ვილ­ნი­უს­ში მარ­გვე­ლაშ­ვი­ლი, რო­გორც პრე­ზი­დენ­ტი, ისე არ ჩა­სუ­ლა, არა­მედ ის ჩა­ვი­და ხე­ლის მო­სა­წე­რად ევ­რო­პას­თან ასო­ცი­რე­ბის პა­რა­ფი­რე­ბის დო­კუ­მენტზე, შე­სა­ბა­მი­სად, აქ­ცენ­ტი უნდა გა­კე­თე­ბუ­ლი­ყო ევ­რო­პა­ზე, საფ­რან­გეთ­ზე, ან გერ­მა­ნი­ა­ზე, მით უმე­ტეს, მთე­ლი სიმ­ძი­მე ჩვე­ნი დიპ­ლო­მა­ტი­უ­რი აქ­ტი­ვო­ბის გა­და­ტა­ნი­ლი უნდა იყოს საფ­რან­გეთ­სა და გერ­მა­ნი­ა­ზე, რად­გან სექ­ტემ­ბრის სა­მიტ­ზე გა­დამ­წყვე­ტი იქ­ნე­ბა ბერ­ლი­ნი­სა და პა­რი­ზის პო­ზი­ცია. დიდი ალ­ბა­თო­ბით ჩვენ უკვე ვი­ცით, რო­გო­რი იქ­ნე­ბა ეს პო­ზი­ცია. ჩვენ ახლა უნდა ვე­ცა­დოთ, პო­ზი­ცი­ე­ბი შე­ვაც­ვლე­ვი­ნოთ ჩვენს სა­სარ­გებ­ლოდ, მაგ­რამ გე­კი­თხე­ბით, ვინ არის ამის გამ­კე­თე­ბე­ლი, გე­კი­თხე­ბით... არა­სამ­თავ­რო­ბო სექ­ტო­რი­დან პა­რიზ­ში ელ­ჩად წა­სუ­ლი?.."

მოკ­ლედ, რაც მოხ­და პრე­ზი­დენ­ტის ამ ვი­ზი­ტი­სას, ამის გამო ბო­დი­ში უნდა მო­ი­ხა­დოს თურ­ქე­თის მხა­რემ და პრე­ზი­დენ­ტმა მარ­გვე­ლაშ­ვილ­მა არ უნდა ითავ­მდაბ­ლოს, რომ ქვეყ­ნის პრეს­ტი­ჟი შე­ი­ლა­ხოს. თავ­მდაბ­ლო­ბა ამ­შვე­ნებს გა­ზო­ნებს და არა პრე­ზი­დენ­ტებს.

ნინო სამ­ხა­რა­ძე

გა­ზე­თი "ალია"