იშხნის რესტავრაცია წელს დასრულდება, ოშკის კი დაიწყება

იშხნის რესტავრაცია წელს დასრულდება, ოშკის კი დაიწყება, - ამის შესახებ საქართველოსა და თურქეთის პრეზიდენტების შეხვედრის შემდეგ ჟურნალისტებს საქართველოს ეროვნული უშიშროების საბჭოს მდივანმა ირინა იმერლიშვილმა განუცხადა.

მისივე განმარტებით, მიმდინარე წელს ოშკის რესტავრაციის დაწყებასთან დაკავშირებით დაპირება ქართულმა მხარემ სწორედ პრეზიდენტ აბდულა გიულისგან მიიღო.

"იშხანში რესტავრაცია უკვე მიმდინარეობს სახელმწიფოების მოლაპარაკებების შედეგად და 2014 წელს ის დასრულდება. პრეზიდენტი გიული დაგვპირდა, რომ ამ წელსვე დაიწყება ოშკის რეაბილიტაციაც. ეს არის ერთ-ერთი ის საკითხი, რაზეც აქტიური მოლაპარაკებები მიმდინარეობს", - აღნიშნა იმერლიშვილმა.

"ინტერპრესნიუსი"