მნიშვნელოვანი ინფორმაცია
10
ივნისიდღის ზოგადი ასტროლოგიური პროგნოზი
სამშაბათი, მთვარის მეთხუთმეტე დღე დაიწყება 22:19-ზე, მთვარე მშვილდოსანშია – ენერგიული დღეა. ჯობია ემოციების მოთვინიერება, ვნებების აღკვეთა და თვითდისციპლინის გაძლიერება დაიწყება. მოიქეცით მშვიდად. მნიშვნელოვანი არაფერი გააკეთო. დაიწყეთ მარტივი ამოცანები, რომლებიც არ საჭიროებს ზედმეტ ძალისხმევას. ყურადღება მიაქციეთ საინტერესო იდეებს, შესაძლოა სამომავლოდ გამოგადგეთ. არ არის რეკომენდებული გამოიჩინოთ ამბიცია. გადაიტანოთ პასუხისმგებლობა სხვა ადამიანებზე. ჩაერთოთ ფინანსურ ოპერაციებში. მნიშვნელოვანი მოლაპარაკებების წარმოება. დღეს მოხმარებული პროდუქტები უნდა იყოს მაღალი ხარისხის და ახალი. უმჯობესია უარი თქვათ ძლიერ ჩაის, ყავასა და ალკოჰოლურ სასმელებზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
პოლტერგეისტი გოგოლის ქუჩაზე - "ყველა მამაკაცი, ვინც ამ ეზოში გადმოვიდა საცხოვრებლად, ერთ წელიწადში დაიღუპა"
00:27 / 21-01-2014
თბილისის ცენტრში მდებარე ეს პატარა ქუჩა, თავისი იტალიური ეზოებით, პროსტიტუციის გამო გახდა აქტუალური. ღამით მაღაზიებს, სილამაზის სალონებს, სახლებსა და საპირფარეშოებსაც კი, რომლებსაც მეპატრონეებისგან ძალიან იაფად ქირაობენ, მეძავები ბორდელებად იყენებენ. ჩვენი რესპონდენტის, ლია ჭყონიას თქმით, გოგოლის ქუჩის მოსახლეობას წყნარი ცხოვრება წარსულშიც არ ჰქონია: ამბობენ, რომ სახლის კედლებში, რომელიც ამ ქუჩაზე მალაკნებმა ააშენეს, ადამიანის ძვლებია ჩამარხული. სახლის ქვემოთ კი გადის გვირაბები, რომლებიც ორთაჭალის ციხეებს უერთდება. ჩვენს რესპონდენტს ხილვებიც აქვს, მაგრამ ამ ნიჭის გამოყენებაზე რწმენის გამო უარი თქვა:
- წინასწარმეტყველური ხილვები არაერთხელ მქონია, მაგრამ ამაზე არასდროს ვამახვილებდი ყურადღებას, ჩემი რწმენის გამო. ერთხელ ასეთი ხილვა მქონდა: თითქოს სახლს კედლები არ ჰქონდა, მხოლოდ საწოლი იდგა, გამომეცხადა ანგელოზი, მითხრა, ნათელმხილველურ ნიჭს რატომ არ იყენებ, შენ ეს უნდა გააკეთო და ხალხის სამსახურში ჩადგეო, მაგრამ ვუპასუხე, მე მორწმუნე ადამიანი ვარ და არ ვაპირებ ნათელმხილველობის დაწყებას-მეთქი.
- ეს ხილვები გოგოლის ქუჩაზე მდებარე სახლში დაგეწყოთ თუ მანამდეც გქონდათ?
- ერთ-ერთი პირველი ხილვა გოგოლის ქუჩაზე მქონდა. სანამ რაჭის მიწისძვრა მოხდებოდა, ისეთმა შეგრძნებამ გამაღვიძა, თითქოს ორი ბიჭი მახრჩობდა, როცა თვალი გავახილე, გავიგონე კედლის გაბზარვის ხმა. იმ ბიჭებმა მითხრეს, ოჯახი სასწრაფოდ უნდა გაიყვანო აქედანო. ვთქვი, რომ ძლიერი მიწისძვრა მოხდებოდა. როცა მიწისძვრა მართლა მოხდა, სასწრაფოდ გავიყვანე ოჯახი სახლიდან, მე კი მშვიდად დავდიოდი და ბავშვების ტანსაცმელს ვაწყობდი ჩანთაში, ვიცოდი, რომ არაფერი მომივიდოდა. რამდენიმე წლის წინ კი ღამით გამეღვიძა და დავინახე, თითქოს როგორ გაიხსნა კედელი, საიდანაც თეთრი აჩრდილი გამომეცხადა, მითხრა: მე ვარ ადანაია აგლა, დამითმე შენი შვილი და სამაგიეროდ ყველაფერი გექნებაო. სასტიკი უარი ვუთხარი. ცოტა ხანში დამირეკეს და მითხრეს, რომ ჩემი ვაჟი ძლივს გადაარჩინეს სიკვდილს.
- რა ხდებოდა გოგოლის ქუჩაზე?
- როცა გოგოლზე გადავედით საცხოვრებლად, ვხედავდი ბეწვიან არსებებს, რომლებიც მოულოდნელად ქრებოდნენ. ერთ-ერთმა თითზეც კი მიკბინა და კარგა ხანს მქონდა ჭრილობა. თავიდან ვერაფერს ვამბობდი, როგორ უნდა მეთქვა, რომ ეშმაკებს ვხედავდი? ერთხელ ღამით მეუღლემ გაიღვიძა და მითხრა, ან მე გავგიჟდი, ან დიდი შავი კატა შემოვიდა ოთახშიო. ბევრჯერ შემინიშნავს შავი ლანდი, რომელიც წამიერად ჩნდებოდა და მერე უცებ კატის სახით გარბოდა სახლიდან. ის სახლები მალაკნების აშენებული იყო, რომელსაც აქირავებდნენ, რევოლუციის შემდეგ კი ჩამოართვეს. კაცმა არ იცის, ადრე აქ რა რიტუალები ტარდებოდა. კატას რომ ვერ გააჩერებ სახლში, წარმოგიდგენიათ, იქ რა ცუდი ენერგია ტრიალებს? სამი კატა გაგვექცა სახლიდან, მხოლოდ მეოთხე დარჩა ჩვენთან. ეს კატა ერთსა და იმავე დროს ჯდებოდა ოთახის კუთხეში და საათობით უყურებდა ერთ წერტილს. ეს იმას ნიშნავს, რომ სახლში ნამდვილად არსებობდა პოლტერგეისტი, რომელსაც კატა ხელს უშლიდა მოქმედებაში.
- მხოლოდ თქვენს სახლში ცხოვრობდა მოჩვენება?
- არა, იქ ყველას ეს პრობლემა გვაწუხებდა. ყველა საკუთარი თვალით ხედავდა მოჩვენებებს. სარდაფებში ჩასვლა განსაკუთრებით საშიშია. იგრძნობა უარყოფითი აურა. ერთხელ ბავშვები ეზოში წრეში ბურთს თამაშობდნენ და ბურთი სარდაფში ჩაუვარდათ. დაუჯერებელი რამ მოხდა, ბურთი სარდაფის მეორე მხარეს, ეზოში დააგდო ვიღაცამ. ბავშვებმა სახლს შემოუარეს და სარდაფთან დაინახეს ქალის თეთრი აჩრდილი. იდგა, სივრცეს გაჰყურებდა და თითქოს შრიალებდაო. ჩემი შვილები მას შემდეგ ღამე არ იძინებდნენ, ოთახში სინათლეს თუ ჩავაქრობდი. ჩემს ქალიშვილს ეჩვენებოდა, რომ მუდმივად ვიღაც მოსდევდა. ერთხელ დაესიზმრა, თითქოს კედელში ჩამარხული იყო დამტვრეული ჭურჭლით სავსე სკივრი დავანგრიეთ ეს კედელი და ნამდვილად ვიპოვეთ ჭურჭლით სავსე სკივრი.
- ამის გამო გადახვედით იმ სახლიდან?
- შეუძლებელი იყო იქ ცხოვრება, მეც და დანარჩენი მეზობლებიც სხვაგან გადავედით საცხოვრებლად. რამდენჯერმე გაიყიდა ეს სახლები, მაგრამ ახალი მესაკუთრეები დიდხანს ვერ უძლებდნენ ამ საშინელ მოვლენებს და ყველა გარბოდა.Yყველა მამაკაცი, ვინც ჩვენს შემდეგ იმ ეზოში საცხოვრებლად შევიდა, ერთ წელიწადში გარდაიცვალა.
თამარ ბოჭორიშვილი
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უკონტროლო ვითარება ლოს-ანჯელესის ქუჩებში - პოლიციასა და მომიტინგეებს შორის შეტაკებები გრძელდება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
