მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
თამუნა მუსერიძე ნაცემ ქართველ მომღერლებსა და სტრიპტიზის მოცეკვავეებზე
23:55 / 20-01-2014
ჟურნალისტი თამუნა მუსერიძე ერთდროულად სამ სამსახურში მუშაობს, მაგრამ ცდილობს არც ოჯახს მოაკლოს ყურადღება. თუ რატომ ეხვევა მუდმივად სკანდალებში, ამაზე ჩვენი რესპონდენტის ნაამბობიდან შეიტყობთ:
- ნათქვამია, გაჭირვება მაჩვენე და გაქცევას გაჩვენებო, ზუსტად ასეა ჩემი საქმე. როცა სხვა გზა არ გაქვს, განუწყვეტლივ უნდა იმუშაო. მადლობა ყველა იმ ადამიანს, ვინც მე დამასაქმა, მართალია, ბევრს ვმუშაობ, მაგრამ ნორმალური ანაზღაურებაც მაქვს. ცოტა ხნის წინ საინტერესო, ფინანსურად მომგებიანი წინადადება მივიღე და ვნახოთ, რა იქნება.
- საკმაოდ სკანდალური ადამიანის შთაბეჭდილებას ტოვებ, როგორც ჩანს, გიზიდავს ხმაურიანი ცხოვრება…
- პირიქით ვერიდები ხმაურიან ადგილებს. მე უფრო მშვიდი ურთიერთობების მომხრე ვარ. ალბათ ეს იმის ბრალია, რომ დავიღალე. დედაჩემს ჰგონია, რადგან კლუბში ვმუშაობ, ვერთობი. გართობა ის არის, როცა ცეკვავ და სვამ, მე კი სულ დაძაბული ვარ - ვინმე უკმაყოფილო არ დარჩეს, ხალხმა არ იჩხუბოს, ჟურნალისტებს სათანადოდ გავუმასპინძლდეთ და ა.შ… საბედნიეროდ, ამ ორი წლის განმავლობაში მხოლოდ ოთხჯერ ატყდა ჩხუბი ჩვენს კლუბში.
- როგორც ვიცი, აქედან ერთ-ერთი - შენს დაბადების დღეზე...
- კი, ასე იყო, მომღერლებს სცემეს, თუმცა მათ ვინაობას ვერ დავასახელებ. ისეთი ნაცემები იყვნენ, ერთ-ერთს სახე სულ დასისხლიანებული ჰქონდა.
- სტრიპტიზიორი რატომღა გაილახა?
- სტრიპტიზიორი ჩემს ოპერატორს შემოელახა - თამუნა ჩემი და არის და მასთან სტრიპტიზი რატომ იცეკვეო!..
- სასამართლოშიც გიჩივით...
- ჯერჯერობით სიწყნარეა და ვნახოთ, რა მოხდება. "ფეისბუქზე" დღემდე განიხილავენ ჩემი დაბადების დღის ამბავს. ეს სტრიპტიზიორი ჩემმა მეგობრებმა მოიყვანეს და ფულიც მათ გადაუხადეს. ყველა მე რატომ მერჩის, არ ვიცი.
- ძირითადად სუსტი სქესი გებრძვის?
- კაცებიც არ მაკლებენ. ყოველთვის ვკითხულობ კომენტარებს სხვადასხვა საიტზე, ცნობილ ადამიანებს საზოგადოების 90 პროცენტი აგინებს. რას გვერჩიან, არ ვიცი.
- ბავშვის აღზრდაში გეხმარება ვინმე?
- მიუხედავად იმისა, რომ ბევრს ვმუშაობ, სანდრო უჩემობას ვერ გრძნობს. როცა დაკავებული ვარ, ან ბაღშია, ან სძინავს. სამწუხაროდ, ვერ ვახერხებ, ვეთამაშო და სადმე ვატარო. გუროს დედა (თამუნას ყოფილი ქმარი) ცდილობს შემიმსუბუქოს მდგომარეობა და სანდრო თავისთან მიჰყავს ხოლმე, ახლაც ერთად არიან ცირკში. სანდროს ძალიან უყვარს მამამისის ოჯახი, გიჟდება ბებიაზე, წინა შაბათ-კვირას ნინომ მისი წაყვანა ვერ მოახერხა, ეს კი სანდრომ ძალიან განიცადა, გაიძახოდა, ბებია ძალიან მენატრება, რატომ არ მოვიდა ჩემს სანახავადო?
- დიდი ხმაური მოჰყვა შენს ახალ სასიყვარულო ურთიერთობას ლევან დოგრაშვილთან, მომღერალი ანჩო დოლიძე ამბობს, რომ შეყვარებული შენ წაართვი...
- ვფიქრობ, რომ ეს ხელოვნურად აგორებული სკანდალია. ჟურნალისტებმა ვიღაცის ნათქვამი არასწორად ჩაიჭირეს, მათ რომ ვიღაცის ბჟუტურისთვის ყურადღება არ მიექციათ, ჩემი და ლევანიკოს ურთიერთობა სკანდალური არ გახდებოდა. თუ ვინმეს რამე აინტერესებს, მოვიდეს და მე მკითხოს. 14 წელია ამ სფეროში ვარ და ვიცი, რომ კომენტარის ცალმხრივად ჩაწერა არასწორია. თუ არ იცი, როგორ კეთდება სიუჟეტი, შეგიძლია ვინმეს ჰკითხო…
- ასაკობრივი სხვაობა ხელს არ გიშლით ურთიერთობაში?
- ლევანიკო ჩემზე რამდენიმე წლით პატარაა, მაგრამ განათლებული და ჭკვიანი ბიჭია და ვერ ვგრძნობ მის ასაკს. ცოტა მძიმე ხასიათი აქვს, მაგრამ ამას მისი კარგი თვისებები ფარავს.
- დაოჯახებას აპირებთ?
- ჯერჯერობით ოჯახის შესაქმნელად მზად არ ვართ, დრო გვიჩვენებს ყველაფერს.
იხილეთ ასევე: თამუნა მუსერიძეს დაბადების დღეზე სტრიპტიზი უცეკვეს
თამარ ბოჭორიშვილი
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
