მადონამ Instagram-ში სიტყვა "ნიგერის" გამოყენებისთვის ბოდიში მოიხადა

მადონამ საკუთარ Instagram-ში სიტყვა "ნიგერის" გამოყენებისთვის ბოდიში მოიხადა. მომღერალმა სპეციალური განცხადება გააკეთა.

"ბოდიშს ვიხდი, თუ ჩემს ინსტაგრამში სიტყვა "ნ")) გამოყენებისთვის ვინმეს ვაწყენინე”,- განაცხადა მადონამ და აღნიშნა, რომ რასისტი არ არის. მან დასძინა, რომ საკუთარ პოსტში შეურაცხმყოფელი აზრი არ ჩაუდია, იგი მის 13 წლის ვაჟ როკოს ეხებოდა, რომელსაც თეთრი ფერის კანი აქვს. ფოტოს კომენტარი ახლავს - "დედა გპირდება, ნოკაუტში ჩაგაგდოს, ნიგერ" ("mama said knock you out, nigger"), მასზე მომღერლის ვაჟია აღბეჭდილი, რომელიც კრივითაა დაკავებული.

17 იანვარს განთავსებულმა პოსტმა ადამიანები აღაშფოთა, მათ ნეგატიური შინაარსის კომენტარები დატოვეს, რის შემდეგაც მადონამ პოსტის წაშლა გადაწყვიტა.

როგორც ჩანს, მადონა საკუთარ პოსტში რეპერ LL Cool J-ის სიმღერა Mama Said Knock You Out-ს ციტირებდა, რომელშიც ლეგენდარული მოკრივე მოჰამედ ალია მოხსენიებული. რამდენიმე დღით ადრე მომღერალმა ”ინსტაგრამში” ალის ფოტო გამოაქვეყნა, რომელსაც მიაწერა - " Mama said".

მომზადებულია Associated Press-ის მიხედვით.