24
ივლისიდღის ზოგადი ასტროლოგიური პროგნოზი
მარჯანიშვილზე, "თიბისი ბანკის" სათავო ოფისთან ბიზნესმენმა ზაზა ზაქარეიშვილმა პროტესტის ნიშნად პირი ამოიკერა.
ადგილზე შეკრებილები არიან როგორც ბიზნესმენის ახლობლები, ასევე საპატრულო პოლიციის წარმომადგენლები; ადგილზე იმყოფება ბანკის წარმომადგენელი, რომელიც ზაქარეიშვილს სთხოვს, რომ გაყვეს და პრობლემა მოლაპარაკებების გზით გადაწყვიტონ.
ბიზნესმენ ზაზა ზაქარეიშვილს ბანკიდან გამოტანილი ჰქონდა სესხი 430 000 დოლარი, 10 წლიანი ვადით, თუმცა, როგორც მისი ადვოკატი განმარტავს, მას სესხის გადახდის ვადა შეუმცირეს და აიძულებენ, რომ ეს სესხი 5 წელიწადში დაფაროს.
ადვოკატ ირაკლი ზაქარეიშვილის განმარტებით, აღებული სესხიდან ბიზნესმენს გადასახდელი დარჩა მხოლოდ 260 000 დოლარი. გარდა ამისა, ზაზა ზაქარეიშვილი ასევე ითხოვს, რომ დაახლოებით მილიონნახევრის ქონება, რომელიც მას ჩადებული აქვს ბანკში, გამოუთავისუფლდეს.
ადვოკატის შეფასებით, ბანკი არ არის დაინტერსებული, რომ სესხი დაფაროს. მისი თქმით, ბანკი დაინტერსებულია ქონების ჩამორთმევაში.
ბიზნესმენის ადვოკატმა გაავრცელა ზაზა ზაქარეიშვილის განცხადება, სადაც მისი მოთხოვნები ხუთ პუნქტად არის ჩამოყალიბებული. განცხადებაში ბიზნესმენი მოითხოვს შეპირებული პირობების შესრულებას და შეპირებული ფართების გამოთავისუფლებას, კერძოდ კი, როგორც განცხადებაშია აღნიშნული, მას ამ სესხისთვის ჩადებული აქვს სასტუმრო ქუთაისში, საოფისე ფართი თბილისში, სასტუმრო დაბა ურეკში და სხვა უძრავი ქონება. შეპირებულები იყვნენ, რომ გამოთავისუფლდებოდა უძრავი ქონება სასტუმრო დაბა ურეკში და ორი ფართი ბათუმში, პუშკინის ქუჩაზე.
"ჩემი 430 დოლარიანი სესხი, რომელიც 10 წლიანი იყო და მიუხედავად ჩემი თხოვნისა დაეტოვებინათ ისევ 10 წლიანად, შემიმცირეს 5 წლამდე. მოვითხოვ ისევ 10 წლიანზე გადატანას, დღემდე არ მაქვს გარკვეული არც მე და არც ბანკის თანამშრომლებს რამდენია ყოველთვიური გადასახადი", - აცხადებს ბიზნესმენი.
