7
ივნისიდღის ზოგადი ასტროლოგიური პროგნოზი
სოფელ ვაშლოვანთან აღმოჩენილი ე.წ. ვირების სასაკლაო ერთი ჩვეულებრივი ნაგავსაყრელია, რომელიც ათწლეულების განმავლობაში არსებობს და აქამდე არცერთი მთავრობის შეშფოთების მიზეზი არ გამხდარა. 16 იანვარს "რუსთავი 2"-ის მიერ მომზადებულ სიუჟეტში უცნობი ადამიანები ამტკიცებდნენ, რომ კუმისის ხევში (ასეთი ბუნებაში არ არსებობს) დაუნდობლად ხოცავენ პირუტყვს და ხორცს საშაურმეებსა და რესტორნებს აბარებენ.
ნაგავსაყრელად ქცეული ხევის ორ მოსაზღვრე სოფელში - ერტისსა და ვაშლოვანში, ჯერ კიდევ კომუნისტების დროიდან ვაჭრობენ ხორცით. ადგილობრივების განცხადებით, ე.წ. ვირების სასაკლაოს აღმოჩენა ორ ოჯახს შორის ბიზნეს სფეროების გადანაწილებას უკავშირდება.
"არანაირი სასაკლაო არ არსებობს და არც არავის მოსვლია აზრად ვირის და ცხენის ხორცის საშაურმეებში ჩაბარება. საქმე იმაშია, რომ ჩვენს სოფელში ცხოვრობს ინდმეწარმე არჩილ დალაქიშვილი, რომელიც წლებია ზოოპარკის მიერ გამოცხადებულ ტენდერებში იმარჯვებს და ვირისა და საქონლის ხორცით ამარაგებს. ცოტა ხნის წინ არჩილს რაღაც გაუგებრობა მოუხდა თავის პარტნიორთან და მარტომ გააგრძელა საქმიანობა. ტენდერებს ჩამოცილებული ოჯახი იბრძვის და ყველა ხერხით ცდილობს ამ კაცის ჩაძირვას.
იმ დღეს არჩილს კაცი მიუგზავნეს და სთხოვეს, ხორცის ნარჩენები ხევზე დაყარე, ძაღლებისთვის გვინდაო. აატანინეს, დააყრევინეს და მაშინვე "რუსთავი 2" გამოიძახეს. რაც შეეხება მონადირეებს, რომლებიც ვითომ ხშირად დადიან აქეთ სანადიროდ და ხედავენ როგორ იკვლება ხევზე პირუტყვი, აქეთ სანადირო ადგილები საერთოდ არ არის და მით უმეტეს წელიწადის ამ დროს. ეს ყველაფერი წინასწარ იყო დადგმული", - ამბობს სოფელ ერტისის მაცხოვრებელი თამაზ. ს.
აღმოჩნდა, რომ ინდმეწარმე არჩილ დალაქიშვილს ზოოპარკის უკანასკნელი ტენდერი 10 იანვარს მართლაც აქვს მოგებული, რაც თხის, ქათმის, ცხენის და ვირის ხორცის მიწოდებას ითვალისწინებს. "გურია ნიუსის" ინფორმაციით, არჩილ დალაქიშვილის ოჯახს, მოპარული პირუტყვის აღმოჩნის გამო, მეორე დღეა პოლიციაში დაკითხვებზე დაატარებენ. პოლიცია არჩილ დალაქიშვილისგან დანაშაულის აღიარებას ითხოვს.
იხილეთ ვრცლად
