შეცვლის თუ არა ლელა მებურიშვილის ფეხმძიმობა "ჩემი ცოლის დაქალების" ახალი სეზონის სცენარს

"ჩემი ცოლის დაქალები" მაყურებელმა უკვე დიდი ხანია შეიყვარა. სერიალში ასახულ ცხოვრებისეულ ამბებში ზოგი თავის თავს ხედავს, ზოგი მეზობელს და ან მეგობარს. სწორედ ეს გახლავთ ერთ-ერთი მიზეზი, რომ სერიალის ყველა გმირს განსაკუთრებით გულშემატკივრობენ ჩვეულებრივ ცხოვრებაშიც. განიცდიან მათ ოირად ცხოვრებაში მომხდარ სიახლეებს, აინტერესებთ როგორია თინას, კატოს, დათოს ყოველდღიური ცხოვრება.

მსახიობ ლელა მებურიშვილის მიმართ ინტერესიო მას შემდეგ გაიზარდა, რაც სერიალში კატოს როლის შემსრულებელი ნინო გაჩეჩილაძე შეცვალა. მაყურებლის ნაწილს ისევ ძველი კატო ენატრება, თუმცა მეორე ნაწილს ახალი კატო უფრო მოსწონს. თავად მსახიობები ხშირად აღნიშნავენ და მაყურებლისთვისაც აშკარაა, რომ ნინოსა და ლელას კატო ერთმანეთისგან რადიკალურად განსხვავებული პერსონაჟები არიან. ნებისმიერ შემთხვევაში ფაქტია, რომ ლელა მებურიშვილი სერიალის შემდეგ უფრო პოპულარული გახდა.

სერიალში გამოჩენამდე ლელა ყვითელი პრესის საყვარელი სტუმარი გახლდათ, თუმცა მისი ცხოვრება სკანდალებით არასოდეს გამოირჩეოდა. "ჩემი ცოლის დაქალებში" თამაშის შემდეგ კი პრესასთან ურთიერთობას განსაკუთრებულად ერიდებოდა. მიზეზი ამჯერად სერიალი კი არა, პირადი ცხოვრება აღმოჩნდა. მსახიობი დიდი ხნის განმავლობაში საგულდაგულოდ მალავდა, რომ ის და ბაჩო საგანელიძე შეყვარებულები იყვნენ. თუმცა ჯერ კიდევ რამდენიმე თვის წინ პირველი "რეიტინგი" გახლდათ, რომელმნაც ამ სასიყვარულო ამბის შესახებ გაცნობათ.

მაშინ ჩვენ ლელას დავუკავშირდით და კითხვაზე, რა ურთიერთობა აკავშირებდა პარლამენტარ დავით საგანელიძის ძმისშვილთან, სიცილით გვიპასუხა, მას მხოლოდ ვიცნობო. ამ ინფორმაციის გავრცელებიდან მოკლე ხანში სოციალურ ქსელებში გამოჩნდა ლელასა და ბაჩოს ერთობლივი ფოტო, რომელსაც სულ არ ეტყობოდა, რომ წყვილი მხოლოდ და მხოლოდ უბრალო ნაცნობები იყვნენ. მალევე შევიტყვეთ, რომ ბაჩომ და ლელამ დაქორწინება გადაწყვიტეს. ორი თვის წინ ხელი მოაწერეს, ჯვარი დაიწერეს და თაფლობის თვის გასატარებლად პარიზს მიაშურეს.

ლელას მეუღლე ბაჩო საგანელიძე ახალგაზრდა მენეჯერია, რომელიც დაზღვევის სფეროში საქმიანობს. მართალია, ხელოვნებისგან შორს დგას, მაგრამ თბილისურ ბომონდურ საზოგადოებაში ყველა იცნობს და როგორც გავიგეთ, ჯერ კიდევ ლელას გაცნობამდე პოპულარული სასიძო გახლდათ.

ლელა მებურიშვილს ქორწინების შემდეგაც კი პრესაში ამ თემაზე არაფერი უთქვამს და არც სიყვარულის ისტორია მოუყოლია. გათხოვების მიუხედავად ლელას კარიერაზე უარი არ უთქვამს და პირიქით, მას შემდეგ გამოჩნდა ფილმში, რომელიც სერიალის შემოქმედებითმა ჯგუფმა გადაიღო.

იხილეთ სტატიის სრული ვერსია