მნიშვნელოვანი ინფორმაცია
6
ივნისიდღის ზოგადი ასტროლოგიური პროგნოზი
პარასკევი, მთვარის მეთერთმეტე დღე დაიწყება 17:02-ზე, მთვარე სასწორშია – ერთ-ერთი ყველაზე ენერგიული, წარმატებული და ძლიერი დღეა. ნებისმიერი დავალების შესრულებისას საჭიროა სიფრთხილე და ყურადღება. იმოქმედეთ გადამწყვეტად, ბიზნესში თუ სამსახურში. განხორციელდეთ ის, რაც ჩაფიქრებული გქონდათ. გააფორმეთ კონტრაქტები, დაიკავეთ ახალი პოზიცია. დაასრულეთ რაც დაიწყეთ. დღის საუკეთესო საკვებად ითვლება წვენები და ხილი. გამოიჩინეთ მზრუნველობა და სიყვარული საყვარელი ადამიანის მიმართ, მიართვათ საჩუქარი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"როცა რაიმე ძალიან გინდა, აუცილებლად გამოგივა" - რა გეგმები აქვს ქეთი ხატიაშვილს
23:40 / 17-01-2014
ცეკვავენ ვარსკვლავების მესამე სეზონი საქართველოში გამორჩეული იყო - "ვარსკვლავი" კონკურსანტების გარდა, პროექტში მეცამეტე მონაწილეს, ანუ ხალხის რჩეულსაც შეეძლო მონაწილეობის მიღება. ამ სიახლემ უდავოდ გაამართლა და დიდი კონკურენციის მიუხედავად, პროექტის მეცამეტე კონკურსანტმა, ხალხის რჩეულმა ქეთი ხატიაშვილმა სწორედ რომ ღირსეული გამარჯვება მოიპოვა. ქეთის მართლაც განსაკუთრებული ახალი წელი ჰქონდა, გამარჯვებულის სტატუსთან ერთად მან პრიზად ბინა მიიღო. პროექტის შთაბეჭდილებებსა და სირთულეებზე ქეთი თავად გვესაუბრება:
- როდესაც გამოცხადდა კონკურსი მეცამეტე მონაწილეზე და ცნობილი გახდა, რომ ყველას შეეძლო ვიდეოს გაგზავნა, მთელი სამი დღე კომპიუტერთან ვიჯექი, ვუყურებდი ამ განცხადებას და ვერ ვიჯერებდი, მერე კი ვიფიქრე, რატომაც არა, იქნებ ვცადო და ეს შანსი გამოვიყენო-მეთქი. ეს პროექტი ძალიან მიყვარდა მანამდეც კი, ვიდრე საქართველოში დაიწყებოდა, მის უცხოურ ანალოგებს ყოველთვის ვუყურებდი. ზაფხული იყო, სამსახურიდანაც შვებულება მქონდა, დავუკავშირდი ჩემს მეგობრებს და ეს ვიდეო სახელდახელოდ გადავიღეთ, არც გვიფიქრია, რომ აქედან რამე გამოგვივიდოდა უბრალოდ, ვცადეთ და გაამართლა კიდეც, მაგრამ ის თვე-ნახევარი, სანამ ვიდეოებიდან ხუთეულს ამოარჩევდნენ, ცოტა დაძაბული ვიყავი. წამდაუწუმ შევდიოდი საიტზე და ვეცნობოდი სიახლეებს.
- პროექტში ყოფნის პერიოდს როგორ გაიხსენებ, არ გიჭირდა ყოველკვირა ახალი ცეკვის მომზადება?
- ჩანაწერებს რომ ვუყურებ, მე თვითონაც მიკვირს, როგორ ვახერხებდი დაღლილი და ტრავმირებული ახალი ცეკვის დადგმას, თან არ მქონდა ბაზა, ყველაფერს თავიდან ვსწავლობდი. ამან კიდევ ერთხელ დამარწმუნა, რომ ადამიანის შესაძლებლობებს საზღვარი არა აქვს - როცა რაიმე ძალიან გინდა, აუცილებლად გამოგივა. მაქსიმალურად ვიხარჯებოდი და ეს შედეგზეც აისახა.
- წლევანდელი ახალი წელი ალბათ განსაკუთრებული იყო შენთვის.
- მართლაც, იმ წამებში მეგონა, რომ ამქვეყნად ჩემზე ბედნიერი არავინ იყო. თანაც 31 დეკემბერს ძალიან ბევრი ვინერვიულე, რადგან უკვე ფინალში ვიყავი და დიდ პასუხისმგებლობას ვგრძნობდი, მინდოდა ეს ბოლო ცეკვა ყველაზე კარგი გამოსულიყო. ახალი წელი ავტომანქანაში აღვნიშნეთ, სახლამდე მოსვლა ვერც მოვასწარით. თუმცა ქუჩაშიც ულამაზესი სანახაობა იყო.
- მოგებული პრიზი გადმოგცეს?
- ამ დღეებში მივდივარ ბინის სანახავად. ყველაფერი რამდენიმე დღეში გაირკვევა.
- ამ ეტაპზე რა გეგმები გაქვს, ტელეწამყვანობას ხომ არ აპირებ, როგორც ვიცი, "იმედისგან" გაქვს შემოთავაზება.
- ამაზე წინასწარ ლაპარაკი არ მსურს, იყო რაღაც შემოთავაზებები და იმედი მაქვს, ჩემს სასარგებლოდ გადაწყდება.
- მეუღლე შენი ყველაზე დიდი გულშემატკივარი იყო, არადა, ხშირად ქართველ მამაკაცებს არ სიამოვნებთ, როცა მათი ცოლი ყურადღების ცენტრშია.
- ეს ალბათ ნდობაზეა დამოკიდებული. მეუღლის ქება ჩემგან ალბათ უხერხულია, მაგრამ ლევანი მართლაც არაჩვეულებრივი ადამიანია და ყველანაირად გვერდში დამიდგა. მისი თანხმობის გარეშე პროექტში მონაწილეობას არ მივიღებდი.
- არ აპროტესტებდა, მუდმივად რეპეტიციებზე რომ იყავი?
- როცა პროექტში მონაწილეობა გადავწყვიტე და სერიოზულად მოვკიდე ხელი, ორივემ ვიცოდით, რომ ეს ასეც იქნებოდა. ჩვენ ამისთვის მზად ვიყავით.
- ახლა თუ ცეკვავ?
- რაც პროექტი დასრულდა, არ მიცეკვია.
ქეთი საგინაშვილი
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
