5 000-ზე მეტი დასახელების წამალი ურეცეპტოდ გაიყიდება
რეცეპტების ეტაპობრივი დანერგვის სისტემას, საქართველოს შრომის, ჯანმრთელობისა და სოციალური დაცვის მინისტრი დავით სერგეენკო სამედიცინო სფეროს წარმომადგენლებს აცნობს.
როგორც დავით სერგეენკომ შეხვედრის დაწყებამდე ჟურნალისტებს განუცხადა, საქართველოს ჯანდაცვის სისტემა ეტაპობრივად გადადის მედიკამენტების რეცეპტებით გაცემაზე, ანუ აღადგენს იმ ლოგიკას, რაც ყოველთვის იყო ჯანდაცვაში და მეორეს მხრივ უერთდება ევროკავშირის კონვენციებს.
"რაც შეეხება ამ მიმართულებით გადადგმულ ნაბიჯებს, მთავრობამ უკვე წარადგინა ინიციატივა, რომელსაც პარლამენტი განიხილავს. იმედი მაქვს, რომ ეფედრინისა და კოდეინის შემცველი მედიკამენტები, რომელიც გამოიყენებოდა ნარკოტიკული თრობისთვის და საინექციო ნარკოტიკების დასამზადებლად, მეორე ჯგუფიდან აიწევა პირველი ჯგუფის, უმაღლესი კონტროლის ჯგუფში, ანუ ნარკოტიკების კატეგორიაში. მასზე გავრცელდება არა მარტო მკაცრი რეცეპტით გაცემა, არამედ მოხდება ქვეყანაში შემოსატანი რაოდენობის კვოტების განსაზღვრაც. მეორე ჯგუფის ექვსი მედიკამენტი, რომელთა სათავეშია დიკლოფენი, 10 დღეში გადავა პირველ ჯგუფში, ოღონდ ეს იქნება არა უმკაცრესი სიმაღლის კატეგორიაში, არამედ მესამე კატეგორიაში, ნარკოტიკებთან გათანაბრებულში. ეს რეგულირდება მინისტრის ბრძანებით, რომელიც უკვე გაცემულია და შესაბამისად რამდენიმე დღეში შევა ძალაში. შემდეგი ნაბიჯი იქნება უკვე ზოგადი საინესთეზიოლოგო საშუალებები, საინგალაციო და საინექციო წამლები, რომლებიც პაციენტს აძლევს ნარკოზს და მხოლოდ საოპერაციო ბლოკში შეიძლება მათი გამოყენება დღეის მდგომარეობით ნებისმიერ ადამიანს შეუძლია ურეცეპტოდ შეძენა, რაც სასიკვდილო საფრთხეს იწვევს. ანესთეზიკებზე და რელაქსანტებზე განხორციელდება შემდეგი რეგულაცია, რომ მათი გაყიდვა შესაძლებელი იქნება მხოლოდ დაწესებულების მიერ და არა კერძო პირის მიერ", - განაცხადა დავით სერგეენკომ.
რაც შეეხება მესამე ჯგუფის მედიკამენტებს, როგორც დავით სერგეენკო აცხადებს, რჩება ძალიან დიდი ჯგუფი, მესამე ჯგუფი, სადაც 5 000-ზე მეტი დასახელების წამალი შევა, რომელზეც არანაირი რეცეპტი საჭირო არ იქნება და თავისუფლად გაიყიდება.
"არანაირი მარაგის შეძენა შესაბამისად არ არის საჭირო. ქრონიკული დაავადებების მქონე პაციენტებს ექნებათ ხანგრძლივი მოქმედების რეცეპტი, რომელსაც მთელი წლის განმავლობაში გამოიყენებენ. ასევე ჩვენ შექმნილი გვაქვს რეგულაცია, თუ როგორ უნდა მოხდეს ბინაზე მწოლიარე პაციენტების მედიკამენტებით მომარაგება", - განაცხადა დავით სერგეენკომ.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
