8
ივლისიდღის ზოგადი ასტროლოგიური პროგნოზი
"ნაციონალური მოძრაობის" წარმომადგენლებმა საქართველოს პრემიერს სიმბოლურად ხუთი კითხვით მიმართეს. შეკითხვები ძირითადად
ეკონომიკურ ხასიათისაა და მიმიდინარე წლის ბიუჯეტს, ქვეყნის შიდა და საგარეო ვალს ეხება.
"ნაციონალური მოძრაობის" წევრები ირაკლი ღარიბაშვილს ყოფილი პრემიერის დანაპირებსაც ახსენებენ, რომელიც სოფლის მეურნეობაში 1 მილიარდიანი ინვესტიციის განხორციელებას ეხება. პარტიის ერთ-ერთი ლიდერი ზურაბ ჯაფარიძე აცხადებს, რომ ეს დაპირება ამ დრომდე არ შესრულებულა.
"ჩვენ გვქონდა ძალიან ბევრი კითხვა პრემიერ-მინისტრთან და მოვამზადეთ რამდენიმე. ამ კითხვების ნაწილი დავუსვით მას როდესაც იყო პარლამენტში ზოგ კითხვაზე პასუხი ვერ მივიღეთ და გადავწყვიტეთ დავუსვათ ხუთი ჩვენთვის ყველაზე მნიშვენლოვანი შეკითხვა. იმედია, ის პრესკონფერენციაზე შეეცდება, ამ კითხვების ნაწილს მაინც გასცეს პასუხი. კითხვები ძირითადად ეხება მომავალი წლის ქვეყნის ეკონომიკის მდგომარეობას და ვალებს, რომელსაც ქვეყანა იღებს", - აცხადებს ჯაფარიძე.
ამასთან, როგორც პარტიაში განმარტავენ, ღარიბაშვილის დღევანდელ პრესკონფერენციაზე მისვლას, ბუნებრივია, არ აპირებენ და კითხვებს საჯარო ხასიათი აქვს.
