თბი­ლი­სის საკ­რე­ბუ­ლოს "ნა­ცი­ო­ნა­ლუ­რი მოძ­რა­ო­ბის" წევ­რე­ბი აცხა­დე­ბენ, რომ საკ­რე­ბუ­ლოს უმ­რავ­ლე­სო­ბას პო­ლი­ტი­კუ­რი დაკ­ვე­თა აქვს მი­ღე­ბუ­ლი, თბი­ლი­სის ბი­უ­ჯე­ტის პრო­ექ­ტი 3-ჯერ ზე­დი­ზედ ჩა­აგ­დოს და დე­და­ქა­ლაქ­ში ფე­დე­რა­ლუ­რი მმარ­თა­ვე­ლო­ბა შექ­მნას. საკ­რე­ბუ­ლოს უმ­რავ­ლე­სო­ბა­ში კი ამ­ბო­ბენ, რომ "ნა­ცი­ო­ნა­ლუ­რი" მე­რია სა­ბო­ტაჟს აწყობს და დე­ტა­ლუ­რად გა­წე­რილ ბი­უ­ჯეტს ითხოვს.

რო­გორც "რე­ზო­ნანსთან" სა­უბ­რი­სას ფრაქ­ცია "ნა­ცი­ო­ნა­ლუ­რი მოძ­რა­ო­ბის - გა­ნახ­ლე­ბუ­ლი თბი­ლი­სის" თავ­მჯდო­მა­რე თა­მაზ შო­ში­აშ­ვი­ლი ამ­ბობს, მისი ინ­ფორ­მა­ცი­ით, საკ­რე­ბუ­ლოს და­თხოვ­ნი­სა და ფე­დე­რა­ლუ­რი მმარ­თვე­ლო­ბის შე­მო­ღე­ბა­ზე უმ­რავ­ლე­სო­ბა­ში მსჯე­ლო­ბა მიმ­დი­ნა­რე­ობ­და.

"საკ­რე­ბუ­ლოს თავ­მჯდო­მა­რეს, ირაკ­ლი ში­ხი­აშ­ვილს დე­და­ქა­ლა­ქის მე­რი­ა­ში ხე­ლი­სუფ­ლე­ბის უზურ­პა­ცია და ძა­ლა­უფ­ლე­ბის ხელ­ში ჩაგ­დე­ბა სურს... შე­საძ­ლოა, გათ­ვლაა, რომ ში­ხი­აშ­ვილს სე­რი­ო­ზუ­ლი ფუნ­ქცია და­ა­კის­რონ, მაგ­რამ საქ­მე აქამ­დე არ უნდა მი­ვი­დეს. თვით­მმარ­თვე­ლო­ბის არ­ჩევ­ნე­ბამ­დე დარ­ჩე­ნილ რამ­დე­ნი­მე თვე­ში საკ­რე­ბუ­ლოს და­თხოვ­ნა, ეს სა­ხე­ლი­სუფ­ლე­ბო კრი­ზი­სია და ქვეყ­ნის იმიჯს და დე­და­ქა­ლაქს სე­რი­ო­ზულ პრობ­ლე­მას შე­უქ­მნის", - აცხა­დებს შო­ში­აშ­ვი­ლი.

ცნო­ბი­სათ­ვის, თბი­ლი­სის 2014 წლის ბი­უ­ჯე­ტის მო­ცუ­ლო­ბა 785 მი­ლი­ონ ლარს შე­ად­გენს და ამ ბი­უ­ჯე­ტის გან­ხილ­ვა საკ­რე­ბუ­ლო­ში ერთხელ უკვე ჩა­ვარ­და. კა­ნო­ნის მი­ხედ­ვით კი, ბი­უ­ჯე­ტის პრო­ექ­ტის სამ­ჯერ ჩა­ვარ­დნის შემ­თხვე­ვა­ში ფე­დე­რა­ლუ­რი მმარ­თვე­ლო­ბა უნდა შე­იქ­მნას, რაც საკ­რე­ბუ­ლოს და მე­რის და­თხოვ­ნას და მთავ­რო­ბის წარ­მო­მად­გენ­ლის და­ნიშ­ვნას გუ­ლის­ხმობს.

რო­გორც გუ­შინ თბი­ლი­სის საკ­რე­ბუ­ლო­ში გა­მარ­თულ პრეს­კონ­ფე­რენ­ცი­ა­ზე, ფრაქ­ცია "ნა­ცი­ო­ნა­ლუ­რი მოძ­რა­ო­ბა რე­ფორ­მა­ტო­რე­ბის" თავ­მჯდო­მა­რე თე­მურ გრი­გა­ლაშ­ვილ­მა გა­ნა­ცხა­და, საკ­რე­ბუ­ლოს თავ­მჯდო­მა­რე ირაკ­ლი ში­ხი­აშ­ვი­ლი და უმ­რავ­ლე­სო­ბა არ აპი­რებს და­ამ­ტკი­ცოს 2014 წლის ბი­უ­ჯე­ტის პრო­ექ­ტი. გრი­გა­ლაშ­ვი­ლის გან­ცხა­დე­ბით, ბი­უ­ჯე­ტის სამი თვის გან­მავ­ლო­ბა­ში ზე­დი­ზედ სამ­ჯერ ჩა­ვარ­დნის შემ­თხვე­ვა­ში, კა­ნო­ნის თა­ნახ­მად, მოხ­დე­ბა საკ­რე­ბუ­ლოს დაშ­ლა და ფე­დე­რა­ლუ­რი მმარ­თვე­ლო­ბის დამ­ყა­რე­ბა.

პრეს­კონ­ფე­რენ­ცი­ის ორ­გა­ნი­ზა­ტო­რებ­მა აღ­ნიშ­ნეს, რომ ბი­უ­ჯე­ტის პრო­ექ­ტზე კონ­სულ­ტა­ცი­ას უმ­ცი­რე­სო­ბის წევ­რე­ბი საკ­რე­ბუ­ლო­ში ხვა­ლი­დან და­ი­წყე­ბენ, პე­რი­ო­დუ­ლად შეხ­ვდე­ბი­ან მე­რი­ის თა­ნამ­შრომ­ლებს და პრო­ექ­ტის სა­კი­თხებ­ზე მათ­თან ერ­თად იმ­სჯე­ლე­ბენ.

საკ­რე­ბუ­ლოს უმ­ცი­რე­სო­ბის წევ­რე­ბის გან­ცხა­დე­ბას საკ­რე­ბუ­ლოს თავ­მჯდო­მა­რის მო­ად­გი­ლე ჯაბა სა­მუ­შია გა­მო­ეხ­მა­უ­რა. ჯაბა სა­მუ­შია თბი­ლი­სის მე­რი­ას საკ­რე­ბუ­ლო­ში ჩაშ­ლი­ლი ბი­უ­ჯე­ტის პრო­ექ­ტის წარ­მოდ­გე­ნას სთხოვს.

სა­მუ­ში­ამ ჟურ­ნა­ლის­ტებს კი­დევ ერთხელ გა­აც­ნო საკ­რე­ბუ­ლოს მიერ მომ­ზა­დე­ბუ­ლი წე­რი­ლი, რო­მე­ლიც მე­რი­ის მო­ვა­ლე­ო­ბის შემ­სრუ­ლე­ბელს, სევ­დია უგ­რე­ხე­ლი­ძეს გა­და­ეგ­ზავ­ნა.

"მივ­მარ­თეთ ქალ­ბა­ტონ სევ­დი­ას, 2014 წლის ბი­უ­ჯე­ტი­სათ­ვის გა­წე­რი­ლი პრო­ექ­ტე­ბი ჩაშ­ლი­ლი სა­ხით წარ­მო­ად­გი­ნონ საკ­რე­ბუ­ლო­ში. ვიმ­სჯე­ლოთ, სად რა თან­ხა იხარ­ჯე­ბა და რა პრი­ო­რი­ტე­ტე­ბი დევს აღ­ნიშ­ნულ დო­კუ­მენ­ტში. აუ­ცი­ლებ­ლად უნდა ვი­ცო­დეთ, სად მი­დის თი­თო­ე­უ­ლი თეთ­რი. ჩვენ აღარ და­ვუშ­ვებთ, რომ თბი­ლი­სე­ლე­ბის ბი­უ­ჯე­ტი მე­რი­ამ "ნა­ცი­ო­ნა­ლუ­რი მოძ­რა­ო­ბის" პარ­ტი­უ­ლი ინ­ტე­რე­სე­ბის­თვის გა­ხარ­ჯოს", - აღ­ნიშ­ნავს სა­მუ­შია.

ჯაბა სა­მუ­შია: "ბი­უ­ჯე­ტის მი­ღე­ბა ნიშ­ნავს, რომ ჩვენ პა­სუ­ხის­მგებ­ლო­ბას ვი­ღებთ. არ მინ­და გა­უმჭვირ­ვა­ლე ბი­უ­ჯეტ­ზე პა­სუ­ხის­მგებ­ლო­ბის აღე­ბა. მე რომ მქონ­დეს ბერ­კე­ტი, ბი­უ­ჯე­ტის მი­ღე­ბის შემ­დეგ ქა­ლა­ქის მთავ­რო­ბას და გამ­გებ­ლებს ვა­კონ­ტრო­ლებ­დე, მა­შინ ბი­უ­ჯეტს მი­ვი­ღებ­დი, მაგ­რამ სხვა ბერ­კე­ტი არ მაქვს, ამი­ტომ მის დამ­ტკი­ცე­ბას უარს ვე­უბ­ნე­ბი. მე­რი­ის შე­სა­ბა­მის კო­მი­ტე­ტებ­ში შე­სა­ბა­მის­მა სამ­სა­ხუ­რებ­მა წარ­მო­ად­გი­ნონ თი­თო­ე­უ­ლი თეთ­რის მი­მარ­თუ­ლე­ბა და ამის შემ­დეგ ქა­ლა­ქის საკ­რე­ბუ­ლო ადეკ­ვა­ტურ გა­და­წყვე­ტი­ლე­ბას მი­ი­ღებს. დღეს მე ბუნ­დო­ვა­ნი ციფ­რე­ბი და ბი­უ­ჯე­ტი მაქვს, ისევ იმ ძვე­ლი მე­თო­დით. სა­მუ­შაო ვა­რი­ან­ტე­ბი წარ­მო­მიდ­გი­ნონ, რომ ეს მი­ლი­ო­ნე­ბი კონ­კრე­ტუ­ლად რას უნდა მოხ­მარ­დეს. არ მინ­და, უბი­ნა­ოდ დარ­ჩე­ნი­ლი სო­ცი­ა­ლუ­რად და­უც­ვე­ლე­ბი­სათ­ვის 300 ათა­სი იყოს გა­მო­ყო­ფი­ლი და თბი­ლი­სის ან­ძის გა­ნა­თე­ბი­სათ­ვის ნა­ხე­ვა­რი მი­ლი­ო­ნი. ეს არა­ა­დეკ­ვა­ტუ­რია. მო­სახ­ლე­ო­ბა და­ზა­რალ­დე­ბა იმ შემ­თხვე­ვა­ში, თუ თბი­ლი­სის მთავ­რო­ბის წარ­მომ­და­გენ­ლე­ბი იმ გა­უმჭვირ­ვა­ლე ბი­უ­ჯე­ტის პრო­ექ­ტის შე­მო­ტა­ნას გა­აგ­რძე­ლე­ბენ. ბი­უ­ჯე­ტის ჩა­ვარ­დნის შემ­თხვე­ვა­ში არა­ნა­ი­რი პრო­ექ­ტე­ბის შე­ჩე­რე­ბას საფრ­თხე არ ემუქ­რე­ბა...

"გა­სულ წლებ­ში რომ თვით­ნე­ბუ­რად ხარ­ჯავ­დნენ თბი­ლი­სის ბი­უ­ჯეტს, დღეს ამას პრო­კუ­რა­ტუ­რა იძი­ებს და ახლა სი­ტყვა­ზე რა­ტომ უნდა ვენ­დო?! თუკი მე­რია კომ­პრო­მის­ზე არ წა­მო­ვა, ეს სა­ბო­ტა­ჟია. ქა­ლა­ქის მე­რი­ას არ უნდა ბი­უ­ჯე­ტი იყოს მი­ღე­ბუ­ლი და ის ცდი­ლობს ვა-ბანკზე წა­ვი­დეს".

მისი თქმით, გა­სულ წელს იმ პი­რო­ბებ­ში, რა პი­რო­ბე­ბიც არის ქა­ლაქ­ში შექ­მნი­ლი, დე­კემ­ბრის ჩათ­ვლით, თით­ქმის 100 მი­ლი­ო­ნი გა­უ­ხარ­ჯა­ვი თან­ხა იყო დარ­ჩე­ნი­ლი, აქი­დან 50 მი­ლი­ო­ნი წლის მი­წუ­რულს გა­და­ნა­წილ­და, 50 მი­ლი­ო­ნი კი ნაშ­თად დარ­ჩა. 740-მი­ლი­ო­ნი­ან ბი­უ­ჯეტ­ში 100 მი­ლი­ო­ნი გა­უ­ხარ­ჯა­ვი თან­ხა იყო და ამი­ტომ არის შე­კი­თხვე­ბი.

სა­მუ­ში­ას გან­ცხა­დე­ბით, თუკი სა­ბო­ტა­ჟი გაგ­რძელ­და, კა­ნო­ნით არ­სე­ბობს ნორ­მა, რომ ფე­დე­რა­ლუ­რი მმარ­თვე­ლო­ბა შე­მო­ვი­დეს, მაგ­რამ ეს უპირ­ვე­ლე­სად საკ­რე­ბუ­ლოს ლიკ­ვი­და­ცი­ას ნიშ­ნავს და მათ ხელს არ აძ­ლევს, მაგ­რამ იქვე დას­ძენს, რომ ისი­ნი უამ­რავ შავ­ხვრე­ლი­ან ბი­უ­ჯეტ­ზე პა­სუ­ხის­მგებ­ლო­ბას არ აი­ღე­ბენ.

"თუ თბი­ლი­სის მთავ­რო­ბის მხრი­დან ადეკ­ვა­ტუ­რი ნა­ბი­ჯე­ბი არ გა­და­იდ­გმე­ბა, მე­რი­ას ამ ხის­ტი და­მო­კი­დე­ბუ­ლე­ბის გამო ბი­უ­ჯეტს ვერ და­ვუმ­ტკი­ცებთ. კონ­სულ­ტა­ცი­ე­ბის­თვის მზად ვართ. გვი­თხრან, სად რა თან­ხა უნდა და­ი­ხარ­ჯოს. მე­რი­ას მო­ვუ­წო­დეთ, სა­ბო­ტაჟ­ზე ნუ წავ­ლენ. მათი ჩა­ნა­ფიქ­რია, რომ ფე­დე­რა­ლუ­რი მმარ­თვე­ლო­ბა შე­მო­ვი­დეს. ამას მთე­ლი რიგი პრო­ცე­დუ­რე­ბი სჭირ­დე­ბა და ასე ად­ვი­ლად არ ხდე­ბა. პარ­ლა­მენ­ტი იღებს სა­ბო­ლოო გა­და­წყვე­ტი­ლე­ბას, იმის მა­გივ­რად, რომ ნორ­მა­ლუ­რი ბი­უ­ჯე­ტი გა­ა­კე­თონ და სევ­დია უგ­რე­ხე­ლი­ძე ეპის­ტო­ლე­ე­ბით არ გვე­სა­უბ­როს, გვე­სა­უბ­რე­ბი­ან ფე­დე­რა­ლუ­რი მმარ­თვე­ლო­ბის შე­მო­ღე­ბა­ზე. ამა­ზე არა­ვინ არ იფიქ­როს, ჩვენ ნორ­მა­ლუ­რი ბი­უ­ჯე­ტი გვინ­და", - დას­ძენს სა­მუ­შია.

სა­მუ­ში­ას პა­სუ­ხად თა­მაზ შო­ში­აშ­ვი­ლი ამ­ბობს, რომ ბრალ­დე­ბა, თით­ქოს ბი­უ­ჯე­ტი გა­უმჭვირ­ვა­ლეა, და­უ­სა­ბუ­თე­ბე­ლია. ირ­წმუ­ნე­ბა, რომ ბი­უ­ჯე­ტი კო­დექ­სის შე­სა­ბა­მი­სად არის გა­წე­რი­ლი.

"თი­თო­ე­ულ სა­კი­თხზე დე­ტა­ლუ­რი ინ­ფორ­მა­ცი­ის მი­ღე­ბა მათ გან­ხილ­ვე­ბის დროს შე­ეძ­ლოთ, მაგ­რამ დე­ტა­ლუ­რი გან­ხილ­ვე­ბი კო­მი­სი­ებ­ზე არ შემ­დგა­რა და ამის შემ­დეგ საკ­რე­ბუ­ლო­ში გარ­კვე­უ­ლი სპექ­ტაკ­ლი დად­გეს, ვი­თომ 6 სა­ა­თი იხი­ლავ­დნენ ბი­უ­ჯეტს. გა­ნა­ცხა­დეს, რომ მე­რი­ას ბი­უ­ჯე­ტი მათ მიერ და­ყე­ნე­ბუ­ლი 14 სა­კი­თხის გამო უნდა შე­ეც­ვა­ლა. მათ­გან 10 სა­კი­თხი უკვე გათ­ვა­ლის­წი­ნე­ბუ­ლია, დარ­ჩე­ნი­ლი 4 კი ისე­თია, რო­მელ­საც მე­რია ვერ გა­ით­ვა­ლის­წი­ნებ­და, რად­გან ნა­წი­ლი თვით­მმარ­თვლე­ო­ბას არ ეხე­ბო­და, ნა­წი­ლი კი გა­სათ­ვა­ლის­წი­ნე­ბე­ლი არ იყო. უმ­რავ­ლე­სო­ბამ ბი­უ­ჯე­ტი ჩა­აგ­დო, ამის შემ­დეგ ქა­ლა­ქის მე­რი­ას­თან არა­ნა­ი­რი კონ­სულ­ტა­ცია არ მიმ­დი­ნა­რე­ობს და არც მო­მა­ვალ­ში აპი­რე­ბენ. 785-მი­ლი­ო­ნი­ა­ნი ბი­უ­ჯე­ტი უნდა დამ­ტკიც­დეს და ამ დროს ბა­ტო­ნი ში­ხი­აშ­ვი­ლი ორ­კვი­რი­ა­ნი მივ­ლი­ნე­ბით წა­ვი­და ჯერ ჩი­ნეთ­ში, შემ­დეგ აშშ-ში მი­ემ­გზავ­რე­ბა. მხო­ლოდ ის­ტო­რი­კოს ჯაბა სა­მუ­ში­ას კო­მენ­ტა­რე­ბი ის­მის, რო­მე­ლიც ბი­უ­ჯე­ტის მუხ­ლებ­თან და­კავ­ში­რე­ბით აბ­სურ­დებს იძა­ხის. ჩემ­თვის გა­საკ­ვი­რი არ არის, რომ ის­ტო­რი­კო­სი ფი­ნან­სებ­ში ვერ ერ­კვე­ვა, მაგ­რამ ამის გამო იმის თქმა, რომ ბი­უ­ჯე­ტი გა­უმჭვირ­ვა­ლეა, აბ­სურ­დია", - ამ­ბობს შო­ში­აშ­ვი­ლი და დას­ძენს, რომ ბი­უ­ჯე­ტის ჩაგ­დე­ბა ეს პო­ლი­ტი­კუ­რი დაკ­ვე­თაა.

თა­მაზ შო­ში­აშ­ვი­ლი: "რე­ა­ლუ­რად ბი­უ­ჯე­ტის დამ­ტკი­ცე­ბის ვადა 11 მარ­ტამ­დეა და "ქარ­თუ­ლი ოც­ნე­ბის" წევ­რებ­მა ამის გან­ხილ­ვა უნდა და­ი­წყონ. შე­საძ­ლოა, დე­და­ქა­ლაქს პრობ­ლე­მა შე­ექ­მნას, სა­მუ­შია კი გა­მო­დის და შეც­დო­მა­ში შეჰ­ყავს თა­ნა­მო­ქა­ლა­ქე­ე­ბი, რომ არა­ნა­ი­რი პრობ­ლე­მა არ შე­იქ­მნე­ბაო. თუ თვის ბო­ლომ­დე ბი­უ­ჯე­ტი არ დამ­ტკიც­დე­ბა, შე­საძ­ლოა, სო­ცი­ა­ლუ­რი მი­მარ­თუ­ლე­ბით პრობ­ლე­მე­ბი შე­იქ­მნას. მე­რია არ­ჩე­ვა­ნის წი­ნა­შეა, რო­მე­ლი სო­ცი­ა­ლუ­რი პროგ­რა­მა შე­ა­ჩე­როს. კო­მუ­ნა­ლურ ვა­უ­ჩე­რებს, ტრან­სპორ­ტის შე­ღა­ვა­თებს, უფა­სო სა­სა­დი­ლო­ებს ერ­თად ვერ და­ა­ფი­ნან­სებს, ამათ­გან რო­მე­ლი­მე მსხვი­ლი პროგ­რა­მა უნდა ამო­აგ­დოს.

"ვი­ცით, რომ ისი­ნი მსჯე­ლო­ბენ ფე­დე­რა­ლუ­რი მმარ­თვე­ლო­ბის შე­მო­ღე­ბის ფორ­მა­ზე და ზუს­ტად ვერ გე­ტყვით, რას წყვეტს ეს დარ­ჩე­ნი­ლი ორი თვე. ად­გი­ლობ­რივ არ­ჩევ­ნე­ბამ­დე საკ­რე­ბუ­ლოს და­თხოვ­ნა სა­ხე­ლი­სუფ­ლე­ბო კრი­ზისს ნიშ­ნავს და "ნა­ცი­ო­ნა­ლურ მოძ­რა­ო­ბას" ამის სურ­ვი­ლი არ აქვს. იმე­დი მაქვს, უმ­რავ­ლე­სო­ბა­საც ასე­თი­ვე საღი და­მო­კი­დე­ბუ­ლე­ბა აქვს და ბი­უ­ჯეტს მხარს და­უ­ჭე­რენ".

ეკა ბა­სი­ლა­ია

გა­ზე­თი "რე­ზო­ნან­სი"