ქუთაისის ციხის ყოფილ დირექტორს 6 წლითა და 9 თვით პატიმრობა მიესაჯა
ქუთაისის საქალაქო სასამართლომ, ქუთაისის N2 დაწესებულების ყოფილი დირექტორი დიმიტრი ჯიჭონაია პატიმართა ცემა-წამებასა და არაადამიანურ მოპყრობაში დამნაშავედ ცნო და 6 წლითა და 9 თვით თავისუფლების აღკვეთა მიუსაჯა.
მთავარი პროკურატურის ინფორმაციით, დიმიტრი ჯიჭონაია აღნიშნული ბრალდებით 2013 წლის 15 აპრილს დააკავეს. მას ბრალდება პატიმართა წამებისა და არაადამიანური მოპყრობის ოთხ ეპიზოდში ჰქონდა წარდგენილი. ბრალდებული სასამართლომ შეკრებილ მტკიცებულებათა საფუძველზე სცნო დამნაშავედ.
კერძოდ, 2011 წლის 5 აგვისტოს პატიმრების გ.ფ-სა და დ.თ-ს მიმართ, რადიოს მაღალ ხმაზე ჩართვის გამო დასჯის მიზნით, ცემა წამების ორი ეპიზოდი, დანაშაული გათვალისწინებული სსკ-ის 1441-ე მუხლის მეორე ნაწილის "ა", "ბ", "ე", "ზ" ქვეპუნქტით. ასევე, 2012 წლის თებერვალსა და აგვისტოში პატიმრების რ.გ-სა და ზ.დ-ს მიმართ არაადამიანური მოპყრობის ორი ეპიზოდი. დანაშაული გათვალისწინებული საქართველოს სსკ-ის 1443-ე მუხლის მეორე ნაწილის "ა", "ბ", "ე", "ზ" ქვეპუნქტით.
იმერეთის გუბერნატორის ხელფასი გაორმაგდა
ორი ობლისა და ორი ბებიას შემზარავი გასაჭირი გურიაში
