ავიაკომპანია "აირზენა" სოჭის მიმართულებით პირდაპირი ავიარეისების განხორციელებას იწყებს. როგორც "ინტერპრესნიუსს" ავიაკომპანია "აირზენას" დირექტორთა საბჭოს თავმჯდომარე თამაზ გაიაშვილმა განუცხადა, სოჭის მიმართულებით ფრენები კვირაში ორჯერ განხორციელდება.
"ავიარეისები დაინიშნა 4 თებერვლიდან, კვირაში ორი სიხშირით და გაგრძელდება მთელი გაზაფხული-ზაფხულის სეზონი. სოჭში არის ქართული დიასპორა, რომელიც ითხოვდა, რომ ჩვენ გაგვეხორციელებინა ავიარეისები სოჭის მიმართულებით. ძნელი იყო ამ მიმართულებით ნებართვის მიღება რუსეთიდან, მაგრამ ოლიმპიადასთან დაკავშირებით რუსეთის მხარემ ნებართვა დაგვრთო",-განაცხადა გაიაშვილმა.
რაც შეეხება ფრენის ფასებს, ის 120 აშშ დოლარიდან იწყება.
