23
მაისიდღის ზოგადი ასტროლოგიური პროგნოზი
საქართველოს მთელ ტერიტორიაზე დღეს, დღის მეორე ნახევრიდან ამინდი გაუარესდება. ამის შესახებ "ინტერპრესნიუსს" გარემოს ეროვნული სააგენტოს მონიტორინგისა და პროგნოზირების ცენტრის ხელმძღვანელმა სვეტლანა ნიორაძემ განუცხადა.
მისი თქმით, დღის მეორე ნახევრიდან მოსალოდნელია ამინდის გაუარესება. ქვეყნის მთელ ტერიტორტიაზე მოსალოდნელია ნალექი, უმეტესად კი თოვლის სახით. ზღვის სანაპიროზე სავარაუდოდ წვიმა იქნება, დასავლეთ საქართველოს დაბლობში ზოგან მოსალოდნელია თოვლჭყაპი, ზოგან კი - თოვლიც.
მაღალ მთაში ყველგან თოვლია მოსალოდნელი, მაღალმთიან რაიონებში შესაძლოა ქარბუქიც იყოს და ზოგან შეიძლება ძლიერადაც მოთოვოს.
რაც შეეხება თბილისს, როგორც სვეტლანა ნიორაძემ აღნიშნა, თბილისში დღეს, დღის განმავლობაში შესაძლოა ცოტა იწვიმოს, ღამით შესაძლოა თოვლჭყაპში გადაიზარდოს.
მისივე ინფორმაციით, ჰაერის ტემპერატურა ძალიან არ დაეცემა. ღამით დასავლეთ საქართველოში ტემპერატურა 0 +5 გრადუსის ფარგლებში იქნება, აღმოსავლეთ საქართველოში კი -3 -4 გრადუსამდე. ზოგან ყინვა საერთოდ არ არის მოსალოდნელი.
სინოპტიკოსები გამოდარებას 15 იანვრიდან ვარაუდობენ, თუმცა შემდეგ დღეებშიც ზოგჯერ მცირე ნალექს მაინც ელიან.
ამჟამად კი მხოლოდ რიკოთზე თოვს.
