მნიშვნელოვანი ინფორმაცია
28
მაისიდღის ზოგადი ასტროლოგიური პროგნოზი
ოთხშაბათი, მთვარის მეორე დღე დაიწყება 04:56-ზე, მთვარე კირჩხიბში გადავა 21:36-ზე – კარგია ბიზნესის დაწყება. მუშაობა ინდივიდუალურადაც და გუნდურადაც. მოძებნეთ სპონსორები თქვენი პროექტებისთვის. შეგიძლიათ დაიწყოთ ახალი საგნების სწავლა, ჩაირიცხოთ კურსებზე. მოგზაურობა, მივლინებები. ერთ-ერთი საუკეთესო დღეა ქორწინებისთვის. ამ დღეს შექმნილი ოჯახი ძლიერი და მეგობრული იქნება. კარგია მტვერსასრუტით სახლის დალაგება, სანტექნიკის გამოცვლა. აუცილებელია ნათურების, ჭაღების გაწმენდა, აგრეთვე ჭურჭლისა და სარეცხის გარეცხვა. კარგი დღეებია მცენარეების მორწყვისთვის.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
23 პატიმრის სკანდალური წერილი: "მსჯავრდებულები ჩაჰყავთ კარცერში და სცემენ"
23:58 / 08-01-2014
"ყველა სიახლეს" ადამიანის უფლებათა დაცვისა და პატიმართა სოციალური უზრუნველყოფის საერთაშორისო ორგანიზაციის თავმჯდომარე გიორგი თევზაძემ სასჯელაღსრულების #19 ტუბერკულოზის სამკურნალო და სარეაბილიტაციო ცენტრში მოთავსებული პატიმრების წერილი მიაწოდა, რომელსაც უცვლელად გთავაზობთ. წერილს ხელს 23 პატიმარი აწერს.
"მოგახსენებთ, რომ ვიმყოფებით ტუბერკულოზის სამკურნალო მძიმე კატეგორიის ქრონიკული დაავადების #19 სამედიცინო დაწესებულებაში. ჩვენთან არიან დაავადების ქრონიკული ფორმის კატეგორიები: "ემდიარები", "იქსდიარები", "ტედიარები", რომლებიც სამკურნალო პროგრამებთან ერთად საჭიროებენ გულის, თირკმელების, ღვიძლისა და სხვა ორგანოების სამკურნალო წამლებს, ასევე, ტკივილგამაყუჩებლებსა და დამამშვიდებელ პრეპარატებს. ვსვამთ პროგრამით გათვალისწინებულ 14 პრეპარატს, რომლებიც იწვევს უძილობას და ნერვულ აშლილობას. ამჟამად არანაირი წამლები არ გვეძლევა. დამხმარე მედიკამენტებს, უმეტეს შემთხვევაში, ექიმები გვიწერენ. გვესაჭიროება მედიკამენტები, რომლებიც კანონით გვეკუთვნის და რომელთა შეძენაც აფთიაქში ჩვენი სახსრებით გვიწევს. ისმის კითხვა - სად მიდის ჩვენი კუთვნილი წამლები?
მეტსაც გეტყვით, ამ დაწესებულებაში ისევ იმყოფებიან სააკაშვილის დროინდელი ჯალათები, ექიმები, რომლებიც განაგრძობენ ბოროტ საქმეებს: გალია ჯმუხაძე, ნონა ჩაკვეტაძე. ასევე, არიან ახალი კადრები - ლალი ცირდავა, თემურ დადიანი, მაია ჭოლაძე და გიული; სამედიცინო დეპარტამენტის უფროსობა: არჩილ თალაკვაძე, ნათია ლანდია, მარიკა ნიკოლეიშვილი.
იზღუდება ჩვენი უფლებები და ზემოთ ჩამოთვლილი ექიმები გულგრილად ექცევიან მათზე დაკისრებულ მოვალეობას, იჩენენ უყურადღებობას, ავადმყოფობას ვითომ გამოიკვლევენ და არასწორ დიაგნოზებს სვამენ, რის შედეგადაც, უმეტეს შემთხვევაში, პაციენტების მდგომარეობა მძიმდება და გვიწევს მედიკამენტების შეძენა, რის საშუალებაც არ გვაქვს. ასევე ხშირია პატიმართა თვითდაზიანებისა და სუიციდის ფაქტები და მცდელობები, რაც გამოწვეულია გაუსაძლისი პირობებით, აუტანელი ტკივილებით და უყურადღებობით.
გამოდის, რომ თითქმის არაფერი შეცვლილა: სააკაშვილის ბოროტი რეჟიმი გრძელდება იმავე მეთოდებით - ავადმყოფ პატიმრებზე ფიზიკური და ფსიქოლოგიური ზეწოლით. ექიმები და ადმინისტრაცია აგრძელებენ ჩვენს ტანჯვა-წამებას დიმიტრი დარბაისელის (სასჯელაღსრულების დეპარტამენტის თავმჯდომარე) მეთაურობით. ჩვენი სატკივარი გულთან არავის მიაქვს და უყურადღებობით ხელს უწყობენ ავადმყოფობის გავრცელება-დამძიმებას. გთხოვთ სასწრაფო რეაგირებას და ავადმყოფთა უფლებების დაცვას.
ხშირად პატიმრები კანონიერი მოთხოვნების გამო მიჰყავთ კარცერებში, ე.წ. კრიტებში, გადაჰყავთ სხვა დაწესებულებებში, როცა დაავადებული პატიმრები უნდა იმყოფებოდნენ გაძლიერებული მეთვალყურეობისა და დაკვირვების ქვეშ. "ნასილკებით" მოყვანილი პატიმრები ხშირად გადაჰყავთ ჩვენთვის გაურკვეველ ადგილას. ეს ყველაფერი დარბაისელის დამსახურებაა. ასეთი დაავადების მქონეთ ესაჭიროებათ გაძლიერებული კვება. დაწესებულებაში არიან დიაბეტიანი და კუჭ-ნაწლავით დაავადებული პატიმრებიც. ის პატიმრები, რომლებიც კანონიერად ითხოვენ წამლებს, ჩაჰყავთ კარცერში, ადებენ ბორკილებს და სცემენ ადმინისტრაციის თანამშრომლები.
წესით, მძიმედ დაავადებული პატიმარი არ უნდა ხვდებოდეს კარცერში. გვინდა დავძინოთ, რომ დარბაისელი ცდილობს შეზღუდოს ავადმყოფების უფლებები, კერძოდ, პატიმარს არ ეძლევა უფლება, გაიაროს კონსულტაცია ექიმთან და გაერკვეს პრობლემებში, საჭიროების შემთხვევაში შეხვდეს მთავარ ექიმს...ჩვენ გვაქვს კანონიერი მოთხოვნები, ვითხოვთ იმას, რაც გვეკუთვნის, მაგრამ დიმიტრი დარბაისელს სურს, ბოლომდე შეზღუდოს ჩვენი უფლებები, რის გამოც იძულებული ვხდებით, მივმართოთ პროტესტის უკიდურეს ფორმას. მოვითხოვთ, ამ საქმეში ჩაერიოს თქვენი და ყველა შესაბამისი არასამთავრობო უწყება და სასწრაფოდ მოხდეს რეაგირება.
რომელ კოდექსში წერია, რომ პატიმარი ამ მდგომარეობამდე უნდა მიიყვანონ?! დაჟინებით მოვითხოვთ, აღიკვეთოს და შეჩერდეს ეს უმსგავსობა".
ნანა ფიცხელაური
ყოველკვირეული გაზეთი "ყველა სიახლე"
(გამოდის ოთხშაბათობით)
მკითხველის კომენტარები /
3 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შინაგან საქმეთა მინისტრად გელა გელაძე დაინიშნა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ქოცებოოო.. რას აკეთებთ ციხე მიგავიწყდათ!? და რა გახსოვთ..იუსტიციის მინისტრის ნათესავი ეტყობა ჯერ არ მოხვედრილა ციხეში თუმცა აქვთ ნომრები ლუქსები! მოკლედ მაგ ლუქსებში მენახეთ სუყველა . მოვესწრები .. ყველა ზომას ვიღებ არ მვკვდე მანამდე თქვენ იქ არ გნახოთ. მადლობა ამისათვის, დიდი სტიმულია!
პატიმრებს ჩემი თანადგომა იმიტომ კი არა რომ მოწონს კრიმინმალები არა. ციხეში უნდა იყოს ელემაენტარული პირობები და ამის მცდელობაც არ იგრძნობა ისევ სააკაშვილისაკენ იშვერენ ხელს. ესენი ვინ არიან. რაღა ცუდს ედრებით თქვე დედაფეთქებულებო კარგზე იფიქრეთ და იმას დაეტოლეთ.