მოახლოებული სოჭის ოლიმპიადა და გადაადგილების შეზღუდვები აფხაზეთში
7 იანვრიდან 21 მარტამდე, "სოჭის ოლიმპიადის უსაფრთხოების" მიზნით, რუსეთ-აფხაზეთის საზღვარზე გადაადგილების შეზღუდვასთან დაკავშირებით, ვლადიმერ პუტინის ბრძანებულება იმოქმედებს. კერძოდ, სიახლე აფხაზეთის დე ფაქტო რესპუბლიკის ნომრით აფხაზეთიდან რუსეთის მიმართულებით მოძრავ ავტომობილებზე ვრცელდება. ისინი გადაადგილებას ოლიმპიადისთვის საგანგებოდ ამოქმედებული საშვებით შეძლებენ. დე ფაქტო ეკონომიკის სამინისტროს მიერ გავრცელებული დოკუმენტის თანახმად, სოხუმი დღის მანძილზე შერჩევით 50 საშვს გასცემს.
სახელმწიფო მინისტრი შერიგებისა და სამოქალაქო თანასწორობის საკითხებში პაატა ზაქარეიშვილი რადიო თავისუფლების რუსულენოვან გამოცემა "ეხო კავკაზა-სთვის" მიცემულ ინტერვიუში აცხადებს, რომ გადაადგილების შეზღუდვასთან დაკავშირებით გადაწყვეტილებამ, შესაძლოა, რეგიონში საწვავსა და პროდუქტებზე ფასების ზრდა განაპირობოს, მძიმე მდგომარეობაში მყოფ პაციენტებს კი, რომლებმაც საზღვარი ჯანმრთელობის გაუარესების მიზეზით უნდა გადმოკვეთონ, პრობლემები შეექმნათ.
მდინარე ფსოუს საზღვარზე ამოქმედებული სიახლის მიუხედავად, ვითარება ჯერჯერობით არ შეცვლილა ენგურის ხიდზე, სადაც ოკუპირებული გალის რაიონის მოსახლეობა ჩვეულებრივ გადაადგილდება ზუგდიდის მიმართულებით.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
