მნიშვნელოვანი ინფორმაცია
6
ივნისიდღის ზოგადი ასტროლოგიური პროგნოზი
პარასკევი, მთვარის მეთერთმეტე დღე დაიწყება 17:02-ზე, მთვარე სასწორშია – ერთ-ერთი ყველაზე ენერგიული, წარმატებული და ძლიერი დღეა. ნებისმიერი დავალების შესრულებისას საჭიროა სიფრთხილე და ყურადღება. იმოქმედეთ გადამწყვეტად, ბიზნესში თუ სამსახურში. განხორციელდეთ ის, რაც ჩაფიქრებული გქონდათ. გააფორმეთ კონტრაქტები, დაიკავეთ ახალი პოზიცია. დაასრულეთ რაც დაიწყეთ. დღის საუკეთესო საკვებად ითვლება წვენები და ხილი. გამოიჩინეთ მზრუნველობა და სიყვარული საყვარელი ადამიანის მიმართ, მიართვათ საჩუქარი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ბასილ კობახიძე - უკვე მრავალი წელია, საქართველოს ეკლესია, ადამიანებს გაუკუღმართებულ ქრისტიანობას ასწავლის
03:23 / 08-01-2014
თეოლოგი ბასილ კობახიძე დედა პარასკევას მოწოდებით მამა გაბრიელის საფლავზე საქართველოს ყველა კუთხიდან მორწმუნეთა მიზღვავებას "რელიგიურ ისტერიას" უწოდებს და აცხადებს, რომ ამას საერთო არ აქვს ქრისტიანულ რწმენასთან. ის ამ ყველაფრის უკან მართლმადიდებელ სასულიერო პირებს ხედავს, რომლებიც სახელმწიფოსთან ერთად სასოწარკვეთილი ადამიანებით მანიპულირებენ.
კობახიძის განცხადებით, ამ ყველაფერს ცინიზმი ახლავს, რაც ჩანს თავად დედა პარასკევას მიერ რამდენჯერმე შეცვლილ განცხადებასა და საპატრიარქოს მიმართვაში, სადაც ნათქვამია რომ "ხორციელდება ის თხოვნები, რაც ღვთის სათნოა და, რაზეც უფლის ნებაა და არა ნებისმიერი ნატვრა". ხოლო საპატრიარქოს განცხადება დიდ დღესასწაულებზე ეკლესიაში "მადლის ტრიალის" შესახებ, საერთოდ არ შეესაბამება მართლმადიდებელ თეოლოგიას.
კობახიძის თქმით, რელიგიური ისტერიის ეს დიდი მასშტაბები აჩვენებს, თუ რამხელა ნეგატიური, ირაციონალური გავლენა აქვს ეკლესიას მოსახლეობაზე. "ბოლოს და ბოლოს ეს საცოდავი კაციც, ბერი გაბრიელი, დააყენონ საფლავში. შექმნეს მისგან კულტი და ახლა მისით მანიპულირებენ. აქ მარტო მამა გაბრიელი არ არის, უამრავი კულტი არსებობს საქართველოში და რუსეთში უფრო მეტია. საქართველოში ბევრი კულტია, მაგალითად, როგორიცაა: წმინდა კალმახები, წმინდა წყაროები, წმინდა ქვები, ღვთის რჩეული ქათამი, რომელმაც თავი მოიკლა, მაგრამ დატოვა ღვთაებრივი კვერცხი, წმინდა გიორგის შავი ხელი, რომელიც ხანდახან გამოჩნდება და ურტყამს კბილებში ადამიანებს და ა.შ ასეთი სისულელეები" , - ამბობს თეოლოგი.
მისი თქმით, რამდენიმე მღვდელმა ამ ბოლო დღეების მცხეთის ამბები გააკრიტიკა, დასცინა მრევლს, რაც, მისი თქმით, არის უნამუსობა. "თვითონ არიან ამის შემოქმედნი და მერე თავადვე დასცინიან ხალხს. თან ზოგიერთი მათგანი არის ცნობილი ექსტრემისტი რომლებიც მონაწილეობდნენ არმენოფობიურ გამოსვლებში, მოუწოდებდნენ სისხლისღვრისაკენ, ასევე მედიის საშუალებით ამართლებდნენ 17 მაისის დარბევას, მათგან ასეთი ქილიკი და დაცინვა, იმ ეკლესიის მიერ ასე გაწვალებული ადამიანებისა, რომლის სასულიერო პირებიც არიან, არის ცინიზმის გამოვლინება საპატრიარქოს მხრიდან", - აცხადებს ბასილ კობახიძე.
თეოლოგის თქმით, უკვე მრავალი წელია საქართველოს ეკლესია, ადამიანებს ასწავლის გაუკუღმართებულ ქრისტიანობას, რომელსაც საერთო არაფერი აქვს სახარებასთან და თეოლოგიასთან. კობახიძეს მიაჩნია, რომ საპატრიარქომ შექმნა თავისი რელიგია, რომელიც ფსევდოქრისტიანულ ფოლკლორზეა დაფუძნებული.
"სამწუხაროდ, საპატრიარქოს წყალობით, რელიგიური სიბნელე ჩვენი საზოგადოების დიდ ნაწილშია მოდებული მეტ-ნაკლები სიმძაფრით. აგრეთვე ადამიანებს აქვთ მერკანტილური დამოკიდებულება რელიგიის მიმართ, რაც განპირობებულია პოლიტიკური, ეკონომიკური, ფსიქოლოგიური თუ სხვა მიზეზებით. ჩემი აზრით, სწორედ სააკაშვილის დამსახურებაა, რომ საპატრიარქოს დღეს საქართველოში ამხელა გავლენა აქვს. თვითონ ეკლესიას არ აქვს და არც ჰქონია არც იმის ინტელექუალური ან სხვა რაიმე რესურსი, რომ ასეთუ უზარმაზარი გავლენა მოეპოვებინა საზოგადოებაზე, მაგრამ ამაში მას სწორედ სააკაშვილი და მისი პოლიტიკა დაეხმარა. ვერც ერთი პრორუსული ძალა ვერ გააკეთებდა დასავლური ღირებულებების მსგავს დისკრედიტაციას, როგორც ეს სააკაშვილმა და მისმა გუნდმა მოახერხეს", - აცხადებს კობახიძე.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
