1
მაისიდღის ზოგადი ასტროლოგიური პროგნოზი
გთავაზობთ ხუთ ფილმს შობის დღესასწაულზე, რომელიც ამაღლებულ განწყობასა და ჯადოსნულ ატმოსფეროს შეგიქმნით.
"სასწაული 34-ე ქუჩაზე" - მთავარი ჰოლივუდური ფილმი სანტაზე, რომელიც 1947 წელს გამოუშვეს.
ფილმი შობის თამაზე გადაღებული ფილმების ბევრ ავტორიტეტულ რეიტინგს ლიდერობს. სწორედ ამ ფილმში შექმნა მსახიობმა ესმუნდ გვენმა სანტა-კლაუსის კლასიკური იმიჯი, რომელსაც ფილმების მწარმოებლები დღემდე იყენებენ.
მომხიბვლელი წვეროსანი, რომელიც შემთხვევით დიდი უნივერმაღის საბავშვო განყოფილებაში სანტად მუშაობას იწყებს, წითელ სამოსს იცვამს, ბავშვებს აღმერთებს, მათი გართობა ეხერხება და ბავშვებისთვის გაუსაღებელი სათამაშოების მიყიდვას არ თანხმდება, რის გამოც ზოგიერთი ზრდასრული სძულს. სურათის საკულტო სტატუსს ოთხი რემეიკისა და მის მოტივებზე ერთი მუზიკლის გადაღება ადასტურებს.
"ცუდი სანტა"
მაგრამ ყველა სანტა ერთნაირად კარგი და კეთილი არ არის, ბილი ბობ ტორნტონმა დაამტკიცა, რომ ზოგიერთი შეიძლება ლოთი, გარყვნილი და დამნაშავე იყოს. ერთ-ერთი ასეთი სანტა სავაჭრო ცენტრში სამუშაოდ მოეწყო, ეუხეშებოდა ყველას, ბავშვებს აშინებდა და მნახველებს ეარშიყებოდა, ხოლო ღამ-ღამობით მაღაზიების სალაროებს აცარიელებდა. მაგრამ შობას ასეთი ცუდი ადამიანებიც კი იცვლებიან...
"რეალური სიყვარული"
გენიალურმა სცენარისტმა და რეჟისორმა რიჩარდ კერტისმა 2003 წელს იდეალური საშობაო მელოდრამა გამოუშვა, რომელიც როგორც სევდიანი, ისე შთამაგონებელია და უფროსებს სასწაულის დაჯერებაში ეხმარება. შობის წინ კი სასწაული აუცილებლად მოხდება - თუ თქვენ ახლობელი დაკარგეთ, ან მეუღლემ მიგატოვათ, თუ ცოლად საჭირო ადამიანს არ გაყევით, ან საყვარელ ადამიანს ასობით კილომეტრი და ენობრივი ბარიერი გაშორებთ. ფილმში მთავარ როლებს კირა ნაითლი, ემა ტომპსონი, კოლინ ფერტი, მარტინ ფრიმანი, ლაიმ ნისონი და ჰიუ გრანტი ასრულებენ.
"საშობაო ისტორია"
რობერტ ზემეკისის "საშობაო ისტორიაში", რომელიც ჩარლზ დიკენსის კლასიკური ნაწარმოების მიხედვითაა შექმნილი, მსახიობმა ჯიმ ქერიმ ბოროტი მოხუცი სკრუჯის როლი შეასრულა, რომელიც დღესასწაულებს ვერ იტანს, მაგრამ ერთ-ერთი შობის წინ ცხოვრებაზე შეხედულებების გადახედვა მოუწევს. სურათი რთული ტექნოლოგის motion capture-ის დახმარებით იქმნებოდა - ამის გამო ეკრანზე სრულიად გასაოცარი სურათი იშლება, რომელიც როგორც ბავშვებში, ისე მშობლებში ერთნაირ აღფრთოვანებას იწვევს.
"შვებულება"
საშობაო რომანტიკულ კომედიაში ცნობილი ჰოლივუდის მსახიობები - კეიტ უინსლეტი, ჯოდ ლოუ და კამერონ დიასი თამაშობენ. ნენსი მეიერსის მელოდრამაში გმირებს ზამთრის არდადეგების დროს საცხოვრებელი სახლების გაცვლა უწევთ, რომ როგორც მოგვიანებით ირკვევა, საკუთარი ცხოვრება სამუდამოდ შეცვალონ.
