თურქეთში კიდევ ერთი ქართველი დაიღუპა

გავრცელებული ინფორმაციით, თურქეთის ქალაქ გებზეში, საავადმყოფოს ინტენსიური თერაპიის განყოფილებაში კიდევ ერთი ქართველი დაიღუპა . აღნიშნულ ინფორმაციას ტელეკომპანია "რუსთავი 2" ავრცელებს.

სტამბოლის ზონის ქალაქ გებზეში სულ ხუთი ქართველი დაიღუპა. ქართული მხარის ინფორმაციით, ამ დროისთვის არსებული მონაცემებით, გარდაცვალება კუსტარულად დამზადებულმა ალკოჰოლურმა სასმელმა გამოიწვია.

ხუთი გარდაცვლილის გარდა, მძიმე მოწამვლა აღენიშნება კიდევ ორ ქართველს, რომლებიც ამ დროისთვის რეანიმაციულ განყოფილებაში არიან გადაყვანილი. ქართველები მშენებლობაზე მუშაობდნენ. სასმელი მათ თავად დაამზადეს.

ამ დროისთვის არსებული ინფორმაციით, გარდაცვლილები აბაშიდან, სენაკიდან და ზუგდიდიდან არიან.

"ინტერპრესნიუსი"