რიკი მარტინი საყვარელ მამაკაცს დაშორდა
ლათინოამერიკელი მომღერალი რიკი მარტინი, რომელმაც 2010 წელს საკუთარი არატრადიციული სექსუალური ორიენტაციის შესახებ განაცხადა, საყვარელს, კარლოს გონსალეს აბელას დაშორდა.
როგორც ჟურნალი US Weekly წერს, "რიკი და კარლოსი ერთმანეთს დაშორდნენ, მაგრამ მეგობრულ ურთიერთობას ინარჩუნებენ". ჯერჯერობით უცნობია, რა არის წყვილის დაშორების მიზეზი - რამდენიმე კვირის წინ დასავლური პრესა წერდა, რომ რიკი და კარლოსი დაქორწინებას და გრანდიოზული ქორწილის გადახდას აპირებდნენ.
შეგახსენებთ, მარტინს 2008 წელს სუროგატმა დედამ ტყუპი ბიჭი გაუჩინა.
მომზადებულია US Weekly-ს მიხედვით.