მნიშვნელოვანი ინფორმაცია
26
მაისიდღის ზოგადი ასტროლოგიური პროგნოზი
ორშაბათი, მთვარის ოცდამეცხრე დღე დაიწყება 03:56-ზე, მთვარე 21:22-დან ტყუპში იქნება – საკმაოდ რთული დღეა. არ დაიწყოთ ახალი საქმეები. მოერიდეთ ფინანსურ ოპერაციებს, ყოველგვარ ვაჭრობასა და სასამართლო საქმეს. სხვა დღისთვის გადადეთ უფროსთან შეხვედრა და საქმეებზე საუბარს. არ გირჩევთ მგზავრობას, საქმეების გარჩევას. მეტად დაისვენეთ. კარგია მსუბუქი ვარჯიში. ამ დღეს ქორწინება დაუშვებელია. განქორწინების მიზეზი ერთ-ერთი მეუღლის ღალატი ან ტყუილი გახდება. სასურველია ამ დღეს დაიცვათ მარხვა. ნებადართულია რძის პროდუქტები. ხორცი არა. ძილის წინ მიიღეთ გამწმენდი შხაპი. ნაკლები დრო გაატარეთ უჰაერო ოთახში, მოერიდეთ ე.წ. მოწევის ადგილებს. გაანიავეთ ოთახი. შეამცირეთ დატვირთვა ხელებსა და მხრებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ქართველი გადამზიდველებისათვის რუსეთმა სავიზო რეჟიმი გაამარტივა
05:33 / 03-01-2014
საავტომობილო მიმოსვლის მიზნით ქართველი გადამზიდველებისათვის რუსეთის ფედერაციამ სავიზო რეჟიმი გაამარტივა. ამის შესახებ დღეს გამართულ ბრიფინგზე ეკონომიკის მინისტრის მოადგილე ნათია მიქელაძემ განაცხადა. მისივე განმარტებით, აღნიშნულთან დაკავშირებით რუსეთის საგარეო უწყებამ ქართულ მხარეს ინფორმაცია შვეიცარიის საელჩოს მეშვეობით მიაწოდა.
"2013 წლის 27 დეკემბერს რუსეთის ფედერაციის საგარეო საქმეთა სამინისტროდან შვეიცარიის კონფედერაციის საელჩოს საქართველოს ინტერესების სექციის საშუალებით ოფიციალურად იქნა მოწოდებული ინფორმაცია საქართველოს გადამზიდველებისათვის (მძღოლებისათვის) რუსეთის ფედერაციის ვიზების გამარტივებული წესით მიღების თაობაზე. აღსანიშნავია, რომ აუცილებელი პროცედურების გავლის შემდეგ, რაც უახლოეს დღეებში გამოქვეყნდება სახმელეთო ტრანსპორტის სააგენტოს ვებგვერდზე (www.lta.gov.ge), ქართველ გადამზიდველებზე, პრიორიტეტულ რეჟიმში (წინასწარი ჩაწერის გარეშე), იქნება გაცემული საქმიანი მრავალჯერადი ვიზები ერთი წლის ვადით. ვიზის გაფორმების საკონსულო მოსაკრებელი დაჩქარებული წესით (3 სამუშაო დღეში) გაფორმებისათვის შეადგენს 310 აშშ დოლარს, ხოლო ჩვეულებრივ რეჟიმში (10 სამუშაო დღეში) გაფორმებისათვის - 160 აშშ დოლარს, - აღნიშნა ნათია მიქელაძემ.
ამასთან, მისივე განმარტებით, რუსეთის ფედერაციასთან საერთაშორისო საავტომობილო მომოსვლა რეგულირდება საქართველოს რესპუბლიკის მთავრობასა და რუსეთის ფედერაციის მთავრობას შორის საერთაშორისო საავტომობილო მიმოსვლის შესახებ 1994 წლის 3 თებერვლის შეთანხმებით, რომელიც ძალაშია 1994 წლის 6 ივნისიდან. თუმცა 2006 წლის 2 ოქტომბრიდან რუსეთის ფედერაციის ინიციატივით, საქართველოსთან შეწყვეტილი იქნა საავტომობილო მიმოსვლა.
"2012 წლის განმავლობაში საავტომობილო მიმოსვლის აღდგენის საკითხზე მიმდინარეობდა კონსულტაციები რუსეთის მხარესთან და 2012 წლის ბოლოს, 2006 წლის შემდეგ პირველად, რუსეთის ფედერაციიდან გადმოგზავნილი იქნა საერთაშორისო სატვირთო საავტომობილო გადაზიდვის კვოტირებული ნებართვის ბლანკები (1000 ერთეული).
აქვე, 2013 წლის 6-7 აგვისტოს მოსკოვში გაიმართა საავტომობილო ტრანსპორტის რუსეთ-საქართველოს შერეული კომისიის სხდომა, რომელსაც საქართველოს მხრიდან უძღვებოდა საქართველოს ეკონომიკისა და მდგრადი განვითარების სამინისტროს სისტემაში შემავალი სსიპ "სახმელეთო ტრანსპორტის სააგენტოს" ხელმძღვანელი. სხდომაზე განხილული იყო ორ ქვეყანას შორის 2006 წლის შემდეგ შეწყვეტილი საერთაშორისო საავტომობილო სამგზავრო მიმოსვლის და სატვირთო გადაზიდვების აღდგენასთან დაკავშირებული საკითხები. ასევე გაიცვალა საერთაშორისო სატვირთო გადაზიდვისა (500 ერთეული ორმხრივი და ტრანზიტული გადაზიდვის და 20 ერთეული მესამე ქვეყნიდან/ქვეყანაში გადაზიდვის) და არარეგულარული სამგზავრო გადაყვანის (10 ერთეული) ნებართვების ბლანკები. საყურადღებოა, რომ სწორედ აღნიშნული კომისიის სხდომაზე ქართული მხარის მიერ პრინციპულად იქნა დასმული - საქართველოს გადამზიდველებისათვის (მძღოლებისათვის) ვიზების გამარტივებული წესით მიღებასთან დაკავშირებული საკითხის მოგვარება შესაძლო მოკლე ვადაში. მოლაპარაკების დროს რუსეთის მხარის დელეგაციის წარმომადგენლებმა გამოხატეს მზადყოფნა ამ საკითხის დროულად გადაწყვეტის თაობაზე, რაც ოფიციალურად დაფიქსირდა მხარეებს შორის გაფორმებულ ოქმშიც.
ზემოაღნიშნული კომისიის ჩატარების შემდეგ, დღეისათვის 2013 წელს გაცვლილი ნებართვებიდან საქართველოს გადამზიდველების მიერ ათვისებულია 500 ერთეული ორმხრივი და ტრანზიტული გადაზიდვის და 20 ერთეული მესამე ქვეყნიდან/ქვეყანაში გადაზიდვის ნებართვა. ამჟამად მიმდინარეობს მოლაპარაკებები 2014 წელს მხარეებს შორის გასაცვლელი ნებართვების რაოდენობის შთანხმების თაობაზე.
ქართველი გადამზიდველებისათვის რუსეთის ვიზების მიღების პროცედურების გამარტივება ხელს შეუწყობს საქართველოში რეგისტრირებული მეწარმე-გადამზიდველების დასაქმებას ორმხრივი და ტრანზიტული სატვირთო და სამგზავრო საავტომობილო მიმოსვლის სფეროში, ასევე ორ ქვეყანას შორის სატვირთო და სამგზავრო გადაყვანა/გადაზიდვების მოცულობების ზრდას სახმელეთო გზის ხელმისაწვდომობის, აგრეთვე ტრანსპორტირებისათვის საჭირო დროისა და თვითღირებულების შემცირების ხარჯზე, რაც ქვეყნებს შორის სავაჭრო ტვირთბრუნვის ზრდის მნიშვნელოვანი ფაქტორი და კიდევ ერთი წინ გადადგმული ნაბიჯი იქნება ჩვენი ქვეყნის ეკონომიკური განვითარებისთვის", - აღნიშნა ნათია მიქელაძემ.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
