ფოთის ბიუჯეტიდან გაცემული პრემიები შექმნილი დეფიციტის ოდენობას უტოლდება

წინასაახალწლოდ, ფოთის ბიუჯეტიდან პრემიის სახით 202 ათასი ლარი გაიცა.  მერიის 210-ვე თანამშრომელმა, ხელფასის ოდენობის თანხა, ჯამში, 166,5 ათასი ლარი მიიღო და საკრებულოს 35-ვე თანამშრომელზე გაცემულმა თანხამ კი 36,5 ათასი ლარი შეადგინა.

TSpress-ის ინფორმაციით, ფოთის თვითმმართველობა მიმდინარე საბიუჯეტო წელს 600 ათასამდე საბიუჯეტო გარღვევით ასრულებს. "დეფიციტი ბუნებრივი რესურსის მოსაკრებლიდან თანხის შემოუსვლელობის გამო შეიქმნა", - აცხადებს ფოთის მერის მოადგილე ვასილ თოდუა.

შეგახსენებთ, რომ მიმდინარე წელს, სხვადასხვა რელიგიურ დღესასწაულებზე 3-ჯერ გაცემულმა პრემიამ, ჯამში 600 ათას ლარს გადააჭარბა და ფოთის ბიუჯეტის დეფიციტს გაუტოლდა.

იხილეთ ვრცლად

tspress.ge