მნიშვნელოვანი ინფორმაცია
22
მაისიდღის ზოგადი ასტროლოგიური პროგნოზი
ხუთშაბათი, მთვარის ოცდამეხუთე დღე დაიწყება 03:21-ზე, მთვარე ვერძს ესტუმრება 20:21-ზე – ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"მთვრალი სანტა-კლაუსი სახლიდან სულ კინწისკვრით გავაგდეთ"
14:35 / 31-12-2013
საქართველოში სეზონურ ბიზნესს მიეკუთვნება სანტა-კლაუსებისა თუ თოვლის ბაბუების გამოძახების სერვისი. "ყველა სიახლე" ერთ-ერთ ასეთ კომპანიაში დასაქმებულებს გაესაუბრა, რომელთაც სახალისო ისტორიები გაიხსენეს.
ვასო (21 წლის): - ერთ-ერთ სკოლაში, ჩვენთვის გაუგებარი მიზეზით, ერთი მასწავლებელი ცუდად განეწყო ჩვენს მიმართ და დაასკვნა, რომ ბავშვებს ვერ ვართობდით. ჩვენ გვაქვს თამაში, რომელსაც "თოკის გადაქაჩვა" ჰქვია, ფიფქია და გოგოები ეჯიბრებიან სანტასა და ბიჭებს. სანამ ბავშვებს თამაშის წესებს ვუხსნიდი, ამ გაბრაზებულმა მასწავლებელმა თოკის მთელი ძალით გაქაჩვა დაიწყო და მეც მიმათრევდა, წარმოიდგინეთ მასწავლებელი, რომელიც თოკს ექაჩება და სანტა, რომელიც წაქცევის პირასაა და ყვირის - რას შვრებით? მიპასუხა - თქვენ ვერ ართობთ და მე მაინც გავართობ ბავშვებსო. ბოლოს ზღართანი მოვადინე და ბავშვებმაც ბევრი იცინეს (იცინის).
გიორგი, 30 წლის: სანტასთან დაკავშირებით მე და ჩემს შვილს კარგი მოგონებები არ გვაქვს. საბა სამი წლის იყო და გადავწყვიტე, ახალი წლის ღამეს მისთვის სანტას მოეტანა საჩუქარი. დავრეკე ერთ-ერთ გასართობ ცენტრში და გამოვიძახე. ჯერ ერთი, რომ არაპუნქტუალური აღმოჩნდა და პირველის ნახევრის ნაცვლად ორის ნახევარზე მოვიდა ნახევრად მძინარე ბავშვთან, თანაც, ნუნუას მოყვარულიც ყოფილა და გზადაგზა კარგად გამომთვრალა. შემოვიდა თუ არა, ისე არაბუნებრივად ბოხი ხმით აღრიალდა, რომ ბავშვი დაიძაბა, მერე უთხრა - ასე ნუ მიყურებ, თორემ ცუდი კაცები შეგჭამენო და ამაზე საბა გადაბჟირდა. მე და ჩემი ძმაკაცები ისე გავბრაზდით, რომ სახლიდან სულ კინწისკვრით გავაგდეთ, მოკლედ, ახალი წლის ღამეს სანტა "გავტისკეთ". მას შემდეგ ბავშვი სადმე თოვლის ბაბუას რომ გაიგონებს, ყვირის - თოვლის ბაბუ არ მინდა, არ მინდაო.
ნიკა, 25 წლის: რამდენიმე წელია, სანტად ვმუშაობ და ფიფქიასთან ერთად გამოძახებებზე დავდივარ. ახალი წლის საღამო კარგად იწყება, მაგრამ პირველი საათის მერე სამუშაო რთულდება, რადგან ხალხი თვრება და თავს ბევრის უფლებას აძლევს. ხშირად მთვრალები რეკავენ და გვეუბნებიან, მხოლოდ ფიფქიას გამოძახება გვინდა, სანტას გარეშეო (იცინის). ასეთებს, რა თქმა უნდა, მაშინვე ვუთიშავთ ტელეფონს. თავისთავად, ფიფქიები ლამაზი გოგონები არიან და ხშირად გვიწევს მათი დაცვაც. ერთი შემთხვევა მახსენდება, რომელიც ჩემთვის კურიოზი ნამდვილად არ არის. გამოძახებაზე მისულებს შეზარხოშებული მოქეიფე ტიპებიც დაგვხვდნენ და ცუდ დღეში აღმოვჩნდით. ერთ-ერთი ფიფქიას მოხიბვლას ცდილობდა, დანარჩენები კი ღვინოს ძალით მასხამდნენ პირში, ამ დაძაბულობაში ვხედავ, რომ მთვრალმა მამაკაცმა ფიფქია მეტისმეტად შეაწუხა. რა თქმა უნდა, ფიფქიას დახსნა გადავწყვიტე, რასაც შელაპარაკება, შემდეგ კი ჩხუბი მოჰყვა, სახლში ყველაფერი თავდაყირა დადგა და იქიდან გაწეწილებმა ძლივს გამოვაღწიეთ. ასე რომ, სანტებს ხშირად გვიწევს მთვრალი კაცებისგან ფიფქიების დაცვა, რაც საზოგადოების დაბალი კულტურის მანიშნებელია.
თბილისში 2000-ლარიანი ნაძვის ხეები კარგად იყიდება
თბილისში ნაძვის ხის ფასები 14-15 ლარიდან იწყება. დათოვლილი ნაძვის ხეები კი - 500-700 ლარი ღირს. იყიდება ათასლარიანი ნაძვის ხეებიც, რომელიც 3 მეტრის სიმაღლისაა. როგორც ერთ-ერთი სავაჭრო ცენტრის კონსულტანტმა გვითხრა, ქსელში 4-მეტრიანი ნაძვის ხეებიც აქვთ, რომელთა ფასი 2 ათასი ლარია. სხვათა შორის, ძალიან კარგად იყიდება.
ყველაზე ძვირად ღირებული ნაძვის ხე მსოფლიოში
ყველაზე ძვირად ღირებული ნაძვის ხე 2010 წელს აბუ-დაბის სასტუმრო Eმირატეს Pალაცე-ში დადგეს. მის მოსართავად გამოიყენეს ოქროს, მარგალიტის, ბრილიანტის, საფირონისა და ზურმუხტის სათამაშოები. ნაძვს სათამაშოების გარდა საათები, სამაჯურები და ყელსაბამები ამშვენებდა. ნაძვის ხე 11 მლნ დოლარად იყო შეფასებული.
მაკა ქობალია
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
